英式修士吧 (已結業)

我們4個人去飲,地方舒適涼爽冇乜人飲左Vodka Lime,Gin Tonic, Chivas Green Tea但係個姐姐黑口黑面唔知佢想點nuts 得一個計我地2個錢,問佢淨係話係...姐姐的服務態度要改改喇

今日係第二次黎食lunch, 大約一點鐘去到都仲搵到位. 我同兩個同事分別叫左黑椒豬扒同芝士龍利柳跟薯菜(set lunch). 餐茶我要凍檸茶少甜, 兩位同事要凍檸茶走甜. 一叫完野轉頭就上麵包(雖然係麥多, 但都幾好味), 之後就好快咁上餐湯(又係個d羅宋湯囉, 味道一般), 飲完湯話咁快就上main course(我個豬扒okay喎, 幾香口, 但有d梳打粉味. 同事個魚都幾好, 但食唔到芝士味, 薯條大家都覺得幾好味, 但d菜就冇乜味囉, 白烚野) 唯一唔好既係餐茶吹左一次先有, 同埋落到枱又唔講明邊杯少甜邊杯走甜. 個waitress一放低d餐飲就叫我地埋單, 之後一陣風咁飄開左. 同埋找錢都幾耐下.不過其實呢度服務已經改善左好多, 記得上幾個禮拜黎過一次. 個次可能落雨爆場啦. 吹左好多次都冇餐包(最後都冇黎到), 同埋餐飲要吹五六次先有囉. 呢個情況好多枱都出現, 而d waitress又愛理不理咁樣.總括黎講, 黎呢度食晏純為填飽個肚. 但有一點要註意係, 呢度播d歌幾好聽(英文老歌), 我地今日好舒服咁坐係度聽歌搞到有少少唔想返公司~嘿~

情人節同女朋友去呢到食飯........入到去當然係黑漆漆, 因為係間酒吧, 叫左個情人節套餐, 但係見到左右兩台客轉流問waitress 姐姐點解咁耐都未上菜, 我地已經驚驚地, 不過, 驚既唔係唔上, 而係餐入面既薯仔有少少怪味, 反而我的就無事。最搞笑既就係黎完一次甜品, 竟然再黎第二次, 我地好唔想浪費既情形下唯有食埋佢......總括食物係ok 既, 但係侍應既安排就亂了少少

前兩日同朋友食完飯落左去飲o野. 貪佢氣氛唔錯, 又唔太嘈. 飲食方面算唔錯. 現場服務都ok.但. 臨走o既時侯, 當我同朋友係門口等緊另一個朋友去完toilet一齊走啦. 點知我俾風吹幾吹突然想嘔, 我都醒目見牆角有個渠口位就即刻飛過去先嘔啦. 嘔完都未定神, 就即刻有個waiter姐姐黑晒面拿報紙過o黎遮住個渠口位, 咁我整污糟佢我門口, 本來都有d唔好意思, 想講聲sorry, 點知個waiter姐姐竟然話我點解唔去男廁嘔!! 大佬, 嘔控制到架? 個男廁又唔係近, 你唔好叫我忍到返屋企先嘔!!就憑呢個waiter 姐姐d咁有智慧o既建議, 我發誓直至地球毀滅都唔會再幫趁修士吧!!!

boxing day，星期一又不用上班，友人諗住玩盡o的，提議到bar睇潻蒲天光，再飲早茶。尖咀雖然有很多酒吧，但我只鍾情修士吧，貪佢氣氛好，就算有人猜枚都不覺嘈，另外酒女郎斯文大方，冇咁妖艷，又唔會不斷迫你飲酒，而且個bartender 沖o既cocktail極有水準，價錢又合理。是晚11個人，叫了四打Heineken，自己點了杯tequila sunrise，加埋nuts小費每人只是$78，真係抵到爛！

今晚同各openrice食友在凱悅有甜品自助餐之約，但唔夠六點已經走得，就約左個同事落呢度飲一飲先。﹝原本約左雪怡妹齊齊去食甜品，誰不知佢亦自己來，所以打個平手，下次再約過！﹞呢度都算是老牌酒吧，在這裡都開了好幾年。其實地方唔算好大，但用了大鏡去反射，加上幾個習角位，好似大左好多。有強勁音樂同裝修都幾好，放工來飲番杯都唔錯。眼看人客都唔算雜，幾斯文下，不過就好煙霧彌漫，聞不得煙味的最好要諗諗至來。有野飲有野食，想抽雪茄亦有散賣的。除左嘉士伯，叫左幾碟小吃，計有雞翼尖、牛柳粒同豬頸肉，樣樣都泡過油咁，幾香口，送啤酒當然不俗。最好的當然是雞翼尖，幾時都係送啤酒佳品。埋單一百六十幾蚊，比較來說，啤酒仲貴過食物。呢度的happy hour幾得意，是星期一及星期三全日，各式酒類皆半價，但星期四就沒有，唔知係唔係因為咁，所以今晚一來就有位。二是幾位靚女啤酒姐姐全程跟得幾貼，有賓至如歸的感覺，但又自然飲多杯。

So far so good~

Good food & drink with reasonable price,

傳媒大吹大擂話呢度d 女侍應好靚~ 但係小弟就唔多覺喇~ 普通貨色~~ 哈哈.// 不過呢度飲shooters 好抵~$300 一pack, 一pack 18 支~ 夠四個人分啦~