影片
我们4个人去饮,地方舒适凉爽冇乜人饮左Vodka Lime,Gin Tonic, Chivas Green Tea但系个姐姐黑口黑面唔知佢想点nuts 得一个计我地2个钱,问佢净系话系...姐姐的服务态度要改改喇
继续阅读
今日系第二次黎食lunch, 大约一点钟去到都仲揾到位. 我同两个同事分别叫左黑椒猪扒同芝士龙利柳跟薯菜(set lunch). 餐茶我要冻柠茶少甜, 两位同事要冻柠茶走甜. 一叫完野转头就上面包(虽然系麦多, 但都几好味), 之后就好快咁上餐汤(又系个d罗宋汤啰, 味道一般), 饮完汤话咁快就上main course(我个猪扒okay㖞, 几香口, 但有d梳打粉味. 同事个鱼都几好, 但食唔到芝士味, 薯条大家都觉得几好味, 但d菜就冇乜味啰, 白烚野) 唯一唔好既系餐茶吹左一次先有, 同埋落到枱又唔讲明边杯少甜边杯走甜. 个waitress一放低d餐饮就叫我地埋单, 之后一阵风咁飘开左. 同埋找钱都几耐下.不过其实呢度服务已经改善左好多, 记得上几个礼拜黎过一次. 个次可能落雨爆场啦. 吹左好多次都冇餐包(最后都冇黎到), 同埋餐饮要吹五六次先有啰. 呢个情况好多枱都出现, 而d waitress又爱理不理咁样.总括黎讲, 黎呢度食晏纯为填饱个肚. 但有一点要注意系, 呢度播d歌几好听(英文老歌), 我地今日好舒服咁坐系度听歌搞到有少少唔想返公司~嘿~
继续阅读
情人节同女朋友去呢到食饭........入到去当然系黑漆漆, 因为系间酒吧, 叫左个情人节套餐, 但系见到左右两台客转流问waitress 姐姐点解咁耐都未上菜, 我地已经惊惊地, 不过, 惊既唔系唔上, 而系餐入面既薯仔有少少怪味, 反而我的就无事。最搞笑既就系黎完一次甜品, 竟然再黎第二次, 我地好唔想浪费既情形下唯有食埋佢......总括食物系ok 既, 但系侍应既安排就乱了少少
继续阅读
前两日同朋友食完饭落左去饮o野. 贪佢气氛唔错, 又唔太嘈. 饮食方面算唔错. 现场服务都ok.但. 临走o既时侯, 当我同朋友系门口等紧另一个朋友去完toilet一齐走啦. 点知我俾风吹几吹突然想呕, 我都醒目见墙角有个渠口位就即刻飞过去先呕啦. 呕完都未定神, 就即刻有个waiter姐姐黑晒面拿报纸过o黎遮住个渠口位, 咁我整污糟佢我门口, 本来都有d唔好意思, 想讲声sorry, 点知个waiter姐姐竟然话我点解唔去男厕呕!! 大佬, 呕控制到架? 个男厕又唔系近, 你唔好叫我忍到返屋企先呕!!就凭呢个waiter 姐姐d咁有智慧o既建议, 我发誓直至地球毁灭都唔会再帮趁修士吧!!!
继续阅读
boxing day，星期一又不用上班，友人谂住玩尽o的，提议到bar睇潻蒲天光，再饮早茶。尖咀虽然有很多酒吧，但我只钟情修士吧，贪佢气氛好，就算有人猜枚都不觉嘈，另外酒女郎斯文大方，冇咁妖艳，又唔会不断迫你饮酒，而且个bartender 冲o既cocktail极有水准，价钱又合理。是晚11个人，叫了四打Heineken，自己点了杯tequila sunrise，加埋nuts小费每人只是$78，真系抵到烂！
继续阅读