基地 (已結業)

尖沙咀向來多美食，呢兩年亦都陸陸續續有好多新餐廳，經常留意住社交平台睇吓有咩新餐廳去打下卡，近來就發現呢一間用遊戲做主題嘅酒吧餐廳，入面勁多打卡位。環境打機主題配合Led霓虹燈，餐廳四四方方但係都好多打卡位。餐牌哈哈蝦蝦 $158 蒜蓉蝦多士，唔好以為係普通蝦肉釀上多士，係真係原隻蝦另配多士。蝦嘅份量多，有5,6隻，蒜香惹味，配蝦多士夠哂夾。黑松露寶雲酥羊架 $238 我同另一半都鍾意食羊，寶雲酥羊架勁吸引，面上舖上麵包糠再焗，面脆肉裡肉質嫩口，唔會太重羶味，預設偏生，如食唔到太生記得先同店員講聲。Base Bar Martini $98既然係同餐廳同名，一定係signature，果然有搞作，會係面頭噴個泡泡。由Vodka, Passion Fruit Liqueur, Pineapple, Vanlina Syrup, Lime組成，Vodka味都幾重。Crazy Juice $65 Mocktail之選，Pineapple, Orange, Yuzu, Soda，女士們好啱飲，甜甜哋好易入口，幾清新。