影片
更多
2022-07-10
45 浏览
自問非#芫茜控，但當日冇啦啦走去叫個芫茜青醬意粉，喂但又好鬼好食，creamy嘅青醬+薄荷醬又令到個草青味變得可接受喎數數手指，第一前到訪Flagship 經已係兩年前，當時新開業但個menu激有誠意，印象最深刻係個steak n egg同紙包魚。闊別兩年後前排自己一人晚餐再訪，唔試招牌反而畀店員大大力推介嘅Coriander Pasta 芫茜青醬意粉吸引，feel到我一話「好咁我試吓」，店員興奮回頭同厨房部同事大喊「Yeah！有人嗌嘞！」另外介紹返好多人order嘅「可連殼食」焗田螺— 🔥酥皮焗成田螺殼形再釀入田螺肉同薯蓉，入口脆卜卜，一啖一甩好方便！另外一見餐廳有homemade lemon tart🍋我又心癢一試，店員介紹個tart係走平衡路線，非美式偏濃酸口味。試過我嘅結論係內餡酸甜感中庸，撻皮脆得嚟唔夠酥香，重點係topping 用現成忌廉扣咗分，💁🏻♀️可改善。題外話，用餐過程中見唔少人都點佢個#Carbonara in Chinese Style，用臘肉同金華火腿取代傳統培根🥓，聽落吸引，留名下次想試埋！
自問非#芫茜控，但當日冇啦啦走去叫個芫茜青醬意粉，喂但又好鬼好食，creamy嘅青醬+薄荷醬又令到個草青味變得可接受喎
數數手指，第一前到訪Flagship 經已係兩年前，當時新開業但個menu激有誠意，印象最深刻係個steak n egg同紙包魚。闊別兩年後前排自己一人晚餐再訪，唔試招牌反而畀店員大大力推介嘅Coriander Pasta 芫茜青醬意粉吸引，feel到我一話「好咁我試吓」，店員興奮回頭同厨房部同事大喊「Yeah！有人嗌嘞！」
另外介紹返好多人order嘅「可連殼食」焗田螺— 🔥酥皮焗成田螺殼形再釀入田螺肉同薯蓉，入口脆卜卜，一啖一甩好方便！另外一見餐廳有homemade lemon tart🍋我又心癢一試，店員介紹個tart係走平衡路線，非美式偏濃酸口味。試過我嘅結論係內餡酸甜感中庸，撻皮脆得嚟唔夠酥香，重點係topping 用現成忌廉扣咗分，💁🏻♀️可改善。
題外話，用餐過程中見唔少人都點佢個
#Carbonara in Chinese Style，用臘肉同金華火腿取代傳統培根🥓，聽落吸引，留名下次想試埋！
张贴
