影片
更多
2024-04-24
103 浏览
前幾日同男友週年紀念，去左間位於天文台圍道既鐵板燒餐廳，難忘既一餐♥️♥️♥️。座位以廚師吧枱為主，可以欣賞到師傅席前料理既過程。食材高質，服務滿意。適合慶生或紀念日，師傅可以係鐵板上畫公仔或者寫上祝賀字句，相當用心，我地都食得好開心。HK$950/HK$1150 per one沙律菜水晶海藻本身冇味，但質地清爽，口感幾得意。蜜糖合桃脆卜卜，口感豐富。沙律菜新鮮爽脆，淋上芝麻醬愈食愈開胃。雞泡魚乾加上蜜糖烤至乾身，甘香鮮美有嚼勁，沾上沙律醬又係另一番風味，係一個好好既下酒菜。魚籽鵝肝蒸蛋蒸蛋好滑好香 再加。蒸蛋又香又滑溜，入口即溶，加左黑魚籽同埋鵝肝口感豐富，鮮味大大提升。先活龍蝦半隻活伊勢龍蝦鮮味濃厚，非常新鮮爽口彈牙。師傅一路燒一路表演拆肉，透過鐵板均勻煎製，肉質緊實有嚼勁，食到我地舔舔脷。原隻先活南非鮑魚/季節時令海鮮 (二選一)海帶原隻先活南非鮑魚鮑魚肉質彈牙，配上海苔忌廉汁，鮮美可口。季節時令海鮮時令海鮮係蟶子，彈牙爽嫩。伴菜蘆筍、靈芝菇加左龍蝦醬好惹味。香煎頂級鵝肝/香煎北海道帆立貝 (二選一)香煎頂級鵝肝我唔係特別鐘意食鵝肝，但呢舊鵝肝顛覆左我味蕾！質感細緻綿密，入口即化，齒頰
座位以廚師吧枱為主，可以欣賞到師傅席前料理既過程。食材高質，服務滿意。適合慶生或紀念日，師傅可以係鐵板上畫公仔或者寫上祝賀字句，相當用心，我地都食得好開心。
HK$950/HK$1150 per one
沙律菜
水晶海藻本身冇味，但質地清爽，口感幾得意。蜜糖合桃脆卜卜，口感豐富。沙律菜新鮮爽脆，淋上芝麻醬愈食愈開胃。
雞泡魚乾
加上蜜糖烤至乾身，甘香鮮美有嚼勁，沾上沙律醬又係另一番風味，係一個好好既下酒菜。
魚籽鵝肝蒸蛋
蒸蛋好滑好香 再加。
蒸蛋又香又滑溜，入口即溶，加左黑魚籽同埋鵝肝口感豐富，鮮味大大提升。
先活龍蝦半隻
活伊勢龍蝦鮮味濃厚，非常新鮮爽口彈牙。師傅一路燒一路表演拆肉，透過鐵板均勻煎製，肉質緊實有嚼勁，食到我地舔舔脷。
原隻先活南非鮑魚/季節時令海鮮 (二選一)
海帶
原隻先活南非鮑魚
鮑魚肉質彈牙，配上海苔忌廉汁，鮮美可口。
季節時令海鮮
時令海鮮係蟶子，彈牙爽嫩。伴菜蘆筍、
靈芝菇加左龍蝦醬好惹味。
香煎頂級鵝肝/香煎北海道帆立貝 (二選一)
香煎頂級鵝肝
我唔係特別鐘意食鵝肝，但呢舊鵝肝顛覆左我味蕾！質感細緻綿密，入口即化，齒頰留香，油份沾上脆卜卜既多士一齊食，勁正！如果怕油膩可以配黑醋或者菠蘿。
香煎北海道帆立貝
帆立貝肉質爽口彈牙，大大粒，味道鮮甜！加上黑魚籽同埋金箔點綴，外賣相當吸引！紫菜包住一齊食，雙重口感。
龍蝦清湯
食完海鮮就飲番個味增湯，有助解膩，仲有少少龍蝦肉😋。
鹿兒島霜降和牛薄燒卷/厚燒 (二選一)
鹿兒島霜降和牛薄燒卷
師傅會問客人想要牛既生熟程度，而我地就交比專業既師傅決定🤣！和牛有著霜降般既油花分怖，軟嫩又多汁，牛味濃郁，捲住炸蒜片同埋青䓤，膩感減低。
厚燒和牛
和牛十分柔軟，入口滿腔油花，可以簡單搭配岩鹽、蒜片或者昆布一齊食。我就最鐘意岩鹽，甘鹹慢慢地滲入味蕾，將油膩化為美味😋！
炒野菜
看似平平無奇既炒野菜口感爽脆，加左蒜蓉牛油所以十分香口惹味。
秋田炒飯
日式炒飯粒粒分明，不黏糊之餘仲要夠鑊氣！師傅充分展現功架，加入蛋醬、鹹鮮火腿粒、大量櫻花蝦、香蔥等炒成，啖啖都充滿蛋香！
甜品係紅豆燒餅配抹茶/香芋雪糕，超滿足既一餐。
张贴
