Cafe Paradise (已結業)

今次同朋友黎到呢間餐廳，我地各自叫左一set晚餐，有湯，有沙律，有主菜，有甜品，仲有飲品，質素更是令人喜出望外。我第一樣先食左個田園沙律，沙律菜十分新鮮，翠綠得黎又好爽口，仲無乜植物既澀味，加上小小醋，十分開胃，還有一粒切成兩半既車厘茄，juicy中帶有一點清新既氣息，份量不多，為這餐提供了一個不錯的開頭。跟住我就飲個湯啦，係吞拿魚粟米忌廉湯。飲落口既第一感覺十分濃稠，而且非常滑，忌廉味很重之餘帶有毫不遜色的吞拿魚香味，因為當中吞拿魚肉的份量異常的多，基本上每一啖里面湯跟魚肉比例各佔一半，就算魚肉咁多，當中卻完全沒有任何腥味，就連不吃魚的我也可以接受得到，最後里面還有少少粟米，雖然味道不突出，但偶爾咬到一粒確是有增強口感之用。小食方面我地只係叫左一份芝麻雞翼，因為怕食唔曬D野。雞翼炸得非常脆，雞翼尖部份基本可以直接食曬，但難得的是里面的肉質仍然keep到嫩滑，而且食得出雞翼係腌過，咸咸地中帶有好微既辣，幾惹味，表面既芝麻亦可以增添一份香味。主菜我叫左美國頂級肉眼牛扒配燒汁，雖然係用碟上，但溫度仍保持得到，應該係店員上菜迅速啦，基本西餐既配菜佢都有，例如炸薯角同埋雜菜。我最想講既都係塊牛