影片
更多
2021-01-12
16 浏览
嗰日上網睇到個blogger 喺日本食成吉思汗燒即刻好想食，跟住上網查原來香港都有成吉思汗燒叫燒肉酒場，此店喺銅鑼灣渣甸坊的地舖，平時都比出面啲鐵皮檔遮住咗，所以唔係好起眼，好彩入到來餐廳，完全日本feel，日本居酒屋嘅裝修，加上輕快嘅日本歌，非常之不錯。坐低就叫咗杯檸檬及鮮橙燒酎，雪凍左新鮮嘅檸檬及橙做冰，再加燒耐，所以味道好天然，一啲都唔假，之後生果慢慢溶化就可以滲出果汁，唔使加冰溝淡個酒味，非常之有心思。叫得成吉思汗燒梗係好多羊肉，呢度有蒙古及紐西蘭羊肉的不同部位，當然價錢不一樣，羊痴應該十分高興啦！叫咗個蒙古卷肉，肥瘦均勻，入口不錯，羊味夠。跟住再試左個紐西蘭羊柳肉，肉會瘦啲，不過肉都好好味，而羊騷味淡少少，配合鐵板上的洋蔥就一流。之後侍應同我講啲洋蔥係放題，無限量添加，再加上店家自製的七味孜然粉，重口味嘅朋友應該唔會放過。除咗羊肉依度都有其他肉類，叫咗個牛板腱，簡簡單單有牛味。之後叫咗個柚子雞腿肉，雞幾滑，彈牙多汁，連皮燒到焦香，十分好吃。送洒點左過炸蠔，麵包糠外層十分香脆，顏色又靚，油溫控制唔錯，入口乾身唔會油淋淋。食燒肉唔夠飽，再加咗個洋湯烏冬，羊肉配上羊清湯，可能心理作
叫得成吉思汗燒梗係好多羊肉，呢度有蒙古及紐西蘭羊肉的不同部位，當然價錢不一樣，羊痴應該十分高興啦！
叫咗個蒙古卷肉，肥瘦均勻，入口不錯，羊味夠。
跟住再試左個紐西蘭羊柳肉，肉會瘦啲，不過肉都好好味，而羊騷味淡少少，配合鐵板上的洋蔥就一流。
之後侍應同我講啲洋蔥係放題，無限量添加，再加上店家自製的七味孜然粉，重口味嘅朋友應該唔會放過。
除咗羊肉依度都有其他肉類，叫咗個牛板腱，簡簡單單有牛味。
之後叫咗個柚子雞腿肉，雞幾滑，彈牙多汁，連皮燒到焦香，十分好吃。
送洒點左過炸蠔，麵包糠外層十分香脆，顏色又靚，油溫控制唔錯，入口乾身唔會油淋淋。
食燒肉唔夠飽，再加咗個洋湯烏冬，羊肉配上羊清湯，可能心理作用，吃完個烏冬非常之飽肚及暖胃。
呢度啲肉類食物大部份都細細碟，而且價錢非常之實惠，都唔過$100，二個人份量剛剛好，可以試好多碟，所以食得好開心，氣氛又好，呢個價錢喺銅鑼灣十分公道！
张贴
