平民基地 (已結業)

油塘又有新餐廳啦😍😍新開張冇幾耐，不過好似淨係做外賣生意(應該係😛)見到個餐牌，d名好有趣，所以叫咗個外賣返屋企試試😎辛酸雞便當🍱 $68聽到個名就知係酸酸辣辣，賣相相當吸引，雞肉除咗嫩滑之外，仲要幾爽口，冇雪藏味。大約有9件雞，份量都幾多下。個汁感覺上好泰式，但又加咗薑蔥喺裏面有幾match喎，食多兩碗飯都得啊🤤🤤唔係講笑。(大食嘅朋友可能個飯嘅份量就唔係好足夠，唔知有冇得叫多飯呢😂)除咗雞，仲有幾件豬腩肉，但腩肉部份就肥咗d😖。滷水韭菜 $10韭菜普普通通，冇乜滷水味。