平民基地 (已結業)

近排油塘開左呢間新店，舖位細小，但食物種類算多，有小菜、雞飯🐔系列、滑蛋🥚系列、滷水系列、冰火系列，仲有便當、小食。較喜歡雞便當系列，因為雞肉🐔鮮嫩，唔會太肥。又可以轉烏冬。辛酸雞🐔和沙薑雞🐔2種唔同味道，一個酸味味，一個少少辣味。各有各滋味。各有滷水蛋🥚、少許菜。烏冬有一片蘿蔔🥕。不過，經常較少汁，order時通知職員加多些汁就可以。咁樣較好味道😚這間餐廳價錢尚算平民🤣，但地方淺窄，建議堂食。外賣較適合。🙂

作為油塘街坊嘅我，經常都覺得呢個地方係美食沙漠😣，所以經常寧願喺出面買埋外賣先返屋企。不過最近收到宣傳單張，知道油塘中心嗰邊開咗間新舖「平民基地」，所以就一於同屋企人試吓。餐廳只有室外座位，如果唔係天氣咁熱，其實都OK㗎☀️。不過夏天就買返屋企慢慢嘆好過啦。店舖四周圍都貼滿餐牌同食物圖片，令人花多眼亂，樣樣都好吸引，好難揀啊🙈。我哋三個人嗌咗兩個主食，再加小食，份量都幾多，一餐食唔晒。主食會跟配白飯，另外亦可加$5改配乾拌麵🍜。屋企日日都食飯，有得揀緊係食麵啦。我要咗米線同掛麵，兩樣都幾好，麵質彈牙，並無煮得過淋。後者呈扁身，類似上海麵。每碗均搭配少量蔥同蘿蔔，無咁單調。人氣麻辣雞($78)，佢係無用火㷫住嘅迷你雞煲，但依然風味十足。🐔呢度嘅麻辣味道好出色，小辣過癮得嚟唔會太搶，麻味突出，而且用上大量蔥頭、洋蔥同辣椒等爆香🌶，份外惹味。佢個底有好多汁，我呀媽仲留返嚟第二晚再炒餸，你就知有幾正。雞件比較零碎同多骨，鍾意大啖肉嘅就會覺得麻麻，但重點所在都係個汁吧。胡椒豬肚雞湯($58)，呢碗啲雞同雞煲相反，湯內有多件雞胸肉，正啊🐓。豬肚都唔錯，口感煙韌，但同時又夠軟身。湯底幾好味，冇落味精，

去油塘朋友屋企玩，屋主要我買埋野食先好上去🫠咁就聽指示去咗依間叫平民基地嘅餐廳買外賣，位置都幾易去，係大本型地下巴士站一出就係，隔離仲有超市可以買零食飲品😝我買左一個主食香酥炸豬扒乾拌掛麵$58另外配左支冬瓜露$10自私飲再加大量小食酥炸花枝丸$18、炸櫻花蝦餅$32、滷水豬大腸$14、紫菜狂熱雞軟骨$32食物全部即叫整，買完仲行左陣超市上到朋友屋企仲好熱辣辣👍乾拌麵麵身淡味左少少，但配埋炸豬扒同配菜，味道岩岩好仲要大大份誠意足，其他小食都好惹味，花枝丸同蝦餅都相當彈牙😋支冬瓜露清甜帶小小檸檬味，整體來講值得一食😆😆

今日收工經過見到油塘有間新開既平民基地有雞煲食，就買左個2人雞煲同埋小食返屋企試試。通常返到屋企沖完涼啲外賣都凍哂，要整返熱。呢間野都幾落本，仲送埋個爐比我地滾住黎食，值得一讚。叫左個2人麻辣雞煲，配料多夠哂香，又唔會太重味，送飯黎食啱啱好。另外小食叫左甜不辣（唔錯），泡椒鳳爪（男朋友話好辣，我覺得普通辣，送酒唔錯），炸雲吞（可能凍左，食落普通）。整體唔錯，岩鍾意食重味的我，下次再黎呢邊做野又多一間選擇

在油塘發現咗間隱世(新)店→ 平民基地。 OT開到夜晚十一點，加班收工仲可以有飯食， 仲想點呀 ？!留意到餐牌d名好特別，食落水準唔錯 ，份量好足料，地盤佬都食得飽!有下次!有下次!

油塘又有新餐廳啦😍😍新開張冇幾耐，不過好似淨係做外賣生意(應該係😛)見到個餐牌，d名好有趣，所以叫咗個外賣返屋企試試😎辛酸雞便當🍱 $68聽到個名就知係酸酸辣辣，賣相相當吸引，雞肉除咗嫩滑之外，仲要幾爽口，冇雪藏味。大約有9件雞，份量都幾多下。個汁感覺上好泰式，但又加咗薑蔥喺裏面有幾match喎，食多兩碗飯都得啊🤤🤤唔係講笑。(大食嘅朋友可能個飯嘅份量就唔係好足夠，唔知有冇得叫多飯呢😂)除咗雞，仲有幾件豬腩肉，但腩肉部份就肥咗d😖。滷水韭菜 $10韭菜普普通通，冇乜滷水味。

今天經過油塘中心，發現有間新嘢開了，所以試一試。絕對有驚喜！點了1個滷水豉油雞便當！📣📣超大份，滷水汁好入味，D雞好滑，有好多舊🐥🐥，還有滷肉，滷蛋，菜在入面，勁豐富！加了$10轉樽仔奶茶🧋，好好飲。朋友點了個香酥炸豬扒便當，夠豬扒仲大過我手掌，肉質滑好惹味！😋問了收銀姐姐有咩好食的小食，介紹了我們🍢冇得輸炸牛丸，真是好好食，好彈牙，入面有好濃的牛肉汁，食完想再encore, 但可惜我們的胃太少。試不到太多，下次再試下其他。