影片
以上资料只供参考，请与餐厅确认详情
招牌菜
近排油塘开左呢间新店，舖位细小，但食物种类算多，有小菜、鸡饭🐔系列、滑蛋🥚系列、卤水系列、冰火系列，仲有便当、小食。较喜欢鸡便当系列，因为鸡肉🐔鲜嫩，唔会太肥。又可以转乌冬。辛酸鸡🐔和沙姜鸡🐔2种唔同味道，一个酸味味，一个少少辣味。各有各滋味。各有卤水蛋🥚、少许菜。乌冬有一片萝卜🥕。不过，经常较少汁，order时通知职员加多些汁就可以。咁样较好味道😚这间餐厅价钱尚算平民🤣，但地方浅窄，建议堂食。外卖较适合。🙂
继续阅读
作为油塘街坊嘅我，经常都觉得呢个地方系美食沙漠😣，所以经常宁愿喺出面买埋外卖先返屋企。不过最近收到宣传单张，知道油塘中心𠮶边开咗间新舖「平民基地」，所以就一于同屋企人试吓。餐厅只有室外座位，如果唔系天气咁热，其实都OK㗎☀️。不过夏天就买返屋企慢慢叹好过啦。店舖四周围都贴满餐牌同食物图片，令人花多眼乱，样样都好吸引，好难拣啊🙈。我哋三个人嗌咗两个主食，再加小食，份量都几多，一餐食唔晒。主食会跟配白饭，另外亦可加$5改配干拌面🍜。屋企日日都食饭，有得拣紧系食面啦。我要咗米线同挂面，两样都几好，面质弹牙，并无煮得过淋。后者呈扁身，类似上海面。每碗均搭配少量葱同萝卜，无咁单调。人气麻辣鸡($78)，佢系无用火㷫住嘅迷你鸡煲，但依然风味十足。🐔呢度嘅麻辣味道好出色，小辣过瘾得嚟唔会太抢，麻味突出，而且用上大量葱头、洋葱同辣椒等爆香🌶，份外惹味。佢个底有好多汁，我呀妈仲留返嚟第二晚再炒𩠌，你就知有几正。鸡件比较零碎同多骨，钟意大啖肉嘅就会觉得麻麻，但重点所在都系个汁吧。胡椒猪肚鸡汤($58)，呢碗啲鸡同鸡煲相反，汤内有多件鸡胸肉，正啊🐓。猪肚都唔错，口感烟韧，但同时又够软身。汤底几好味，冇落味精，绝对可以成碗饮晒。胡椒味唔显著，饮完无好滚嘅感觉，但鸡汤本身好浓郁，亦难得唔油腻。盐酥炸鸡扒($20)，今餐食咗几款唔同嘅鸡，每款各有特色。个人最钟意炸鸡扒🍗，首先佢成块都系肉，肉质嫩滑，而炸皮就好酥脆，调味上则非常接近台湾盐酥风情。佢好食过晒所谓过江龙炸鸡店，无万年油嘅味道。冰火鱿鱼($39)，凉拌鱿鱼就相比起以上几款菜式平庸🦑，佢份量系几多，可惜鱿鱼质感太韧，两位长老咬唔到。秘制酱汁几特别嘅，无颜色睇起嚟咁重口味，食落都几香口，辣辣哋。饮品方面🥤，我哋加$10将汽水转做平民樽仔系列，分别要咗奶茶同柠檬冬瓜露。两款都好好饮，出品比茶饮店更为出色。奶茶细滑、茶底唔涩；而冬瓜茶唔会过甜，比例得宜，好解渴。总括嚟讲，油塘街坊终于有平民好嘢食喇😆🥡，虽然价钱唔系真系话好平，但店家用心制作，味道不俗。基地食物款式繁多，有饭有面有小食，菜式偏向系台湾菜吧🇹🇼，呢区冇乜同类型食物～。
继续阅读
去油塘朋友屋企玩，屋主要我买埋野食先好上去🫠咁就听指示去咗依间叫平民基地嘅餐厅买外卖，位置都几易去，系大本型地下巴士站一出就系，隔离仲有超市可以买零食饮品😝我买左一个主食香酥炸猪扒干拌挂面$58另外配左支冬瓜露$10自私饮再加大量小食酥炸花枝丸$18、炸樱花虾饼$32、卤水猪大肠$14、紫菜狂热鸡软骨$32食物全部即叫整，买完仲行左阵超市上到朋友屋企仲好热辣辣👍干拌面面身淡味左少少，但配埋炸猪扒同配菜，味道岩岩好仲要大大份诚意足，其他小食都好惹味，花枝丸同虾饼都相当弹牙😋支冬瓜露清甜带小小柠檬味，整体来讲值得一食😆😆
继续阅读
今日收工经过见到油塘有间新开既平民基地有鸡煲食，就买左个2人鸡煲同埋小食返屋企试试。通常返到屋企冲完凉啲外卖都冻哂，要整返热。呢间野都几落本，仲送埋个炉比我地滚住黎食，值得一赞。叫左个2人麻辣鸡煲，配料多够哂香，又唔会太重味，送饭黎食啱啱好。另外小食叫左甜不辣（唔错），泡椒凤爪（男朋友话好辣，我觉得普通辣，送酒唔错），炸云吞（可能冻左，食落普通）。整体唔错，岩钟意食重味的我，下次再黎呢边做野又多一间选择
继续阅读
在油塘发现咗间隐世(新)店→ 平民基地。 OT开到夜晚十一点，加班收工仲可以有饭食， 仲想点呀 ？!留意到餐牌d名好特别，食落水准唔错 ，份量好足料，地盘佬都食得饱!有下次!有下次!
继续阅读