Wingman (閣麟街)

营业中

休息中

雞翼係香港人至愛，去度邊都有佢份，茶餐廳、中西麵店、南北小館、酒吧扒房、快餐店、大酒樓、同埋屋企個廚房，都有雞翼嘅蹤影，蒸炒煮炸，任從尊便。不過好遺憾，雞翼始於係小食，做唔到主菜。今日係Wingman，雞翼終於坐正。喺Wingman 雞翼係主菜，其他都係副選。Wingman主打雞翼，有多款不同炮製方式，多采多姿，任君選擇。灣仔船街Wingman就食過，今日係中環閣麟街店，就來個外賣品嚐，跟Wingman口號「一齊叫雞」。Wingman雞翼分乾身、濕身和特製三大類，另外亦有小食、配菜、Wraps & Bao、甜品及飲品等供應。乾身黑椒檸檬雞翼果然好乾身，帶微微黑椒味道，但檸檬的酸味就好突出，雞肉滲滿檸檬的香味，口感特別。濕身泰式甜辣醬雞翼，隻隻外型飽飽滿滿，肥嘟嘟，加上面層鋪上一層泰式甜辣醬和炸蒜粒，賣相吸引。至於雞肉則肉汁豐富，食落酸甜辣味道配合恰好。黑芝麻蜂蜜海鮮雞翼，經海鮮醬調製的雞翼十分入味，雞肉嫩滑，加上面頭粒粒黑芝麻和微甜蜂蜜，別有一番滋味。