米走雞Live

营业中

休息中

天氣凍就想食雞煲打邊爐，雞煲我第一時間都係諗起米走雞! 今次黎到呢間觀塘分店有啲唔同，就係有歌手係到唱下歌，可以邊食邊聽歌，幾特別！我地安排坐卡位，幾舒服可以慢慢食，食得開心啲！同朋友一致決定黃金芝士雞煲，大家都係芝士控，仲要揀激量芝士，夠晒芝味。雞煲面頭有好多芝士碎，等佢煲一煲芝士就慢慢溶化，食得既時候就有拉芝效果。雞肉好入味，而且有好多配料，有洋蔥，莞茜。雞肉食得七七八八就可以加湯落其他野打邊爐。我地叫左手切特級降霜和牛，牛肉好新鮮，雪花分布平均，比一般肥牛更加好味，食落滿口油脂，好正！肉類仲叫左豬頸肉，一黎到原來好大碟，而且好厚身好入味，食到呢到都飽飽地。仲有叫左竹笙同雜菇，竹笙都算大條，淥完之後吸晒啲芝士湯，好芝味。飲品就叫左樽竹蓆茅根，可以潤下降下火冇咁熱氣。