影片
更多
2018-07-17
391 浏览
新蒲崗對我黎講始終都係一個好舊既地方。記得媽咪係觀塘附近既工業大廈做過女工，記得大廈最底層必然係巨型既茶記。今日我身走故路，黎陳儀興呢度打邊腦，感受下6 70年代既風味。其實陳儀興早係多年前已經出晒名，唔少文章有介紹，好多人都讚佢貼地地道又足料。可以講話係一間老字號既茶記。而入面既卡位仲要相當闊落又寬廓。幾張大圓桌，一班人黎啤啤佢絕對無問題(香港而加樓價居高不下，基層市民愈住愈細，連食飯既地方都...... 真係想搵間咁大既茶記都難)一木一桌一碗一筷都齊齊整整，絕對唔輸得過連鎖集團。叫左個醉雞雞鍋，D雞已經去左少許雞皮，無咁油膩。用紹興酒浸住。面頭放左D紅棗。湯底係濃烈既紹興酒酒味，內有藥材，甘口，但唔苦澀。可見顏色既深淺而知酒既份量。當歸味好香，一開始湯底真係極重當歸味。當你慢慢慢慢滾下滾下自然會岩岩好。紅棗花椒少許.....第一淡真係幾辣，食慣左反而有點上引。所謂好事要成雙。即地加$38配埋個安格斯既靚牛肉。色澤黎講唔錯架，價性比好高。另外大家都可以叫下其他野。水準高，量唔多，兩三個人岩岩好。炸魚皮因為太正我男朋友未比我影相就清左....非常推薦佢地既炸魚皮。感覺呢間茶記平實又有親
今日我身走故路，黎陳儀興呢度打邊腦，感受下6 70年代既風味。
其實陳儀興早係多年前已經出晒名，唔少文章有介紹，好多人都讚佢貼地地道又足料。
可以講話係一間老字號既茶記。而入面既卡位仲要相當闊落又寬廓。
幾張大圓桌，一班人黎啤啤佢絕對無問題
(香港而加樓價居高不下，基層市民愈住愈細，連食飯既地方都...... 真係想搵間咁大既茶記都難)
一木一桌一碗一筷都齊齊整整，絕對唔輸得過連鎖集團。
叫左個醉雞雞鍋，D雞已經去左少許雞皮，無咁油膩。用紹興酒浸住。面頭放左D紅棗。
湯底係濃烈既紹興酒酒味，內有藥材，甘口，但唔苦澀。可見顏色既深淺而知酒既份量。當歸味好香，一開始湯底真係極重當歸味。當你慢慢慢慢滾下滾下自然會岩岩好。
紅棗花椒少許.....第一淡真係幾辣，食慣左反而有點上引。
所謂好事要成雙。
即地加$38配埋個安格斯既靚牛肉。
色澤黎講唔錯架，價性比好高。
另外大家都可以叫下其他野。水準高，量唔多，兩三個人岩岩好。
炸魚皮因為太正我男朋友未比我影相就清左....非常推薦佢地既炸魚皮。
感覺呢間茶記平實又有親和力，不算得會食到你驚天地泣鬼神，但一個親切又地道既火鍋佢做到滿分。今次一定要比笑哈哈!
张贴
