影片
更多
2013-08-07
424 浏览
星期一打電話去BOOK位，訂星期六的「半自助午餐」6位，職員叫我留個EMAIL地址，公司會SEND張信用咭保證書，要我先填好再Reply，才會幫我Confirm booking，我唯有照做… 那張保證書要填寫個人信用咭資料，寫著 : “The card will be charged only in the event that party do not attend the booking or fail to cancel within 2 days (48 hours) of the booking.”，還要付上信用咭正面及背面之影印本以作記錄。 ****************************** (7/10分) 當天「半自助午餐」用OPENRICE Coupon 星期六) 二人同行HK$388 + 10% (中午12點至下午2:30)(如果星期一至五，二人同行則是HK$288，平$100元抵d~)(餐牌寫每位HK$238)****************************** (8/10分)停車場側邊有兩架電梯直上38樓 (不是正門內)，而且重點是電梯內有
星期一打電話去BOOK位，訂星期六的「半自助午餐」6位，職員叫我留個EMAIL地址，公司會SEND張信用咭保證書，要我先填好再Reply，才會幫我Confirm booking，我唯有照做…
那張保證書要填寫個人信用咭資料，寫著 : “The card will be charged only in the event that party do not attend the booking or fail to cancel within 2 days (48 hours) of the booking.”，還要付上信用咭正面及背面之影印本以作記錄。
******************************
[價錢: ] (7/10分)
當天「半自助午餐」用OPENRICE Coupon :
(星期六) 二人同行HK$388 + 10% (中午12點至下午2:30)
(如果星期一至五，二人同行則是HK$288，平$100元抵d~)
(餐牌寫每位HK$238)
******************************
[環境: ] (8/10分)
停車場側邊有兩架電梯直上38樓 (不是正門內)，而且重點是電梯內有玻璃窗位可看到外面維港風景 ，呢幾十秒過程真是超興奮和震撼！
入到餐廳，因為已經訂不到窗邊位罝，只能遠望大玻璃窗個景喇，但窗口位是無敵維港景，如果坐到就更吸引 。餐廳以白色為主，感覺簡潔整齊，幾舒服~
******************************
[食物: ] (7/10分)
Semi Buffet Lunch半自助午餐包括:
1. 二選一海鮮拼盤 - 兩位用 (9/10分)
1a. 生蠔(6隻)、蝦(2隻)、雪蟹(2件)
(或)
1b. 生蠔(4隻)、三文魚(4片)、吞拿魚(4片)
兩個拼盤都好新鮮，我本身唔食生蠔都試咗一隻，入口很爽口無醒味，
而且碟上放上雪粒插上雪蟹，擺放得美觀~
2. 自選沙律，是日餐湯2a. 白豆火腿蓉湯 (6/10分) : 得一款湯，其實白豆材料很充足，但豆蓉仍有粒粒不夠滑，火腿粒也細少得不易看到...
2b. 哈蜜瓜火腿 (8/10分) : 火腿有光澤且鹹味適中，用甜甜的哈蜜瓜包著吃剛剛好~
2c. 煙三文魚 (8/10分) : 不會太鹹，算嫩滑唔太乾，但第二盤三文魚帶粉紅色色素，樣子古怪不知是什麼...
2d. 沙律 (8/10分) : 爽脆，有個大碗可以自己放入去拌勻，加煙肉粒幾香脆~ 又有麵包和焗爐可加熱~
2e. 芝士+餅乾條 (8/10分) : 軟芝士啖口又軟滑，加上脆口餅乾條真是很滋味~ 硬芝士都唔會太鹹一樣好食~
2f. 其他還有 烤鴨、烤雞肉、蒸燒賣牛肉、鴨胸、炒什菇、火腿條，其中有樣 薄餅+豆蓉 唔好食有苦味...
3. 自選甜品 (7/10分)甜品款色不多，
-- 馬卡龍(芝麻, 橙色, 藍色) : (5/10分) 外脆內不軟，太甜，幾差... 、
-- Tiramisu : (7/10分) 底部蛋糕太濕太多咖啡，上層芝士幾淡口無咩味道、
-- 木槺布丁 : (8/10分) 好香甜，又不會過甜，比tiramisu好吃、
-- 德國芝士餅 : (8/10分) 軟芝士餅配有少少紅莓乾，帶點酸甜幾好味、
-- 曲奇 : (7/10分) 有3,4款，有果仁的幾硬、
-- 果仁朱古力 : (8/10分) 加了果仁有咬口，不會過甜、
-- 葡撻 : (8/10分) 有熱燈照住保溫，撻皮脆，蛋夠滑、
-- 麵包布丁 : (7/10分) 都有熱燈照住保溫，加埋雲尼拿汁好味d、
-- 菠蘿、蜜瓜 : (7/10分) 切得好薄... 菠蘿好甜 、
-- Cupcakes : (6/10分) topping係牛油糖霜都幾油，蛋糕不太軟、
-- 朱古力噴泉(無試)、什果橙汁(開胃)、
-- 雪糕 (有3筒，個樣近乎食晒，得好少好少，極樣衰，唔refill，唔似俾人食，0/10分)。
4. 有6個主菜每人選一:我們六人都沒有點「蜆肉意粉」和「野菌釀通粉卷」，點了其他四款:
4a. 美國牛肉 : 烤牛排配焦糖乾蔥及欖油香蒜, 薯蓉, 時令蔬菜及忌廉蘑菇 (6/10分)
因為覺得叫牛肉最回本，所以叫了三份...點知...牛肉一點醃料都沒有，連鹽和黑椒都沒有，沒有味道，我媽出去拿黑醋點先食得無咁漏，但肉質幾好，煮到medium熟，內裡是深紅色的又不帶血水~
4b. 烤三文魚 配薯蓉, 燴什菌, 紅蘿蔔 (6/10分)
魚肉很鞋很乾，沒有魚油，都幾難入口食，加上食咗三文魚刺身和煙三文魚更有比較... 好彩分成6分大家share
4c. 豬肋排 伴燒新薯, 燒烤醬 (9/10分)
大家都覺得是4個主菜當中最好吃~ 肉嫩不乾身，很易切開(有6條骨)，醬料香帶甜食得幾開胃~
4d. 雞胸 芥末脆皮雞胸, 配青蔥及雪梨酒醋汁 (8/10分)
又係幾驚喜，估唔到雞胸咁軟滑多汁，一點都不是乾硬的~
张贴
