影片
更多
2025-05-31
80 浏览
$1蚊就食到大大塊花膠‼️ 珍珠都冇咁真😍前排見到有人分享1蚊食花膠，一於黎試試到底係咩味先🤔 呢間主打金牌花膠米粉嘅小店，惠顧任何米粉、飯同菜底，加$1蚊就食到咁大塊花膠‼️餐廳姐姐推薦咗新出嘅湯底，有雞白湯、麻酸辣濃湯。一場嚟到，就試晒兩隻唔同味嘅湯底啦。米粉有幾款菜底，有兩碗唔同size嘅份量。試下清酒大蜆湯米粉、大蜆同米粉嗦晒啲酸辣汁，本身以為會好辣，原來都OK喎，少少辣得黎都幾香。金牌花膠湯米粉揀咗雞白湯，湯底濃郁，飲落香甜。用鮑汁煮過嘅花膠果然出色，難怪係店內金牌食物🩷一人餐加$19可以升級套餐，包咗米粉、小食、飲品。叫咗香辣魚皮，嗜辣人士一定要試試，辣得好過癮，魚皮爽口，作為涼菜，啱晒夏天食呀！蔥油廣島蠔需另加$13，蠔味好重，都幾大隻，淋上蔥油，好開胃。清甜竹蔗茅根水🥤清甜解渴。媽咪龍眼蔘蜜🥤蔘味十足，飲完第一啖，非常驚喜🥰飲完又忍唔住encore多杯‼️隱藏菜式～醉盆菜😍限時特價 $78（原價$128），餐廳姐姐話好多人買返屋企做宵夜，食材非常豐富：雞腎、鮮蝦、雞翼、鮑魚、溏心蛋。打開蓋，就聞到酒香嘅味道，酒味重得黎唔會搶咗食物鮮味，好過癮，呢個價食到性價比咁高嘅食物，真係
前排見到有人分享1蚊食花膠，一於黎試試到底係咩味先🤔 呢間主打金牌花膠米粉嘅小店，惠顧任何米粉、飯同菜底，加$1蚊就食到咁大塊花膠‼️
餐廳姐姐推薦咗新出嘅湯底，有雞白湯、麻酸辣濃湯。一場嚟到，就試晒兩隻唔同味嘅湯底啦。米粉有幾款菜底，有兩碗唔同size嘅份量。試下清酒大蜆湯米粉、大蜆同米粉嗦晒啲酸辣汁，本身以為會好辣，原來都OK喎，少少辣得黎都幾香。金牌花膠湯米粉揀咗雞白湯，湯底濃郁，飲落香甜。用鮑汁煮過嘅花膠果然出色，難怪係店內金牌食物🩷
一人餐加$19可以升級套餐，包咗米粉、小食、飲品。叫咗香辣魚皮，嗜辣人士一定要試試，辣得好過癮，魚皮爽口，作為涼菜，啱晒夏天食呀！蔥油廣島蠔需另加$13，蠔味好重，都幾大隻，淋上蔥油，好開胃。清甜竹蔗茅根水🥤清甜解渴。媽咪龍眼蔘蜜🥤蔘味十足，飲完第一啖，非常驚喜🥰飲完又忍唔住encore多杯‼️
隱藏菜式～醉盆菜😍限時特價 $78（原價$128），餐廳姐姐話好多人買返屋企做宵夜，食材非常豐富：雞腎、鮮蝦、雞翼、鮑魚、溏心蛋。打開蓋，就聞到酒香嘅味道，酒味重得黎唔會搶咗食物鮮味，好過癮，呢個價食到性價比咁高嘅食物，真係好開心！食完唔夠喉，再叫多個古法醉鮮鮑，用米酒浸泡鮑魚，口感爽口彈牙。
海軍大碗飯🍚
痛風餐😂呢碗飯真材實料，有6隻廣島蠔、2隻蝦、4隻大蜆、蟹籽。望落平平，實際食落感覺到住家飯嘅米香味，因為秘訣係加咗自家製嘅蒜油，即刻令飯味昇華，選用短身米粒，入口感綿軟，忍唔住食晒啲飯😆
张贴
