Deep Sea Oyster & Steak

营业中

休息中

聽講尖沙咀山林道銀座18呢棟開左好多新餐廳，今晚嚟食晚餐，發現呢間西餐廳環境幾好，啱哂朋友聚會。餐廳每日都會有是日生蠔精選推介，有唔同國家同款式，如法國、愛爾蘭等，啱晒鍾意食蠔嘅朋友。我叫咗個深海精選套餐，套餐包括沙律前菜，餐湯係三文魚味噌湯，三文魚非常鮮甜，啲精華落哂係湯到，同味噌好夾。之後仲有生蠔兩隻，食落都好肥美，好正既海水味，好鮮味。牛油煎大蝦都好彈牙，煎得恰到好處。至於主菜要咗加拿大斧頭豬扒，一上碟就聞到油脂香，配菜仲有翠玉瓜同薯角。斧頭豬扒整得好出色肉質腍軟，煎得非常入味，配埋薯角一流，份量都唔少。最後仲叫咗杯柚子梳打飲品，消暑解渴一流。整體來講，適合節日慶生。