影片
更多
2023-04-26
99 浏览
Happy hour 係尖沙咀飲咗幾杯之後，有啲肚餓周圍搵吓附近有咩食，行吓行吓俾我哋見到一間唔太起眼嘅蒸海鮮餐廳，見到入邊魚缸啲海鮮全部都好新鮮，價錢亦都可以接受，入去試吓食返啲海鮮解下酒先。蒸海鮮，最緊要食新鮮，普通清蒸其實唔需要調味料都可以好好味。不過因為我實在太鍾意蒜蓉同辣椒嘅味，所以點都要一齊食，但我覺得有少少調味都可以令到海鮮味道更加突出。不過店員見到我鍾意點醬汁去食，食到蒸青口同鮑魚，佢終於忍唔住口，叫我唔好點鼓油，試吓本身海鮮的鮮味及海水味，咁我都好聽話，果然食落真係好鮮甜。龍蝦蒸幾分鐘就食得，啱啱甩縠，啲肉質可以咁彈牙而且極度鮮甜，真係超好味。另外原來呢度食蟹有好多唔同推介，每次嚟都會有最新鮮嘅蟹可以食到，我今次啲蟹全部都好多膏，而且好有海水味，唔知係咪飲咗酒，個蟹鉗夾來夾去都夾唔開，店員好好咁幫我打開，食物同服務都唔錯，抵讚！最後仲有超級大驚喜，侍應好好咁送碗甜品比我地，竟然係一碗椰汁燕窩，仲要好香好好味，今晚真係開心開心呢，下次嚟尖沙咀飲嘢都可以再嚟幫襯😎🤟🏻
蒸海鮮，最緊要食新鮮，普通清蒸其實唔需要調味料都可以好好味。不過因為我實在太鍾意蒜蓉同辣椒嘅味，所以點都要一齊食，但我覺得有少少調味都可以令到海鮮味道更加突出。
不過店員見到我鍾意點醬汁去食，食到蒸青口同鮑魚，佢終於忍唔住口，叫我唔好點鼓油，試吓本身海鮮的鮮味及海水味，咁我都好聽話，果然食落真係好鮮甜。
龍蝦蒸幾分鐘就食得，啱啱甩縠，啲肉質可以咁彈牙而且極度鮮甜，真係超好味。
另外原來呢度食蟹有好多唔同推介，每次嚟都會有最新鮮嘅蟹可以食到，我今次啲蟹全部都好多膏，而且好有海水味，唔知係咪飲咗酒，個蟹鉗夾來夾去都夾唔開，店員好好咁幫我打開，食物同服務都唔錯，抵讚！
最後仲有超級大驚喜，侍應好好咁送碗甜品比我地，竟然係一碗椰汁燕窩，仲要好香好好味，今晚真係開心開心呢，下次嚟尖沙咀飲嘢都可以再嚟幫襯😎🤟🏻
张贴
