蟹仙海鮮私房．蒸氣石碢 (環海大廈)

营业中

休息中

朋友生日想食海鮮，咁啱搵到尖沙咀天文臺道附近有間小店，就一齊去試吓😆秘製原隻南非乾鮑冬菇鮑魚與冬菇的香氣結合，口感滑嫩，非常適合做頭盤。野生膏仔蟹蟹肉鮮美，膏脂豐富，肉質緊實。太平洋饅頭蟹肉質鮮甜，饅頭蟹的特有風味讓人難以忘懷。蒸後的蟹殼色澤明亮，肉質比較林身，因為長期生活係海底少活動。加拿大野生海虎蝦這道海虎蝦肉質結實，口感豐富，蒸後的蝦肉鮮嫩多汁。野生琵琶龍蝦琵琶龍蝦的肉質鮮美且富有彈性，蒸製後的香氣讓人無法抗拒。大西洋野生青口青口的肉質鮮嫩，被蒸至剛好熟透，保留了海鮮的原汁原味。韓國釜山蠔新鮮的蠔肉滑嫩，蒸後保留了海水的鮮味。黃金翡翠螺這道翡翠螺口感脆嫩，蒸製後的鮮甜味道讓人驚喜。蟹皇大元貝元貝的肉質厚實，蟹皇的濃郁味道完美融合，口感滑順，讓人回味無窮。有機蔬菜籃蒸後保留了原有的鮮味，清爽可口，非常適合食海鮮後清一清味蕾。粥最後的粥吸收晒蒸海鮮嘅精華，非常鮮甜，就算幾飽都要食晒佢！總結餐廳服務非常好，最令人欣賞嘅係店員對每款海鮮嘅介紹，又會幫忙set 時間蒸海鮮。朋友生日想食海鮮，咁啱搵到尖沙咀天文臺道附近有間小店，就一齊去試吓😆秘製原隻南非乾鮑冬菇鮑魚與冬菇的香氣結合，口感滑嫩

今次同Friend 去尖沙咀掘到寶！呢間「蟹仙」蒸氣海鮮鍋真係不得了，$449就可以食勻10款來自世界各地嘅生猛海鮮，仲有專人幫手蒸，保證每樣海鮮都喺最完美狀態上枱！💯 🔥 必試海鮮三甲 🔥 🦀 野生奄仔蟹 - 一揭開蟹蓋就見到金黃色嘅蟹膏多到瀉出嚟，味道濃郁到好似食緊海鮮版流心月餅！ 🦐 加拿大海虎蝦 - 蝦身有成隻手掌咁長，肉質爽甜到爆，連蝦頭都充滿蝦膏！ 🐟 韓國鰻魚 - 師傅教我哋點wasabi豉油一齊食，魚油嘅香濃撞上wasabi嘅刺激，個味道層次豐富到呢～ ✨ 其他驚喜海鮮 ✨ • 琵琶龍蝦肉質彈牙到可以打乒乓球 • 蟹黃元貝上面鋪滿秘製蟹醬，鮮味爆燈 • 南非乾鮑厚切上枱，咬落去仲有溏心效果 最正係最後個海鮮粥底，吸盡晒所有海鮮精華，仲有免費送嘅椰汁燉雪燕做甜品，椰香十足又滋潤！ 溫馨提示： 📍位置有少少隱蔽，建議跟地圖搵 ⏰ 記得預早book位總評：4.9/5 🌟 呢個價錢食到咁高質嘅海鮮，真心抵到爛！海鮮控絕對要試～

今日同班friend去咗尖沙咀「蟹仙」試佢個蒸氣石鍋，真係堅到爆！成枱海鮮逐樣蒸，原汁原味，仲有粥底吸晒精華，食到個個捧住肚走！ 🍲 靈魂粥底最抵讚係底層嘅粥！睇住蒸海鮮嘅精華滴滴流落去，到尾聲嗰碗粥甜到癲，仲有豬骨粟米，暖胃又滿足，成餐嘅MVP！ 🦀 海鮮逐樣數太平洋饅頭蟹：爆膏！蟹蓋金黃流心，蟹肉嫩甜，忍唔住啜晒啲汁🤤 南非乾鮑：爽口彈牙唔韌，鮑魚味濃，點少少蒜蓉辣椒醬更惹味韓國釜山鰻魚：魚皮膠質滿滿，肉厚無骨，蒸完油香四溢，店家推薦配wasabi醬油，正！ 加拿大野生海虎蝦🦐：手掌咁長！蝦肉結實鮮甜，蝦頭仲有膏，必食！ 大西洋野生青口 & 韓國釜山蠔🦪：兩款都肥嘟嘟！青口海水味重，蠔滑溜creamy，無沙💯 紐西蘭刀貝蚌 & 黃金翡翠螺：貝肉爽脆，螺仔用牙籤一挑就食到，鮮味唔腥，仲要真係勁大粒！蟹皇大元貝：貝肉超大粒！新鮮唔洗加蒜蓉都好夠味，搶住食！ 要讚既位係全部海鮮即場生猛蒸，專人幫手計時，火候啱啱好。環境乾淨唔逼，服務幾快手。海鮮狂魔必試，記得訂位呀！ 淨係睇返相自己又餓埋😂 真心推介俾鍾意食原汁原味海鮮既朋友，新鮮真係冇得輸！ 👏🏻

服務態度好，細心，今晚慶祝生日飯，仲特意送上壽包作甜品，精妹道海鮮還細心解釋來源及食法，值得encore，環境清靜，適合一班人來聚餐，亦有包房，私隱度極高，價錢合理，值得推介

老婆中意食海鮮，今日帶佢黎尖沙咀食好西🐟🐠😉呢間蟹仙之前成日飲野路過見到，比老婆R左好多次想食，位置都算方便上個斜路就到，食完仲可以飲下野呢到主打蒸氣石鍋海鮮，用得蒸呢個方式，食材都一定要有返咗上下高質同新鮮先好食🤓最最正係全程唔洗自己郁手，有staff幫手較好時間蒸幾耐幾時食得，唔怕會蒸到老晒唔好食今日叫呢個set乜都有啲，先黎個鰻魚，第一次用蒸既方式，估唔到蒸完都好爽口，層皮仲要勁滑溜，完全唔腥，配wasabi食原來好夾青口生蠔元貝全部都大大隻，青口真係好impressive，平時食都係好實淨，但呢到見到係勁肥味軟身，食落勁似食緊生蠔咁，海水咸味好出，完全同平時食個啲唔同😆太平洋饅頭蟹，啲蟹膏多到流出黎，果然對得住「蟹仙」呢個名🥰最後食完海鮮再食佢粥底，之前咁多款海鮮蒸完既精華滴晒落去勁鮮甜，一啲都無浪費到🤗

首先啲醬料 豉油根本係豉油水，冇味嘅都心知不妙。蝦每人得一隻，都算！生蠔臭臭地，蒸完都完全唔敢放入口扇貝上面 橙色醬有啲臭味⋯好難食！聖子係完全乾淨，食唔到鮮味！唯一好啲係隻蟹，正正常常！其他係好差！連菜同粟米我都覺得唔新鮮，都唔知自己成餐飯食咗咩！最後個粥底係最差 完全冇海鮮味 得個鹹味 成餐飯食到好谷氣，完全係馬虎材料，亦唔新鮮價錢亦都唔係平，我完全感受唔到餐廳嘅食物質素，本身以為開咗咁多年應該會有保證，今次真係好失望！！

饕餮之巅：八珍匯聚的海洋盛宴當頂級海味匯聚一堂，舌尖便踏上了一場環球奢華之旅。野生膏蟹 蟹蓋嘅濃郁如金的蟹膏傾瀉而出，蟹肉飽滿緊實，甘甜又有鹹鮮，簡單清蒸便是最高禮讚。韓國釜山野生鰻魚： 泛著誘人的光澤，魚肉卻極致細膩柔軟，豐腴的油脂，滿口濃郁鮮香，餘韻悠長。澳洲青年龍蝦： 年輕的龍蝦肉質呈現出無可比擬的爽脆與清甜。蝦肉彈牙多汁，鮮甜純淨，令人精神為之一振。大西洋野生青口： 每一顆貝殼都包裹著肥美的嫩肉，入口鮮甜滑嫩，汁水豐盈，一隻唔係好夠喉呢。加拿大野生海虎蝦： 碩大的蝦身呈現誘人的橘紅。蝦肉緊緻彈牙到驚人，僅是醬汁提點，便將鮮味表達得淋漓盡致。韓國釜山蠔： 大隻、鮮甜、肉厚，一般街市都未見過。店主真的出盡百寶，有搜羅優質食材嘅本事。蟹皇大元貝： 碩大的鮮貝柱再加上蟹皇，其天然濃郁的甘甜與鮮味展露無遺，純淨的海洋滋味，為盛宴畫上一個純粹而高雅的句點。蒸煮，沒有花巧嘅烹調，只食到食材嘅新鮮及原味，是一頓健康美食。

蒸氣海鮮鍋套餐10款海鮮，只係449超級抵食！全部海鮮生生猛猛，有人幫你蒸埋保持最佳食用時間！有幾款海鮮個人係覺得好正，想再食！1. 野生奄仔蟹：蟹膏超多，濃郁鮮甜～2. 加拿大野生海虎蝦：蝦肉鮮甜，肉質飽滿3. 韓國釜山鰻魚：好肥美彈牙！一定要點Wasab豉油，提升鮮味4. 野生琵琶龍蝦：新鮮！每一口肉質彈牙，鮮甜濃郁5. 蟹黃大元貝：元貝鮮甜大隻，配自家調製蟹黃醬，極鮮味之後食埋有機蔬菜籃：粟米、生菜、娃娃菜！飲埋海鮮粥底，完美！最後餐廳仲送咗椰汁燉雪燕，椰香濃郁

位於天文臺道至高點的「蟹仙海鮮蒸氣石碢」，是香港海鮮老饕的私藏寶地！老闆擁有30年海鮮批發經驗，每日空運全球頂級海鮮直送店鋪，保證食材新鮮度達至巔峰。這裡是名副其實的「食蟹集中地」，自成一角的海鮮聖殿！🍽️ 豪華海鮮盛宴🐟 韓國野生鰻魚肉質異常肥美細嫩，蒸熟後魚皮膠質豐富，入口即化。獨特的鰻魚油脂香氣在口中擴散，完全沒有土腥味，鮮味直衝腦門！🦞 澳洲青年龍蝦龍蝦肉飽滿彈牙，蝦膏濃郁得令人驚艷。清蒸做法完美保留海洋鮮甜，沾上特製醬油更顯層次，每一口都是奢華享受。🦪 大西洋野生青口貝肉肥厚多汁，帶著淡淡海水鹹香。最驚喜是青口內的「海藻鬚」，吸收了滿滿海洋精華，鮮味爆表！🐚 加拿大野生海虎蝦蝦肉結實彈牙，蝦頭滿載橙紅色蝦膏。簡單蒸製就能品嚐到純粹的海洋甜味，size堪比小型龍蝦，視覺味覺雙重滿足。🦪 韓國蠔蠔肉飽滿creamy，蒸熟後依然保持溏心質感。蠔汁鮮甜濃郁，帶著淡淡的礦物味，餘韻悠長。🦀 蟹皇大元貝元貝肉厚實鮮嫩，蒸煮後依然保持完美溏心。特別搭配蟹黃醬，鮮上加鮮，海味愛好者絕對瘋狂！🦀 野生膏仔蟹（重頭戲！）蟹膏多到誇張，橙紅色蟹膏鮮味濃郁到令人窒息！蟹肉鮮甜細嫩，特別是蟹鉗肉飽滿多汁

呢個係我第一次寫食評，我已經嚟過兩次，第一次同朋友 4 個人嚟呢度食午餐，只有一個 TB 廚師 為我哋服務，成個餐都好滿足，我哋都好開心，所以我決定帶朋友再嚟呢度食晚飯，我哋叫咗同之前一樣嘅套餐，尊貴象拔蚌海鮮套餐 4位，但味道真係同以前唔同好完全冇味，象拔蚌刺身好少份量好厚而且一啲都唔乾淨，仲有有皮係嗰度同埋刺身擺盤好醜同以前唔同，海鮮冇味，粥有味同完全冇海鮮味，以後都唔會再嚟呢度，好失望 😡 ，我哋花咗差唔多四千蚊只係食啲唔可以接受嘅餐，個侍應好好，但係啲嘢食好貴，完全唔好味

今晚晚餐係食蟹仙，專食蒸氣鍋，叫咗個尊貴海鮮套餐，前菜的南非乾鮑濃郁鮑香裹著秘製醬汁在齒間纏綿。之後全程有專人講解海鮮產地及特性同埋最完美嘅食法，服務好到尤如殘廢餐般！套餐包括有：野生膏仔蟹，掀蓋剎那，橙紅蟹膏如熔岩漫溢，蟹肉絲絲滲著清甜海水味。加拿大海虎蝦，彈牙程度驚艷，蝦腦甘香直衝鼻腔。韓國琵琶蝦肉身緊緻，尾端那抹奶油般的膏黃堪稱點睛之筆。大西洋青口與釜山蠔的對比趣味，前者嫩如豆腐，後者肥美帶礦物餘韻，配著黃金螺的脆彈與元貝的蟹黃爆漿，回味無窮！全程侍應精準把控每道食材的蒸製時機，連粟米蔬菜都蒸得翠綠爽脆，專業解說更增添食趣。壓軸的粥底集萬千精華於一盅，排骨甜香與菜脯鹹鮮在米粒間跳躍，啜飲時竟嚐出層次分明的潮汐韻律。最後的椰汁燉雪燕如月光灑落，滑順椰香溫柔收束這場盛宴。

講起食海鮮，識食嘅人一定知，清蒸係最能突出海鮮鮮味嘅煮法，而專做清蒸海鮮嘅「蟹仙」就係一間值得推薦嘅店。如果你鍾意食啲坊間少有嘅罕見海鮮，又想食得抵，「蟹仙」絕對唔會令你失望！越南頂角膏蟹，如果你對膏蟹有認知，就知「頂角」代表上等質素。呢隻蟹啖啖肉香，仲充滿香濃嘅蟹膏，每一啖都係滿足感爆棚。去之前可以問下有冇貨直接加錢升級餐單，絕對值得一試！另一個必食嘅係野生琵琶龍蝦，因為琵琶蝦係養殖唔到嘅，呢度嘅一定係野生貨，肉質鮮甜彈牙，真係好正。太平洋饅頭蟹都係重頭戲之一，呢隻蟹主要係食膏，成隻蟹用口一吸，鮮甜嘅蟹膏瞬間充滿整個口腔，呢種極致嘅鮮味坊間已經好難搵到。我呢次嘅套餐每人大概$450左右，除咗上述嗰啲罕有海鮮，仲包括成隻手咁大嘅韓國釜山蠔、蟹黃大元貝、南非乾鮑、青口、加拿大野生海虎蝦同埋黃金翡翠螺。成個餐真係超值，呢個價錢可以食到咁多罕見嘅頂級海鮮最後再加埋吸收曬海鮮精華嘅粥底，點都要試一次！

想同朋友食得好少少，想坐得舒服，又唔想有時間限制。朋友就介紹咗呢一間蟹仙，佢知我鍾意食海鮮，而佢話呢一間嘅蒸海鮮種類較多又新鮮，所以就試吓。我哋去咗尖沙咀天文台圍嘅分店，可能我哋平日去人唔算多，而且本身座位都算係好舒適唔會好迫嘅。食物方面，佢哋主打蒸新鮮嘅海鮮，我哋揀咗尊貴海鮮套餐。職員會幫我哋蒸海鮮，會set咗鬧鐘，夠鐘職員會幫我哋將海鮮上碟，各款海鮮都會分開嚟蒸，保證每一樣都蒸到啱啱好。鮑魚冬菇前菜係鮑魚冬菇，鮑魚同冬菇炆得好入味。加拿大野生海虎蝦海蝦夠大隻，蒸完嘅蝦肉鮮甜，肉夠爽。聖子職員強調唔需要落太多調味料本身已經夠鮮甜，我照跟果然係好鮮甜。韓國釜山珍珠蠔蠔夠大隻size一啲都唔珍珠，蒸出嚟好鮮甜一啲腥味都冇。蟹黃大元貝帶子唔食得個部份已經完全去除，可以放心食用，加咗蟹膏嘅帶子蒸出嚟更加鮮甜。太平洋饅頭蟹第一次食饅頭蟹，雖然佢唔夠多肉，但夠多膏。奄仔蟹奄仔蟹同我平時食嘅一樣，滿滿嘅蟹膏再加埋鮮甜嘅蟹肉，啱晒鍾意食蟹嘅我。澳洲青年龍蝦一睇就見到龍蝦啲膏，龍蝦夠鮮夠爽。大西洋野生青口一向好怕青口腥味，呢一隻就唔會有啦。有機蔬菜籃蒸蔬菜更能帶出菜嘅鮮甜。粥底粥底吸收晒之前海鮮嘅精華

朋友個個北上，我決定支持香港餐廳，今次食左呢間專食蒸海鮮嘅餐廳！我點左尊貴海鮮套餐：野生膏仔蟹、曼頭蟹、澳洲龍蝦、南非乾鮑、野生青口、加拿大野生海虎蝦、釜山蠔、蟹皇大元貝、蟶子&有機蔬菜藍。呢到d海鮮是老闆每日新鮮選購，食得好安心。😋🦞**野生膏仔蟹**d膏夠多又厚肉🦀**澳洲青年龍蝦**夠大隻，肉質唔會好實**南非乾鮑**搭配嘅醬汁剛好**太平洋曼頭蟹**的肉質厚實🌊**釜山蠔** 肉質嫩滑，海水味濃**野生海虎蝦**夠新鮮蒸煮後嘅海鮮精華仲吸哂入d粥到，粥充滿海鮮味🍚🌿侍應好細心，每款海鮮都會計時去蒸，令d海鮮唔會過熟👌

一次想食到不同款式的海鮮？尖沙咀「蟹仙海鮮私房．蒸氣石碢」，使用蒸煮方式烹煮海鮮，不用任何調味，每一口都吃到自然的鮮味，而且每款海鮮由職員幫忙處理，不用擔心海鮮會煮過熟。😋是日選擇：1️⃣尊貴海鮮套餐🔸原隻鮑魚冬菇🍽冬菇的獨特香氣，更可突顯鮑魚的味道。🔸太平洋饅頭蟹🍽第一次品嚐饅頭蟹，想不到那麼多蟹膏。🔸奄仔蟹🍽蒸煮更可品嚐蟹肉的鮮甜。🔸澳洲青年龍蝦🍽啖啖肉，還有少許龍蝦膏，正！🔸大西洋野生青口🍽鮮嫩，有點咬口。🔸加拿大野生海虎蝦🍽肉質鮮嫩，富有彈性。🔸韓國釜山珍珠蠔🍽烹調時間剛剛好，沒有腥味。🔸蟶子🍽肉質偏軟，細膩，沾上點點調味更好味。🔸蟹皇大元貝🍽大大粒元貝，而蟹皇帶出了元貝其鮮味。🔸有機蔬菜籃🍽蔬菜令最後帶來一點清新感。🔸椰汁雪燕 🍽吃埋甜品，大滿足！