FireBird

营业中

休息中

香港人諗起食，大部分都會諗起日本野，我都唔例外，今日放工又想食日本野，最好有得食又有得飲酒既日式居酒屋，好彩我有同事介紹一間位於銅鑼灣，叫火鳥既居酒屋，咁當然要試下啦。去到時，遠遠便被其富有日式風格的招牌吸引到，內裡裝潢都係偏日式居酒屋，唔錯。我地叫左日本產霜降A4和牛壽喜燒，追加雞蛋和烏冬、Firebird雞肉串燒盛合、金槍魚三色刺身244G、二人前晚市套餐，包括日本產海膽刺身、北海道珍寶帆立貝刺身、whisky highball、日式梅酒。首先個海膽刺身，同埋帆立貝刺身先上枱，雖然份量無好大，但本身都意料中，所以冇落差，味道鮮甜，食得出好新鮮。最吸引真係莫過於金槍魚刺身，每磅只係1.5蚊，超抵，佢仲會係你面前磅個金槍魚，證明貨真價實。味道係再熟悉不過既味道，三色就係指唔同部位，推介由深到淺去食，就唔會太膩，雖然未去到入口即溶，但都算得上高質，中點係性價比高。之後雞肉串燒盛合，同埋和牛壽喜燒，都陸續上枱，雞肉盛合有雞肉棒、雞皮、雞軟骨等，肉質比想像中嫩滑，唔錯。和牛壽喜燒就更加唔洗講，和牛都係熟悉既味道，如果份量可以再多啲就更完美了。