影片
更多
2020-06-29
258 浏览
以後去船街又多個聚腳點！同朋友行經附近揾食，俾餐廳別緻嘅門框裝潢吸引過去，大大嘅招牌手寫風的字寫住FLAGSHIP，格外醒神！先看一看Menu，fusion菜喺香港好多，但見menu上列出的菜式好多都別具特式，個人最愛嚐鮮，特別係風格強烈嘅餐廳，於是就決定入去一探究竟！原來餐廳仍喺試業階段，當晚只開放下層，位子唔算多麻雀雖少但環境同lighting都幾chill幾有格調，如果有日光時應該會採光好好，呢方面真係唔係間間餐廳可以做到。入正題，分享用餐後感！🍞Start with bread……其實一個完滿西餐嘅用餐體驗，少至頭盤serving嘅麵包都好重要！而餐廳嘅法式麵包食得出唔係一般來貨，入口除咗麵包香濃郁外，發酵過程亦處理得宜，令麵包根性十足，焗出嚟嘅口感好棉密同有咬口；另外更要一讚餐廳嘅小心思，配麵包嘅牛油都經過自家處理，加咗lemon seed、pepper同香豆，令牛油唔滯膩甚至有點想再呷一口嘅衝動！ ✨Oysters pick有一段時間冇食生蠔，餐廳店員大大力推介可以配搭生蠔，當然心動叫好！來自Lampert嘅生蠔，係我最愛嘅產地之一，礦物味重而肉質肥美結實，細味下最後會有一
以後去船街又多個聚腳點！同朋友行經附近揾食，俾餐廳別緻嘅門框裝潢吸引過去，大大嘅招牌手寫風的字寫住FLAGSHIP，格外醒神！先看一看Menu，fusion菜喺香港好多，但見menu上列出的菜式好多都別具特式，個人最愛嚐鮮，特別係風格強烈嘅餐廳，於是就決定入去一探究竟！
原來餐廳仍喺試業階段，當晚只開放下層，位子唔算多麻雀雖少但環境同lighting都幾chill幾有格調，如果有日光時應該會採光好好，呢方面真係唔係間間餐廳可以做到。入正題，分享用餐後感！
🍞Start with bread……
其實一個完滿西餐嘅用餐體驗，少至頭盤serving嘅麵包都好重要！而餐廳嘅法式麵包食得出唔係一般來貨，入口除咗麵包香濃郁外，發酵過程亦處理得宜，令麵包根性十足，焗出嚟嘅口感好棉密同有咬口；另外更要一讚餐廳嘅小心思，配麵包嘅牛油都經過自家處理，加咗lemon seed、pepper同香豆，令牛油唔滯膩甚至有點想再呷一口嘅衝動！
✨Oysters pick
有一段時間冇食生蠔，餐廳店員大大力推介可以配搭生蠔，當然心動叫好！來自Lampert嘅生蠔，係我最愛嘅產地之一，礦物味重而肉質肥美結實，細味下最後會有一種清甜嘅餘韻喺口腔徘徊👍！
🦆 Foie Gras D’oie
嚐味由淡轉濃，第二個starter係煎鵝肝，同樣係我嘅最愛之一 <3鵝肝口感紮實細緻，輕煎後外脆內軟嘅口感對比強烈，咬一口香氣綿密入口即化；但始終鵝肝油脂豐富易膩，所以經典配搭嘅蘋果蓉自然能發揮功用，酸甜夾雜，格外開胃！
🐟Go Fish!!!!
Fish en Papillote紙包魚真係好rare嘅dinner pick！餐牌上列明係Daily Fish Market Papillote，意即係日日都可以係唔同嘅魚款，depends on the market，相信大厨每日去市場精選當天最新鮮嘅魚獲，再整成Fish en Papillote，誠意滿分！雖然話紙包料理係法國古老又普遍嘅烹飪技巧，但制作時都好講求火候控制及調味。而餐廳呢道en Papillote，以蘿蔔、薯仔、檸檬及黃瓜等層層疊起，中間夾著魚肉，蔬菜吸收魚油嘅香氣令風味更濃郁，而進食時一口魚肉夾一口蔬菜，十分juicy及refreshing。
❤Classic Steak & Egg
同樣係經典菜式，Angus steak同egg嘅配搭係無得輸，牛比預期有少少overall cook，但牛嘅風味不減，粉紅色嘅嫩紅入口好juicy牛味濃，沾上egg york食，簡直係滋味無窮！
张贴
