阿里山台式美人鍋 (已結業)

火鍋成日都係食豬骨，麻辣， 鴛鴦煲，豬肚雞煲好似無試過，所知今次決定試下。胡椒豬肚雞窩： 第一彈試下啲豬肚有冇洗乾淨， 因為洗豬肚出名好煩， 如果洗得唔乾淨點煮都會唔好食， 估唔到食落去真係好乾淨， 雞肉佢唔係斬件咁樣上， 只係半隻原好嘅雞放落去， 足以證明佢係好足料，味道都好好。安格斯肉眼肥牛： 肥牛中專登叫一隻最平嘅， 想試下佢會畀啲咩牛我， 估唔到係真係比安格斯牛我，好有牛肉味。鵝肝墨魚丸，芝士牛肉丸，鹹蛋黃蝦丸 ： 三種丸都好大隻， 彈牙, 但係啲鵝肝、芝士同鹹蛋黃感覺唔係好夠， 如果份量多啲就會更加好啦。