阿里山台式美人鍋 (已結業)

不嬲都好中意打邊爐 試過好多間 大牌小店 都試過最最最緊要 都係個湯底！今次黎到依間 台式火煱店見到有 美人養生煱 當然再叫黎試試啦店員建議 先飲湯 再打邊爐桃膠烏雞湯 味道好濃郁 好適合女生飲呀好味燉湯 絕對唔會係飲完頸渴既味精湯今次叫左個四人海鮮餐份量都幾多 海鮮 牛肉 丸 菜 咩都有d 海鮮有鮑魚 帶子要讚一讚個 帶子 口感好好 最後 店員仲推介 湯圓真係第一次試 湯圓 打邊爐 加落去 麻辣湯底 哈哈 食落煙煙韌韌 外皮係鹹鹹地 入面係甜甜地真係好特別 配搭得幾好 哈 推介試試…查看更多

呢個係兩個月前食既美人鍋！其實已經係第二次食了～原因好簡單！好食所以咪再食咯！兩次都點同一款湯底「桃膠美人鍋」料足桃膠多而且烏雞啖啖肉～個湯係中式類型既湯，阿媽成日都話飲多幾碗湯，滋保養顏！呢句野我絕對認同！皮膚當然都會有遺傳作為因素，但後天滋補排毒同樣重要，個人黎講都幾鍾意飲湯！呢個湯真係落重料，好似住家湯咁飲落好甜，感覺好養生！所以同朋友每次都會食哂成隻烏雞+喪飲幾碗湯😋而且每兩個人仲可以+$1換1碟牛🐮好鬼抵食丫～…查看更多

六個朋友去食，環境乾淨，服務員態度親切，有禮貌，讚! 食物方面，安格斯肥牛特價抵食，最重要質高美味。其他食物都新鮮好食，鴨血有台灣感，我地叫咗每週特價蝦一份八隻，都係$30蚊，新鮮嘅👍。…查看更多

在佐敦食LUNCH，同事介紹左哩間抗通漲價錢的LUNCH，上到去，原來是阿里山台式美人鍋 ，本身佢做開晚市，現在做埋午市，(抗通漲價錢倣到7月11日)主打台式飯，我和同事也點左鹽酥雞肉燥飯，鹽酥雞肉燥飯上到來，真的唔少的份量，加埋有兩舊的炸南瓜同埋中華沙律菜~真的好抵食，鹽酥雞又大份，咁樣都只是25蚊!真的出面食米線都唔得，就算做返正價都是40蚊，不過就唔知是唔是哩個份量了~~…查看更多

☺新鮮海鮮火鍋店物有所值因為唔係好凍嘅天氣，所以打邊爐嘅人唔多，我地4人行去試吓依間，湯底出名真材實料嘅台式火鍋店。兩個湯底選了加錢兩個湯底嘅鍋，因為朋友好鐘意食辣所以特別叫兩款湯底，桃膠美人鍋及台式麻辣鍋。因為我本人唔食辣，只試了唔辣嘅湯底，桃膠美人鍋有原隻鳥雞，有少少中藥味，對於一向喜歡飲中湯嘅我黎講，係幾好飲，店內都建議我地先飲幾碗湯，再落食物去煮。海鮮值得點-白鱔片，蝦，聖子店內海鮮全部都好新鮮，煮後仲有海鮮甜味，聖子店內處理得好乾淨，店內服務好好，店員不時會提醒我地唔同海鮮所需要嘅煮沸時間。聖子係其中幾有趣嘅，記得只需脫殼10-15秒就食得，等佢卷曲就可以享用。白鱔片我個人可以算係白鱔嘅忠實fans，特別喜歡白鱔片滑溜溜嘅口感，不論係燒汁煮嘅白鱔即係鰻魚或清蒸嘅白鱔我都好喜歡。VS任食嘅火鍋，依間嘅白鱔約$120有約6-7塊厚度合理，食落好爽口美味，物有所值。不過白鱔向來都貴，係屋企自己買黎整先係最抵。蝦×2叫一次有近6-7隻，有竹籤串住每隻蝦，方便落鍋都算鮮甜。朋友特別喜歡炸芋頭，都有點來試，芋頭炸熟，但有啲硬，可以落鍋再煮。鬼馬蝦滑，鬼馬魚滑特色小食黎講係幾特別嘅口感，店員話這菜式本身熟，只需落鍋幾秒就可以了。不過這是有點油膩嘅食物，所以記得唔好煮太耐。我出於好奇所以點，如果唔太喜歡油膩食物建議可以不用點這道菜式。為吸引客人，加上店內海鮮唔特別平，所以雪花肥牛優惠賣$1一碟×2，牛肉滑溜可口，肥瘦分佈都唔錯。另外，我地仲點咗少量嘅芝士腸，貢丸，芝士丸等。最後，賣單每人HK$400,係有點貴:)，但以食海鮮黎講算物有所值，加上店內環境，服務都唔錯，算食得開心。…查看更多

黎油麻地做嘢，放工同同事喺附近搵嘢食 ，同事話想打邊爐，咁就入咗間台式打邊爐火鍋店喇環境都算幾闊落，好寬敞，坐得都好舒服 同同事二人坐咗卡位 難得嚟到打邊爐，可以盡情食丫餐紙選擇好豐富，好多選擇呢度除咗打邊爐，仲有中餐套餐，每個餐都好多嘢食喎:) 紅酒白酒都有得飲，好適合同朋友暢飲一番我哋叫咗個桃膠美人鍋，入面邊有好多桃膠喎，好似食極都食唔完咁，巧豐富！！另外仲有一隻大大嘅烏雞，個湯底有咁多料真係超值！！而且仲好滋補！！女士們至佳選擇 墨魚丸，四粒大大粒，每粒入面都有煙韌爽口嘅墨魚魚皮餃外皮好煙韌呀！ 裏面肉質都非常新鮮，好有口感不得不提靚靚肥牛，非常軟腍，牛味濃而且好甘香，非常好食鮮炸響鈴卷，店員話係即炸嘅，果然熱辣辣好香脆，好新鮮，卜卜脆！！食完仲想食丫最後仲送埋生果添，太好啦，有飯後果，幫助消化…查看更多

過左個香港有史以來最熱的農曆新年，今日天氣忽然又轉涼，落住微微雨更覺寒冷，一於打個邊爐暖下身。店鋪環境寬敞又光亮，感覺不錯。店員態度親切，主動介紹餐單。桃膠美人鍋$188 + 酸菜白肉鍋 （鴛鴦湯底+$30）湯底首選招牌桃膠美人鍋。只要加$30就可以轉鴛鴦湯底，當然不能錯過。另外選了比較少見的酸菜白肉鍋，仲可以免費追加一份白肉，相當吸引!桃膠美人鍋絕不欺場，除了半隻烏雞，更有大量的桃膠，再配上淮山，紅棗，桂圓肉，黨蔘等滋補材料。湯底就似老火雞湯一樣有濃香的雞味，烏雞肉材嫩滑，光是品嚐湯底已經十分滿足。另一湯底酸菜白肉鍋用料相當，有大量醃制大白菜，蕃茄，粟米，配上酒香五花腩，再加入蘋果醋。獨特的酸香味令人食指大動。安格斯雪花肥牛 $198湯底出色，配料亦不失禮，安格斯肥牛雪花均勻，肉嫩牛味濃，唔錯。軟滑鴨血 $48份量超多又大塊，鴨血愛好者必點。特色手打肉丸 （鵝肝墨魚丸，鹹蛋黃蝦丸，芝士牛肉丸）$48-4 粒（半份），魚皮餃$36（半份）可以選半份或全份，選擇夠彈性，選半份就可以試不同的口味。手打丸大大粒夠晒爽口彈牙，味通唔錯值得一試。整體今餐都食得好滿意，最後職員還會送上飯後水果芭樂，上面撒有梅粉，令甜味更加突出。…查看更多

當日最低氣溫14度，我們四個美人一起走到佐敦上海街 <阿里山台式美人鍋> 品嚐美人鍋！這裡地方闊落，亦設有貴賓房，最多可容納十多人！供應的火鍋配料繁多，應有盡有！桌上已齊備火鍋餐具及調味料！香脆的花生是必備的小食！桃膠美人鍋 $188所謂美人鍋，選用竹絲雞、桃膠、紅棗、龍眼肉及中藥材的湯底，滋補養顏！絕對是女生恩物啊！ 本身雞會出油，要撇走多餘油份，味清而鮮甜！酸菜白肉湯 $128酸香醒胃，兩者口味不同層次！ 白肉是雞肉，為了開胃起見，我比較喜歡在酸菜湯放入配料！香滑豆腐 $38見到豆腐的壓印 Logo，便知用上百福豆腐！勝在質感滑溜不腍散！鮮枝竹 $38似乎跟酸菜湯起了化學作用，酸酸地得來有點怪味！感覺似乎不太新鮮！後來，我轉去美人鍋湯底，感覺不一樣嘞！反而食得出其應有質感及吸收雞湯精華！ 更滋味吧！雜錦蔬菜籃 $68包括：唐生菜、油麥菜、白菜、菜芯...等，份量都幾多！羽衣甘藍 $58通常食到的羽衣甘藍，只會在沙律菜才食到！烚熟的羽衣甘藍微苦，個人認為烚至半熟口感微爽更易入口！:)南非鮑魚 $52 (每隻)鮮味又有嚼勁！馬刀貝 $98/6 隻我嚷著要食的海鮮！如果食海鮮蒸汽火鍋，蟶子及馬刀貝是必選！我覺得馬刀貝鮮甜飽滿，最討我歡心！她們還禮讓地讓我食兩隻！不容錯過的天然甜品：芭樂 (石榴)臨走，食剩了配料，女店員問我們打唔打包？貼心的服務，值得一讚！…查看更多

※本文以用餐當日的環境、服務和食物質素為準，口味亦因人而異，文章只作參考之用。前排去左食呢間新開無耐既阿里山台式火鍋，店員都頗友善，更安排我倆坐闊落的靠窗二人位，感覺不錯。餐牌有兩頁，火鍋湯底分別有桃膠美人鍋、酸菜白肉鍋、台式麻辣鍋、胡椒豬肚雞鍋及台式三杯雞，但記住只有前三款才能加$30轉為鴛鴦湯底。而且火鍋配料感覺上都新鮮的，大大加分。一坐下先來一小碟開胃菜蕎頭 $10，另外醬料同茶芥每位$20，不過近年多左好多湯頭非常夠味的火鍋店，醬料都用少左好多。本身諗住只叫桃膠美人鍋，男人太為食又想試埋酸菜白肉鍋，所以便加$30轉成鴛鴦鍋，一次過滿足晒兩人口味。桃膠美人鍋 $148 （鴛鴦鍋+$30）感覺好足料，裡面有成隻烏雞，藥材、杞子、淮山、黨蔘，仲有大量桃膠！據聞桃膠有滋陰養顏既作用，可媲美燕窩，所以近年多左中式糖水和飲品都加入左桃膠，感覺更為健康。湯底帶微微蔘和藥材的味道，有點似中式燉湯，不油膩且很易入口，還不錯！不過酸菜白肉鍋都唔錯（這鍋可追加多一碟白肉），配料除白肉外仲有蕃茄、大白菜和粉條等，湯底飲落酸酸咪咪非常醒胃，會讓人愈食愈開胃。先黎一碟小妹至愛既炸厚切午餐肉 $58，一般都只係將一罐餐肉切開一片片，而佢地係炸熟至上枱，所以一路傳黎好香，點忍口啊！都未開始打邊爐，已經成碟食晒，真係好誇張！另外叫左比較特別既丸類，很好地可以每次叫半份，咁就可以試多幾款。鹹蛋黃蝦丸同芝士牛肉丸各半份 $48。比較特別既鹹蛋黃蝦丸，每粒入面大約有成1/3粒鹹蛋黃，丸類咬落爽口新鮮，質素唔錯；就係芝士牛丸既既芝士味唔算很重，淥耐左芝士都可能會溶晒，建議一齊便要撈上黎食了。安格斯雪花肥牛 $198雪花紋理均勻，份量不少，肉味比想像中突出，不錯。凍豆腐 $48食台式火鍋必叫，豆腐吸晒湯汁後真係好好食!飯後果竟然有台灣芭樂食，面頭仲灑上酸梅粉，解飽滯感一流！…查看更多

星期五收工 緊係要去油麻地搵食！搵到間「阿里山美人鍋」～～唔知食完係咪可以變美人呢！ 哈哈！我地叫左鴛鴦湯底，一個是桃膠美人鍋$188，台式麻辣鍋$128！先講下個桃膠美人鍋先啦，有大半飯田烏雞架！勁滋補。仲有桃膠、桂圓、杞子... 係打邊爐前一定要飲個湯呀！超好味！而台式麻辣鍋，都好足料～有丁香、肉桂、辣椒、鴨血，夠哂香辣！我地叫左好多野食打邊爐呀！鮑魚（$58/隻）、扇貝（$48/隻）、手切肥牛（$238/細）、鵝肝墨魚丸（$48/粒）、鹹蛋黃蝦丸（$48/4粒）、芝士牛肉丸（$48/4粒）、白魚旦（$48/8粒）、響鈴（$58）....重點推介 係手切肥牛！ 真係好香牛味，又滑又嫩，食到停唔到口！而響鈴新鮮炸！好脆口…查看更多

同frd 兩個人好耐無見約食飯，就最好係打邊爐啦。聽frd 講油麻地新開有美人鍋，係女仔都想試下。上到去環境都闊落，枱同枱都有空間，起碼唔係聽到其他枱講咩。佢有十幾人枱，仲有個平風整開，都叫有小小私人空間。佢既配料就同外面差唔多，不過哩度主要想試佢湯底。桃膠美人鍋成煲底都係桃膠，仲有隻烏雞送湯，好保呀。佢碟肥牛好正，半肥廋，淥半分鐘剛剛好。可以encore.善片份量好足，仲偏多tim ar...兩個人食唔哂。手打豬肉丸，好彈牙大粒手打蝦丸都新鮮既。哩個係日本手打烏冬，唔係普通cheap 野佢d 雲吞都頗大隻，入面都有3隻蝦！唔錯，下次可以多d 人黎食。…查看更多

最近天毛又涼返dd，咁就當然要去打邊爐啦，咁岩行街去開油麻地，又見間餐廳個名幾得意就入去試下。我地叫左個台式麻辣湯整桃膠美人湯，仲免費送咗個鴨血。麻辣火鍋個湯底好足料，食到停唔到口。個個都爭住食啲桃膠，話好滋補，非常適合女士食用。桃膠美人湯就好滋補，有原隻烏雞，個個女仔都爭住食。全部手打牛丸都好彈牙，其中芝士牛肉丸最特別，好友芝士味。大次都要再叫先得，食過返尋味！啲鮑魚同埋扇貝都好新鮮，值得推介。…查看更多

阿里山美人鍋食得太多港式火窩大吃大喝，對腸胃肚皮也不是好事，偶爾來一趟台式養生火鍋，除了能滿足肚腹之慾外，也是一喜歡養生之旅。 阿里山美人鍋位於廟街， 在佐敦港鐵站行過去會比較近，內裡 裝潢古色古香， 而且餐廳也能夠容納很多人，幾個人已可包房。桃膠烏雞煲食得養生火鍋當然要叫個最補嘅， 今次就叫咗桃膠烏雞煲， 一聽就知道係女士恩物， 桃膠烏雞煲入面材料十足， 紅棗南棗杞子烏雞樣樣都齊， 除咗各式藥材之外 ，恩物之一 -- 桃膠食極都有, 呢個湯除咗係打邊爐湯底之外，亦都可以滋潤補血， 尤其是都市人工作疲勞 ，經常捱夜， 飲兩飲除咗可以 果腹之外， 對養生 保健 都好有療效呢。安格斯肉眼肥牛打邊爐有點少得叫返碟牛肉呢， 今次就叫咗安格斯肉眼肥牛，安格斯肉眼肥 牛滿佈油花， 牛肉肉味香濃 ，口感豐腴！油脂慢慢地係口裡流出，香味四溢，打邊奴一流。自家製鮮蝦雲吞呢度啲自家製鮮蝦雲吞 係屬於大隻裝嘅， 每一隻雲吞入面都起碼有三隻大蝦，大蝦鮮味爽脆啖啖肉。白鱔片這道菜非常考師傅的刀工, 當鱔片一上到枱時， 一看就知鱔片切得 均勻，每塊鱔片的厚度也相等， 讓白鱔片在稍稍汋過之後，彈牙又爽口之餘，既有咬口又不會太厚。 加上油花滿佈在鱔片上，肉質帶有魚香又不過「鞋」，正啊！飯後餐廳還送上飯後果呢。總括而言， 這裏服務不錯， 坐得舒服。 想要避開旺區的人流， 想要私房菜色的服務， 這裏是不錯的選擇呢。…查看更多

阿里山台式美人鍋位於佐敦廟街， 由地鐵站行過去只需要五分鐘 ， 餐廳其實都算頗大， 除了有散坐卡位外 ， 原來內裏還有幾間廳房包廂， 想幾個人來吃還是一大班朋友來吃也是照顧周到 。食私房菜火鍋最開心莫過於這樣。供應5款鍋底：桃膠美人鍋、酸菜白肉鍋 、三杯雞鍋等等。桃膠美人鍋這次揀了能養生的桃膠美人鍋， 桃膠美人鍋有烏雞又黨芯，仲有南棗， 最重要係有大量桃膠，arm 晒女人又要食 又要滋補。 烏雞一大隻原隻上， 一睇就知材料十足。鵝肝墨丸手打丸鵝肝墨丸手打丸， 墨丸大粒又打得超爽口， 雖然鵝肝 分量唔係好多 ， 但以性價比的嚟講仍然十分推薦。安格斯肉眼肥牛油花均勻，口感不錯，而且安格斯牛味香濃，烏雞湯底的清甜味能吊出牛肉濃郁味道。白鱔片白鱔肉質肥美之餘，有咬口又不會太厚， 最喜歡係呢度師傅將鱔片打直切， 啖啖肉之餘更有口感。總括而言呢到用料新鮮，好吃！鍋底真材實料，價錢適中，推薦！…查看更多

新年將至，友人I建議大家出來聚一聚，吃頓豐富晚飯，提早過肥年﹗ 應邀前往，拾級而上，到達餐廳- 阿里山台式美人鍋。餐廳地方挺大的，除了貴賓房，還有卡座與圓枱，迎合不同需要的客人。餐廳有五款湯底供人選擇，包括滋潤的桃膠美人鍋、台式麻辣鍋、酸菜白肉鍋、胡椒豬肚雞鍋、台式三杯雞鍋，定價$128-268，部份可加錢作雙拼。鍋料方面，分為精選肉類、精選海鮮、精選配料、餐前小食、手打滑、手打肉丸、餃子類、配料類、粉麵和新鮮蔬菜等。 餐前小食$10/碟，是晚有開胃且富咬口的酸蕎頭。茶芥及醬料$20/位，未開動，先混醬，是指定動作。 稍等片刻，湯底及火鍋陸續送上枱來，陣容鼎盛﹗ 湯底，我們選了滋潤的桃膠美人鍋配暖胃的酸菜白肉鍋$218。酸菜白肉鍋湯底酸香開胃，材料除了酸菜和白肉外，還有粟米、蕃茄和白菜，以及鍋底的水晶粉。 桃膠美人鍋以養顏為主，湯底材料豐富，包括原隻烏雞、桃膠、杞子、紅棗等，味道香甜，雞肉嫩滑。桃膠是桃樹分泌出來的樹脂，吃起來的質感像啫喱，低卡路里之餘，膠質豐富，有益腸胃！ 鮮炸響鈴卷$58，最好的吃法，是挾起來，馬上放入口裏。剛炸好的響鈴卷，仍帶溫熱，香脆可口，且不油不膩。 櫻桃滑鴨片$88，乃侍應推薦的，還是第一次知其名，嚐其味。只見鴨片粉嫩中帶一層白，煞是好看﹗櫻桃鴨名稱由來，是因為鴨的品種來自於英國的櫻桃谷，所以才有「櫻桃鴨」之稱。白鱔片$128，索價不菲，魚肉厚身啖啖肉，吃起來鮮甜爽口且彈牙。 素來重視養生的I，點來了數款素食鍋料，鮮枝竹$38，不太合小口味。相反，具健脾益胃，且有降血壓和降膽固醇之效的野生竹笙$88，就值得一試。野生竹笙最適合用來打邊爐，能夠盡吸湯汁精華 ，爽脆多汁，且帶有獨特的香味。 鹹蛋黃蝦丸$48與鵝肝墨魚丸$48，屬兩款較為特別具創意的丸類，各點來一客淺嚐。兩者均鮮爽彈牙，前者中間有鹹蛋黃夾心，更添一份鹹香；後者稍嫌鵝肝味兒不是太過突出。接著，要介紹兩款風味不一，卻均香滑無比的鍋料 - 軟滑鴨血$48與香滑豆腐$38。這兩款鍋料，最適合放入酸菜白肉鍋內內烚一烚，再挾起來，蘸上「混醬」同吃。 酸菜白肉鍋內的鍋料粟米，也是粒柆飽滿，鮮甜無比的。 大時大節，當然要吃得豪一點，各點來一隻碩大且口感爽滑食味鮮美的南非鮑魚$52/隻。 馬刀貝$98/6隻是友人I及C的心頭好，肉質肥嫩，口感滑順細緻，營養值也相當高。 對於S來說，打邊爐，只吃粉麵與蔬菜而逘﹗新竹米粉$48、羽衣甘藍$58，以及雜錦蔬菜籃$68，是她主攻的項目。 小妹，也烚了一碗爽滑富咬口嚼勁的新竹米粉來吃，配以鮮爽的鮮蝦雲吞$40、鴨血和羽衣甘藍$58，既飽肚，又好吃。 埋單後，店員送上一碟飯後果 - 酸香開胃的梅粉番石榴，教人忍不住，一件又一件地吃過不停﹗最後，謝謝姐妹們的餽贈。 …查看更多