一笑食堂

营业中

休息中

今晚同朋友去咗深水埗覓食，見到呢間「一笑食堂」好似幾唔錯，就入去試吓啦！我哋兩個人叫咗兩碗拉麵同兩款小食，埋單二百幾蚊，CP值都算幾高！🤑首先講下拉麵，我叫咗碗櫻花蝦味噌拉麵。個湯底好濃郁，味噌味好出，仲有淡淡嘅櫻花蝦鮮味，飲落好順喉😋。叉燒有兩大塊，半肥瘦好腍滑，加埋隻溏心蛋同紫菜，成個配搭好豐富。朋友就叫咗博多雞湯拉麵，個雞湯底超creamy，奶白色嘅湯頭睇見都流口水🤤，飲落啖啖都係雞嘅精華，麵條掛湯能力一流，索索聲好快就食晒！小食方面，我哋叫咗名古屋雞翼同燒豆腐。個雞翼炸得好香脆，外皮甜甜哋又有芝麻香，入面嘅雞肉仲好juicy，完全唔乾柴🍗。燒豆腐都好有驚喜，超大一磚！炸到外脆內軟，入面嘅豆腐仲好滑，配埋個醬汁同蔥花，好惹味呀！👍總括嚟講，呢餐真係好滿足，食物質素有驚喜，價錢又唔貴，絕對會再encore！