影片
《一笑食堂》鸡汤拉面 🍜📍深水埗顺宁道98号美宁中心A座地下13号舖先讲一件无聊事，话说有次去池袋食五感，我出发时响 Google Map 就 search “池袋 五感”，就不加思索揿左头一个 result，跟住出发。去到之后发觉并唔系我预约𠮶间五感，但店名一模一样，我就唔知边个抄边个，亦唔知当中来龙去脉，我只系飞快地冲去”真正”的五感，好彩两店距离都算近，步行15分钟，跑就5分钟，唔跑真系唔得，因为预约左 😫，结果赶到身水身汗。点解会讲呢件事呢？睇到底自有分晓 😂《一笑食堂》一直都有听其他面友提过，而食评几乎都系正面，店长富哥似乎好健谈会主动同客人倾计，想试好耐，今日终于安排到时间探店。今日我点左鸡汤拉面 🍜，论惊喜度，可能系今年内最高嘅一次。首先因为我中午去，所以有做午巿价，碗面只系 55 蚊。碗面一上，富哥主动提点食到咁上下可以加拉面胡椒转味。我习惯每一碗面一上就先闻一闻先，香味就并不强烈嘅，点知一饮个汤，鸡味浓烈，真心可以用响口腔爆发来形容！鸡味唔单单系浓，仲有鲜鸡先有嘅鲜味，呢吓冇可能用鸡粉可以扮得到。虽然menu冇写明，不过呢款明显系鸡白汤，亦见到富哥有用blender打过。讲真我唔太钟意鸡白汤太过白色(个人喜好)，而呢款汤就系自然偏黄色，十分浓郁而咸甜度刚好，我觉得近乎系完美黄金比例。面条方面，细直面，同一般博多风拉面会用嘅细直面大同小异啦，软硬度适中，好食嘅。猪叉烧又系另一惊喜位，猪五花，肉同脂肪之间有一层筋膜，因为系第一次帮衬唔知系咁啱系咁定长期系咁，我就非常钟意，就类似食牛腩嘅人都多数会钟意食崩沙腩，就系贪佢有块筋膜，口感好好，而且肉味甘香可口，又系近乎完美。溏心蛋就正常发挥啦，调味偏淡口不过胜在夹个汤，有流心不过我就钟意再生少少会啱口味d。赞左咁多系咪冇野唔好呢？有一样嘅，我就觉得放高菜有少许唔夹个汤，因为高菜味道有d霸道，捞埋落个汤度有d盖过左汤嘅鲜味，如果用返木耳可能会好d。因为系午巿，加35蚊可加个小食同饮品，我就加左鸡沙律。我未做足功课，以为沙律系沙律菜，原来个沙律系薯仔捞蛋，不过都系好食嘅。整体，55蚊可以享受呢款面，论性价比呢款面系真超高，下次一定要带埋屋企人朋友去探探佢。话说回来，回应返开头，因为我第一次去，唔知间店真实位置，都要揾一揾。响附近，有一间叫”千笑居食屋”嘅店，似系新开张，傻傻的我仲以为自己记错左店名，响门口望左一阵先知此间不同彼间，好彩冇中鬼左入去。
继续阅读
一笑食堂在长沙湾那里有两间店舖，两间都是位于美宁中心，在外围看到的是大店，属于居酒屋，提供刺身/寿司/卷物/铁板烧/轻食/串烧/炸物。而在内里横巷有另一间小店，提供的是拉面/丼饭/轻食。小店早前没有提供拉面，现在则提供两款拉面，包括博多鸡汤拉面及樱花虾味噌拉面。拉面价钱实惠，另外亦有特色面食例如海胆拌面，价钱稍贵一点。我先后吃过樱花虾味噌拉面及海胆拌面。樱花虾味噌拉面味道不浓不淡，易于入口亦感觉自然，水准可以接受。海胆拌面则甚为野味，海胆可以用筷子整颗吃，亦可以和面条拌均一齐吃，而拌汁则以蟹黄及滑蛋制成，味感丰富，更胜一筹，虽然以上两款拉面美味，可惜面条属于细幼面，份量小，对于男仕并不饱肚，需要另加替玉或小食。主食加$35可以转为套餐，有一碟小食及一罐饮品，小食有芥末八爪鱼/唐扬炸鸡/慢煮鸡肉沙律，饮品加钱可转酒精饮品。一笑食堂有生蚝供应，亦有些期间限定食品例如慢煮牛肉他他，值得一试。
继续阅读
性价比高拉面店 位于唔起眼的旧式商场内 有间店舖唔太的日式拉面店博多鸡白汤拉面鸡白汤底香浓但不会过咸 叉烧肥瘦均匀 烧至焦香好食面是幼面黎的 质地爽口唔会太淋 樱花虾味噌拉面汤底浓郁 味噌味突出 饮落唔会太溜 仲有樱花虾淡淡的鲜味 海胆手卷系无饭的海胆手卷呀 净系紫菜包住一堆海胆比你 海胆鲜甜冇腥味 就咁食完全可以食到个鲜味 门口有部扭蛋机 童心大起 结账后店员会比1个硬币你去扭蛋 包中奖的 有野饮有野食 😂😂 中左的下次惠顾就可以使用
继续阅读
长沙湾都有拉面食？🍜 当然长沙湾系有拉面食，但系排队嘅舖头就唔多。（海老名系沾面就另计🤔）（跟住极拉面都系要排）在大雨下的美宁中心，显得当中的一笑食堂更加神秘🌧️。是次等待约半小时。但都是玩手机📱，所以没问题。2位职员也友善，是直率但心善那种大姐感觉😂。叫博多鸡汤拉面（$65），再加$35要了三选一的小食+罐装饮料🥤。$35的慢煮鸡肉沙律，调味很好，薯仔蛋白沙律不错。（但份量感觉可以再大些🍽️。或者饮品换是自家制的柠柠茶等🍋）主角博多鸡汤拉面，汤底不错，香浓鸡味🍗。（非鸡白汤味）叉烧有被烧过，很香🔥。溏心蛋也很溏心，合格过关！🥚面质偏幼，有弹性，也挺好。（虽本人喜欢更硬身的）今次ok好食，想试其他野会否再好食d。食完还有扭蛋玩！有优惠券呢💸。下次会想再试其他食物🫶🏼一笑食堂 深水埗顺宁道98号美宁中心A座地下13号舖营业时间12:00-16:30 18:00-22:00#香港美食 #长沙湾美食 #深水埗美食
继续阅读
1家3口非繁忙时间下午5点令入去其中1间铺仔眼见4张4人台其实唔明点解要指定本身我无所谓不过小朋友突然见到有张台比较似卡位想坐咁尽管开声问下职员口讲好.但语气就听得出.....东南北Ok Fine睇餐牌有咩食谂住顺便落埋单唔使佢行多转就叫左两个主食+1个小食+1杯酒精饮品我又唔明点解落单个阵要受到言语攻击Ok..心谂..唯有食完快啲走..都唔想做反面教材比个仔睇食物不过不失..但已经决定唔会再返黎食埋单后职员比左金币我先生扭蛋我先生礼貌地话:唔使职员好似好惊讶咁讲:下?优惠券黎架Wor..下次可以用so......咁睇黎你地都好后知后觉竟然觉得人地会回头食真系唔该晒..真心唔敢再劳烦你地.拜拜
继续阅读