一笑食堂

营业中

休息中

《一笑食堂》雞湯拉麵 🍜📍深水埗順寧道98號美寧中心A座地下13號舖先講一件無聊事，話說有次去池袋食五感，我出發時响 Google Map 就 search “池袋 五感”，就不加思索撳左頭一個 result，跟住出發。去到之後發覺並唔係我預約嗰間五感，但店名一模一樣，我就唔知邊個抄邊個，亦唔知當中來龍去脈，我只係飛快地衝去”真正”的五感，好彩兩店距離都算近，步行15分鐘，跑就5分鐘，唔跑真係唔得，因為預約左 😫，結果趕到身水身汗。點解會講呢件事呢？睇到底自有分曉 😂《一笑食堂》一直都有聽其他麵友提過，而食評幾乎都係正面，店長富哥似乎好健談會主動同客人傾計，想試好耐，今日終於安排到時間探店。今日我點左雞湯拉麵 🍜，論驚喜度，可能係今年內最高嘅一次。首先因為我中午去，所以有做午巿價，碗麵只係 55 蚊。碗麵一上，富哥主動提點食到咁上下可以加拉麵胡椒轉味。我習慣每一碗麵一上就先聞一聞先，香味就並不強烈嘅，點知一飲個湯，雞味濃烈，真心可以用响口腔爆發來形容！雞味唔單單係濃，仲有鮮雞先有嘅鮮味，呢吓冇可能用雞粉可以扮得到。雖然menu冇寫明，不過呢款明顯係雞白湯，亦見到富哥有用blender打

一笑食堂在長沙灣那裡有兩間店舖，兩間都是位於美寧中心，在外圍看到的是大店，屬於居酒屋，提供刺身/壽司/卷物/鐵板燒/輕食/串燒/炸物。而在內裡横巷有另一間小店，提供的是拉麵/丼飯/輕食。小店早前沒有提供拉麵，現在則提供兩款拉麵，包括博多雞湯拉麵及櫻花蝦味噌拉麵。拉麵價錢實惠，另外亦有特色麵食例如海膽拌麵，價錢稍貴一點。我先後吃過櫻花蝦味噌拉麵及海膽拌麵。櫻花蝦味噌拉麵味道不濃不淡，易於入口亦感覺自然，水準可以接受。海膽拌麵則甚為野味，海膽可以用筷子整顆吃，亦可以和麵條拌均一齊吃，而拌汁則以蟹黃及滑蛋製成，味感豐富，更勝一籌，雖然以上兩款拉麵美味，可惜麵條屬於細幼麵，份量小，對於男仕並不飽肚，需要另加替玉或小食。主食加$35可以轉為套餐，有一碟小食及一罐飲品，小食有芥末八爪魚/唐揚炸雞/慢煮雞肉沙律，飲品加錢可轉酒精飲品。一笑食堂有生蠔供應，亦有些期間限定食品例如慢煮牛肉他他，值得一試。

長沙灣都有拉麵食？🍜 當然長沙灣係有拉麵食，但係排隊嘅舖頭就唔多。（海老名係沾麵就另計🤔）（跟住極拉麵都係要排）在大雨下的美寧中心，顯得當中的一笑食堂更加神秘🌧️。是次等待約半小時。但都是玩手機📱，所以沒問題。2位職員也友善，是直率但心善那種大姐感覺😂。叫博多雞湯拉麵（$65），再加$35要了三選一的小食+罐裝飲料🥤。$35的慢煮雞肉沙律，調味很好，薯仔蛋白沙律不錯。（但份量感覺可以再大些🍽️。或者飲品換是自家製的檸檸茶等🍋）主角博多雞湯拉麵，湯底不錯，香濃雞味🍗。（非雞白湯味）叉燒有被燒過，很香🔥。溏心蛋也很溏心，合格過關！🥚麵質偏幼，有彈性，也挺好。（雖本人喜歡更硬身的）今次ok好食，想試其他野會否再好食d。食完還有扭蛋玩！有優惠券呢💸。下次會想再試其他食物🫶🏼一笑食堂 深水埗順寧道98號美寧中心A座地下13號舖營業時間12:00-16:30 18:00-22:00#香港美食 #長沙灣美食 #深水埗美食

1家3口非繁忙時間下午5點令入去其中1間鋪仔眼見4張4人檯其實唔明點解要指定本身我無所謂不過小朋友突然見到有張檯比較似卡位想坐咁儘管開聲問下職員口講好.但語氣就聽得出.....東南北Ok Fine睇餐牌有咩食諗住順便落埋單唔使佢行多轉就叫左兩個主食+1個小食+1杯酒精飲品我又唔明點解落單個陣要受到言語攻擊Ok..心諗..唯有食完快啲走..都唔想做反面教材比個仔睇食物不過不失..但已經決定唔會再返黎食埋單後職員比左金幣我先生扭蛋我先生禮貌地話:唔使職員好似好驚訝咁講:下?優惠券黎架Wor..下次可以用so......咁睇黎你地都好後知後覺竟然覺得人地會回頭食真係唔該晒..真心唔敢再勞煩你地.拜拜

今晚同朋友去咗深水埗覓食，見到呢間「一笑食堂」好似幾唔錯，就入去試吓啦！我哋兩個人叫咗兩碗拉麵同兩款小食，埋單二百幾蚊，CP值都算幾高！🤑首先講下拉麵，我叫咗碗櫻花蝦味噌拉麵。個湯底好濃郁，味噌味好出，仲有淡淡嘅櫻花蝦鮮味，飲落好順喉😋。叉燒有兩大塊，半肥瘦好腍滑，加埋隻溏心蛋同紫菜，成個配搭好豐富。朋友就叫咗博多雞湯拉麵，個雞湯底超creamy，奶白色嘅湯頭睇見都流口水🤤，飲落啖啖都係雞嘅精華，麵條掛湯能力一流，索索聲好快就食晒！小食方面，我哋叫咗名古屋雞翼同燒豆腐。個雞翼炸得好香脆，外皮甜甜哋又有芝麻香，入面嘅雞肉仲好juicy，完全唔乾柴🍗。燒豆腐都好有驚喜，超大一磚！炸到外脆內軟，入面嘅豆腐仲好滑，配埋個醬汁同蔥花，好惹味呀！👍總括嚟講，呢餐真係好滿足，食物質素有驚喜，價錢又唔貴，絕對會再encore！

同朋友一齊去咗一笑食堂食飯，試咗拉麵同小食。係未講食咩之前，我想講佢哋間餐廳完全冇冷氣。食到中暑。 但好食嘅，冬天先考慮再挑戰。咖哩拉麵，有粟米係開心嘅。 但個湯唔算好多，食到最尾會變成撈麵博多雞白湯拉麵， 呢個真係好好食。個叉燒都燒得好好食，湯底都好香濃。沖繩白啤酒，生啤嚟，清淡得嚟都有好香嘅麥味。飲到後面變咗熱啤，所以我飲唔晒。佢哋仲有好多其他酒嘅選擇。 如果冷氣夠係可以當居酒屋食。後面果個係跟餐嘅蘋果汁。

長沙灣真係好多隱身喺住宅區內嘅小店，呢間日式小店鋪面超日系，食物水準同樣夠哂日系。我就嗌咗個拉麵，睇樣以為係專食拉麵嘅舖頭嘅出品。係有驚喜嘅，$60幾蚊食落合格有餘啦～老闆講嘢又幽默，感覺好似暫時逃離咗返工嘅忙碌咁🥹🤧可以再encore!

今次係我第一次寫食評，因為呢間舖頭嘅拉麵好出色，性價比極高!!! 今次係我第二次嚟食，第一次食雞湯拉麵，第二次食櫻花蝦拉麵，兩種拉麵都係非常出色，特別係個湯、麵體、豬肉，都做得非常好!! 兩種拉麵星期一至四午市都只係$55，性價比極高🩵老闆好友善! 食得好開心🙂‍↕️🙂‍↕️

經朋友介紹，嚟咗里間隱世嘅日式餐廳。我哋一行3人揸車過嚟，咁啱竟然比我哋泊到咪錶位😄係門口果間千笑食堂，據說都係同一老闆，但不同管理，咁朋友話食入面間「一笑食堂」先係老闆自己揀選廚師同控制品質。三色丼本身三色丼有海膽，已經有驚喜一試海膽，甜到我嚇左一跳，心諗我通常係日本先會食到咁鮮甜嘅海膽。雖然佢分量係偏細，但百幾蚊有交易，真心性價比高。盲盒拉麵其實佢餐牌都無寫會有啲咩，咁先叫盲盒呀嘛🤣里個朋友食嘅芥末八爪魚 慢煮雞胸沙律白啤芥末八爪魚係可以用紫菜包住食，芥末味啱啱好，八爪魚新鮮。慢煮嘅雞胸煮得唔鞋夠嫩，下面係薯仔雞蛋沙律，加上沙律醬調味，味道好有層次。我超推介！唐楊炸雞燒豆腐螢光魷魚炒菜豆腐係同臭豆腐嘅皮一樣，但佢唔臭🤣調味好惹味螢光魷魚唔會死咸，係少少咸鮮刺身雙拼鰻魚玉子燒油甘魚刺身好鮮甜，好濃郁嘅魚味，入口即溶玉子燒入面，竟然有紅蘿蔔粒，口感好豐富炸河蝦炸得啱啱好，無咩油，不過感覺可以多啲咸味或者調味，送酒一流里度嘅食物質素唔比日本差，份量偏細，但用心製作，睇得出師傅對食物有要求，位置算偏僻，係隱世美食嘅感覺😁

一笑食堂好有日式居酒屋feel😝環境細細，但店員十分熱情又人情味🥰-🥢 吞拿魚手卷/ 海膽手卷依道d手卷好得意🤣因為係無飯手卷，只係脹紫菜包住😆吞拿魚蓉好大舊，海膽都好鮮甜，一啲都唔腥🤤-🥢鰹魚刺身鰹魚刺身加埋柚子醬，增添層次-🥢 生醃天使蝦天使蝦好新鮮，爽口彈牙，蝦頭仲有好多蝦膏🥰-🥢慢煮雞肉沙律雞肉經過慢煮，肉質嫩滑，夾住薯仔碎蛋沙律一齊食，口感豐富。-🥢 海膽拌麵小編真係好鐘意食海膽🤣見到有拌麵諗都冇諗就即刻叫🤪湯底好鮮甜有一大片叉燒和海膽，叉燒肥瘦均勻，自家製塘心蛋都好好味😋好鐘意拉麵既質地，比一般拉麵幼身，但好爽口掛湯🤤必食‼️

真係估唔到喺長沙灣地鐵站附近有間隱世拉麵店，位置唔太起眼，但係客人坐滿店，夜晚拉麵仲有套餐，相當抵食前菜揀咗慢煮雞肉沙律，本身以為下面嘅係菜，原來係南瓜薯仔沙律，食落味道天然健康，雞肉應該係揀咗雞胸，另外芥末八爪魚足足有一碗，配埋塊大紫菜食好滿足博多雞湯拉麵：拉麵嘅麵質比較乾身，雞湯濃郁，叉燒燒至有焦香海膽拌麵：海膽沾汁值得一讚，有一種蛋黃香，汁再加埋糖心蛋一齊食真係好正，選用嘅海膽亦都唔錯，而且有兩大塊雞肉炒牛蒡：呢款小炒，就比較惹味，送飯一流

🇯🇵呢到係家庭式既日本料理舖頭🏯拉麵、洋食，都不比連鎖舖頭輸蝕，仲要煮得好有心機，慢功出細貨☺️☺️🍜博多雞湯拉麵 $65 🐣一飲個湯底，係清甜嘅雞湯味，好順滑，有少少Creamy嘅感覺塊叉燒燒得好香，有少少焦脆既口感，肥瘦適中，兩塊岩岩好🐷🥓仲有流心蛋一大隻 同埋蔥🥚🍳🐣滑蛋漢堡扒飯 $78見住廚師喺煎pan上面倒上蛋汁 即刻整咗旋轉雞蛋出嚟🤟🏼🤟🏼好順滑 而且個味道加埋啲醬汁啱啱好塊漢堡扒入面係有芝士 好juicy !! 🧀午餐時間亦都可以加$35有嘢飲同埋小食我就要咗唐洋炸雞 同埋 芥末八爪魚😇😌然後係用紫菜包住芥末八爪魚 🐙成嚿包住咁樣食另外再叫咗個炸螢光魷魚 🦑一粒一粒好有口感🥰🥰呢度價錢相宜，大眾化款式選擇都多仲可以一路同廚師傾偈好有人情味又體貼

西班牙豚肋骨釜飯 ($85)海膽伴麵 ($118)櫻花蝦味噌拉麵 ($78)日本岩手縣兆蠔 ($68)首先講下釜飯🍚上檯時會有timer 計6分鐘，之後開蓋後淋汁個下就已經聞到好香😍豬肉嘅肉味好濃，成個飯都係類似煲仔飯咁🥘一直有明火keep著熱辣辣，食到最底會食到飯焦脆脆地好味😋伴麵都係好正🤩海膽份量好多而且完全冇腥味，伴麵有加雞蛋落去🥚所以食到最尾都唔會太膩最後介紹吓老闆推介🤓亦都係最有驚喜嘅蠔🦪雖然價錢上唔係好平，但勝在買三送一✌🏻而且佢夠曬大隻好肥，上面少少柚子醬吊到啲鮮味出嚟，真係十分推介😍😍評分：9/10深水埗順寧道98號美寧中心A座地下13號舖

今日就同朋友去左一笑食堂 餐廳位於小巷內, 裝修好有特色, 坐係吧枱仲可以望住廚師即場烹調櫻花蝦味噌拉麵超多櫻花蝦喺面頭, 味噌湯底濃得嚟唔會太鹹,飲落幾有層次, 拉麵面質彈牙, 掛滿湯汁, 叉燒肥瘦適中另外可以加$35配小食同飲品芥末八爪魚用紫菜包住, 八爪魚鮮味有嚼勁西班牙豚肋骨釜飯 好似日式煲仔飯咁焗大概5分鐘, 再落醬汁, 微微燒到有啲飯焦,每粒飯粒都索滿醬汁, 又有啲油香味, 豚肋骨超級腍身名古屋雞翼炸得好香脆，肉質鮮嫩多汁, 雞翼尖嘅位置軟骨好又咬口

這間居酒屋隱藏於一個殘舊的商場之內，店內只得數個吧枱座位，裝修得頗為日系風格。餐廳的餐牌會配合時令而去經常變換菜色。主打是日式料理，但都有西式意粉供應，價錢很經濟實惠。日式蕃茄，味道超甜，配上醬汁十分清新開胃。炸豆腐，炸得金黃香脆，內邊豆腐仍然嫩滑，配上香蔥醬汁，好味。博多雞白湯拉麵，只需$65，十分抵食。雞白湯香濃，不會過咸，拉麵質地彈牙掛湯，叉燒軟淋，肥瘦均勻，配上紫菜及比較中式的雪菜，性價比高。滑蛋漢堡扒飯，漢堡不是用牛，而是用豬及雞肉手打製成，肉質一樣軟嫩多汁，配上惹味燒烤醬汁，更要讚的是香滑旋風蛋，令整體賣相增加。