影片
更多
2023-01-21
603 浏览
大館，舊中區警署，一個滿有古典氣息的地方，真心覺得佢活化得好好，保留特色之餘，亦設有展覽場館，不是變成只是換湯不換藥的商場，而內裏的餐廳亦各有特色，有配合大館的環境。今次同朋友去開中環，就想搵個地方chill 吓，朋友就建議黎呢間，因為朋友試過金鐘分店，覺得值得推介👍🏻一入到去就被餐廳裝修吸引，木枱木椅，配上茶葉罐及鳥籠吊燈，滿滿的古雅色彩，好配合餐廳的主題，而且還有戶外座位，感覺更chill。入到去先點茶，幾頁紙的茶譜，好多不同款式的茶的選擇，啱晒喜歡品茗的朋友，而且分門別類，每項茶類都有簡單介紹，很適合連青茶、白茶、烏龍茶、紅茶、黑茶都分不清的我地🤭🤭，如果都心大心細揀唔到，可以叫店員推介，佢地好樂意向你推介適合你口味的茶，因為我地就係咁🤭 如果熱茶唔啱，仲有冷泡茶及茶啤可以揀，係呀，無聽錯，係茶啤，好特別，以茶入饌成日都會有，但以茶入啤真係少有，咁特別，我梗係要試吓啦🤭，我地揀咗：🌟極品有機牡丹王是白茶的一種，經過微發酵，但沒有經過殺青、揉捻，味道較清，香味宜人。茶到枱是已經沖泡咗一次，可以立即飲用，而枱上設有電熱水煲，可以自己再加熱水沖泡飲用，唔淡怕茶葉浸泡過久變得苦澀。極品牡
一入到去就被餐廳裝修吸引，木枱木椅，配上茶葉罐及鳥籠吊燈，滿滿的古雅色彩，好配合餐廳的主題，而且還有戶外座位，感覺更chill。
入到去先點茶，幾頁紙的茶譜，好多不同款式的茶的選擇，啱晒喜歡品茗的朋友，而且分門別類，每項茶類都有簡單介紹，很適合連青茶、白茶、烏龍茶、紅茶、黑茶都分不清的我地🤭🤭，如果都心大心細揀唔到，可以叫店員推介，佢地好樂意向你推介適合你口味的茶，因為我地就係咁🤭
如果熱茶唔啱，仲有冷泡茶及茶啤可以揀，係呀，無聽錯，係茶啤，好特別，以茶入饌成日都會有，但以茶入啤真係少有，咁特別，我梗係要試吓啦🤭，我地揀咗：
🌟極品有機牡丹王
是白茶的一種，經過微發酵，但沒有經過殺青、揉捻，味道較清，香味宜人。茶到枱是已經沖泡咗一次，可以立即飲用，而枱上設有電熱水煲，可以自己再加熱水沖泡飲用，唔淡怕茶葉浸泡過久變得苦澀。極品牡丹王飲落清新舒服，多泡幾次依然不俗。
🌟茶啤
我揀咗beer flight tasting set，一次過試齊4款口味😋， 包括鳳凰單欉淡啤、玫瑰紅茶小麥啤、茉莉香片小麥啤、正山普洱英式啤，由淡至濃去飲，而且好細心咁附上tasting notes，可以一邊飲一邊了解自己飲既啤酒。而我就最喜歡飲茉莉香片小麥啤及普洱英式啤，呢2款酒味比較濃，但同時茶香都有，兩者做到好balance👍🏻
再來就是吃點心，這裏的點心都是素的，而且都是即叫即整，全都是熱焫焫，好味😋
🥢黑松露燒賣
黑松露看氣撲鼻，而燒賣也是估不到是素的，口感就跟真的豬肉燒賣一樣。
🥢金菇素苗餃
🥢碧玉粉果
🥢香脆咖喱角
炸得香脆，配啤酒剛好🤭 ，而且味道剛好，也不會太鹹。
🥢豉油王炒素牛腸粉
調味調得很好，完全忘記在吃素牛肉。
🥢焗素蟹餅
焗得香口，而且做到有蟹肉一絲絲的口感。
🥢薑汁糕、紅棗糕
即叫即蒸，新鮮熱焫，香甜軟糯。
茶香飄飄，茶烟渺渺，一室茶香啤酒香，很享受那䀄靜的空間，與友閒談也是種享受🫶🏻。離開餐廳後，發現餐廳對面就是茶葉店，餐廳裏的茶葉茶啤那裏都有賣，還有泡茶的用具一應俱全，送禮自用的都有，值得一逛👍🏻。
张贴
