樂茶軒 (大館)

营业中

休息中

朋友揀咗嚟呢度飲嘢，初頭我以為只有茶，但原來有好多酒精飲品選擇。手工啤賣相好靚，味道特別。服務員Candy很熱心招呼，又怕我熱，不停幫我調教冷風機。值得下次再嚟。

前段時間和朋友聊天時說起最近吃得比較油膩，想找一點清淡又好吃的餐廳吃看看🤔朋友便推介了這間在中環大館的素食點心茶館🌟這間主打素食點心的茶館除了有各式各樣的茶葉可選外，還有別具特色的雞尾酒🤭都是由各款茶葉為基底調配而成🌟所有的素肉類點心都值得一贊🌟特別是羊肉串和牛肉球的口感十分逼真🔥味道也很不錯羊肉串是經典的孜然調味～牛肉球外層是反轉的炸豆卜🌟蘸上蕃茄汁一齊吃香脆不油膩👍🏻黑松露燒賣香氣撲鼻🌟綠茶西米糕也有驚喜🌟茶香味清新濃郁，甜味不多，不錯👍🏻馬拉糕鬆軟香甜也同樣好吃♥️兩杯茶底雞尾酒的味道也很好，酒精的部分給很足🤭但同時也能喝到茶的香氣，阿婆表示滿意♥️

去到大館，本來打算一如以往的去飲咖啡，但被一位戶外食客的品茶set 吸引，決定一試。平日飲開Earl Grey的我，揀咗個推介青茶，淡淡花香，感覺同Earl Grey有異曲同工之妙。因為一個人，但又怕曬，所以選咗bar枱位置。職員很好，友善又有禮，教我點樣慢慢去品嚐，又會提醒空肚飲茶，胃可能受不起，引起不適…很窩心，謝謝妳！☺️因為店主打是品茶，所以「佐茶」食物反而是配角，但選擇也不少，以素食為主，味道不錯，價錢合理，值得推介！👍🏻食完就可以再繼續嘆茶🫖😌😌😌溫馨提示：若大家如我一樣，一人去享受Me time, 記得唔好眼濶肚窄地叫大多「佐茶」美食，因為佢嘅portion也不細，亦唔好比「佐茶」美食霸曬個胃嘅空間，大家要記住，這店主是品茶為主啊！😉😊最後，憑單往對面同名店，可以以九折買茶葉，即刻比張單店長介紹返啱啱飲過的青茶。下次來大館，一定會再來打卡，好好享受飲茶的寧靜。Btw 都要多謝埋店長，同我上咗一堂茶葉「雞精班」，清楚解釋不同色的茶葉之分別！🙇🏻‍♀️

同事生日，book咗去呢度慶祝。朋友網上訂枱，指明要坐裏面，去到之後，佢話得outdoor。每人指定要叫一杯嘢飲，最平都要$48。講真佢啲Service真係差到不得了，全程黑面，講嘢又細聲。咁嘅價錢咁嘅環境，啲服務仲衰過茶餐廳，嘢食幾好都冇用。五個人，買單差唔多$1000，真係貼錢買難受。唔怪之得依家啲人要北上消費，再咁落去，香港嘅飲食業一定game over。

係某平台買左voucher去試樂茶軒既素食tea set仲有香港好少有既手工茶啤可試下我地唔夠精明，其實其中一SET手工茶啤可轉非酒精飲品但坐低無幾分鐘 個店員就收左餐牌同上左兩SET手工茶啤了其實我唔飲啤酒架諗住朋友可試下ONLY素食方面，以優惠價錢黎講算唔錯當中個青瓜素雞最好食我估係薑汁糕最難食差不多半價去試樂茶軒既素食tea set會覺得ok ge但正價就真係太貴啦部分店員會服務比較好真係睇你彩數🤣

大館呢間主打飲茶同埋食素食點心嘅餐廳，環境其實係唔錯嘅。食物方面都幾特別，點心唔難食。而且可以飲嘅茶都好多選擇。不過豉油炒麵都幾濕，唔推介，食到成口油，不過夠熱 。只不過呢一度嘅服務都幾差，唔係個別例子，成team都唔得。假如係後街 小巷子小街嘅茶餐廳嘅話，我明白。但係呢一度嘅服務唔應該出現喺呢個位置又或者收呢個價錢。語氣對答方面絕對可以改善，而且亦都唔係繁忙。呢度唯一嘅好處係可以慢慢坐，speak easy, 唔需要趕交枱，食物同埋環境係冇問題嘅。 叫齊野，坐埋一邊飲茶唔會有先理你，大家放心😂

Online booking not available，但原來可以電話預訂。職員唔係好醒目。例如：去到冇位，但要等幾耐先有坐又唔講，安排座位過程混亂。另外，接待人員問我黎做咩，我話想黎食嘢，佢回應「我都知～」，我心諗：咁你又問？只係在門外已經覺得服務一般，成件事都唔順利，就算好食都唔會想再去。附近大把餐廳，唔一定要食佢

店名「樂茶軒」的「樂」字有幸福、快樂、幸運之寓意，店子希望顧客能輕鬆、愉快地享用一杯好茶🫖。這天，我們一家逛完展覽就信步遊走到此，用餐體驗絕對是一「樂」也。🩷薑汁素肉小籠包 $58皮薄 湯汁鮮美🩷黑松露燒賣 $48海量撲鼻的黑松露😂 燒賣彈牙 🩷馬拉糕 $32鬆軟 甜度剛好🩷天婦羅素菜餅 $48很香脆 也難得不油膩🩷豉油皇素肉炒腸粉 $58必點❗️惹味鑊氣之選 食到停唔到口😂🩷家鄉蘿蔔糕 $38厚度剛好 足料味美 🩷煎釀加咸街豆腐 $38豆腐外皮略帶金黃 內層香滑 煎釀魚肉 必點特製芝麻醬汁 🩷秘製豉油皇炒麵 $48店子既豉油皇系列都很吸引🤩 炒麵香口分明 份量不算多 可以試多幾樣野😎🩷玫瑰紅茶 $48🩷有機鳯凰單欉 $48冷泡茶的茶湯裡茶多酚與咖啡因含量少 因此較甘甜 苦澀感也較低 我地今日試既玫瑰紅茶較輕怡 鳯凰單欉則茶味較明顯 順帶一提 所有冷泡茶都是免費加水的👍 店子裝潢古色古香 食物精緻 服務不錯 下次來大館要再訪😍

入座時店員A講，每人最少點一杯野飲就夠。我點完餐之後，店員B就講啲晦氣說話仲要唔細聲，「淨係叫野飲又唔食野，仲要寫錯字。」，如果一定要叫野食就唔好扮晒嘢咁講，每人叫一杯野飲就得。一個茶都要6、70蚊，我又唔肚餓，只係想有個地方坐低飲杯野。難怪咁多人鍾意返大陸飲飲食食，就係呢啲咁嘅店員，無服務仲要咁大聲講個客，用錢買難受。呢間野真係無下次👎🏽👎🏽👎🏽👎🏽👎🏽👎🏽👎🏽👎🏽

素聞大館嘅樂茶軒質素不俗，那日一試果然名不虛傳！環境雅緻，水滾茶靚又多款，服務專業周到，點心每日新鮮手工製作，當日嚐的香煎芋絲餅尤其出色，外脆內軟又毫不油膩，芋味齒頰留香，非常高質，一試難忘！🤤晚市我們每人飲了茶再吃到飽飽的，以人均約hk$250來說，我覺得物有所值，會想再回頭啊🥰✅香煎芋絲餅（$42）- 店員推介的，因為芋頭當造，真的特別好吃，芋絲切得幼細，手工菜🫶🏻✅樂茶精選素湯($22/盅) - 勁足料，有溶左嘅腐竹，清甜濃郁！好喝👍🏻另外還點了以下點心，皆是精緻得來份量適中，每道味道都不錯，不說都不為意是素菜呢！連看名字應該很普通的娃娃菜和炒腸粉都整得幾好味！有驚喜。✅翡翠粉果（$32）- 原來是綠色粉皮的意思。✅素琵琶豆腐（$42）✅龍華寺素卷（$48）✅紫菜腐皮（$38）✅上湯浸白玉菇娃娃菜（$48）✅豉油王素玉炒腸粉（$58）飲品方面，它的招牌茶啤嚐味拼盤（$78/試哂4款）真的非常吸引😍😍可惜當日我不能喝酒，所以喝茶。樂茶軒提供長長的茶list，非常講究，可以在這裡嚐嚐不同的茶葉，今次我們嚐了：🫖有機老欉水仙（$58/位）是青茶-武夷岩茶，甘而不澀，帶火工香，比下面那款

早幾日同外國朋友係中環玩咗半日，咁啱見到大館有間中式野而且環境又靚好啱朋友影相同試下品茶首先每人都要叫一款茶，咁我哋就揀咗啲特別啲既花茶試吓。#香龍骨（$48）同埋#特選秀美茶 （$48），兩款茶上枱個時都有各自既杯具同茶壺。好有古代人飲茶既feel😂😂佢點心既選擇雖然唔算好多，但都有幾款係必食😍😍而且全部點心同餸菜都係素食嚟👍🏻#香菇芫茜素牛肉球 （$48）- 牛肉球比起其他點心多啲咬口。有少量馬蹄粒係入面，食落真係似牛肉球既味😋😋#黑松露燒賣 （$48）- 去飲茶梗係必食燒賣，燒賣個頂有好多黑松露。所以食到陣味好出而且好足料😍#豉油皇素肉炒腸粉（$58）- 炒腸粉係好少地方整到好食。佢夠乾身唔油每一條腸粉都上哂色，食落好惹味好香😋好鍾意食。完全食唔出係素肉另外仲叫咗啲點心，#素牛肉煎餃（$48），#香酥珊瑚球（$58）。牛肉煎餃都係似食緊牛肉咁，而且佢用咗川味既辣去調味。辣得好過癮幾好食，配埋醋去食令到佢更多層次。😋炸珊瑚球唔係咁多地方有，佢炸得香口唔會太油膩。食落唔錯👍🏻原來依度除咗可以品茶食點心外，仲有茶味啤酒😀happy hour 個價錢仲要好合理。有機會可以再過嚟chil

放工去大館行下 揀左間幾chill嘅素菜點心餐廳平時飲啖茶食點心就食得多 茶啤你又試過未？呢間樂茶軒除左有靚茶之外 仲有幾款招牌茶啤全素菜點心幾有特式 真係值得試下 樂茶啤嘗味拼盤Happy hour 78蚊set 就算正價都係98 好抵幾款啤酒嘅味道都各有唔同 我自己就鍾意玫瑰紅茶啤同茉莉香片啤 有淡淡花香比較清爽 啱女仔口味唔飲得酒嘅朋友都可以沖番壺靚茶或者飲冷泡茶都得 都幾多選擇點心方面大部份都係40蚊左右有交易中環仲要係大館呢啲遊客景點嚟講都真係幾平當中黑松露燒賣同炒醬粉都係我嘅必食推介！

今日去大館閒逛 參觀下入面嘅古蹟行到下午tea time時間 同朋友想飲下茶一忠兩件 見樂茶軒環境古色古香就入左去試下原來係食素食點心😍仲有多款茶類選擇🥢陳年珍藏普洱平時飲茶我都經常揀普洱 今次都一樣 我見顏色幾深 但飲落唔會太溶又有茶香氣🥢月光白茶白茶顏色較淡 飲落比較清香 我朋友好喜歡飲呢!見素點心選擇都幾多 我地叫左好幾樣試下🥢龍華寺素卷一層層腐皮包住左爽口嘅蘿蔔絲、冬菇絲等等 食落香口唔油膩🥢家鄉蘿蔔糕蘿蔔糕食落軟糯 同平時食嘅味道一樣好食🥢豉油皇素肉炒腸粉腸粉即叫即炒熱辣辣 炒得乾身又好夠味仲有啲素肉絲 食落好似真肉感 幾驚喜🥢迷你荷葉糯米雞糯米雞有兩隻 食落好light 因為唔會太濃味 岩哂我😋🥢金菇菜苗餃菜苗餃皮煙靭 餡料充足 一人一粒岩岩好同朋友飲茶飲得好寫意 枱上仲有個熱水壺 可以自己fill去茶壺🫖 而且好喜歡佢茗茶個擺設 好精緻 過左一個愜意嘅下午🫶🏻

食評：1) 香茹芫荽素牛肉球（3粒） $48原來餐廳主打素食，平時好少食素，呢間嘅素點心相當有驚喜！呢個素牛肉球食落竟然同真牛肉球差唔多，芫荽味非常重，岩曬「茜人」呀XD2) 薑汁素肉小籠包（3件） $58小籠包咬落去有濃濃湯汁，一口一個相當滿足~3) 黑松露燒賣（2件） $48雖然黑松露燒賣只得2粒，但份量一D都唔細，面頭放咗超多黑松露><。再次驚嘆佢雖然係素，但完全唔會俾真燒賣比下去！4) 月光白茶 $68呢間餐廳有好多唔同款嘅茶葉，好茶之人一定要試下。因為平時都係飲開黑茶、綠茶或紅茶，所以今次就揀咗白茶試。飲之前staff有講點樣沖，確保你飲到一杯岩岩好嘅茶，唔會太濃或太淡。月光白茶茶如其名XD，有一股清香茶味，入口甘滑唔澀，推薦大家一試~

友輩中越來越多朋友轉吃素，因此不時有機會嚐到不錯的素食。樂茶軒的用餐區用上混合式裝修簡潔明亮，環境寧靜，很適合三五知己一起品茗。朋友對多種玩意都俱興趣，品茶亦不例外，亦因應各自的口味給大家推薦了幾種不同的茶。當中特別提到黃小茶是較少茶室會提供的茶種，可惜平日多飲濃茶，因此味覺有點麻木，浪費了好茶，但清新的茶香依然撲鼻而來。珊瑚球不單有新意亦十分美味，點心的外皮像是反過來的豆腐卜所製，香酥脆口，素肉餡幾可亂真。咖喱角香脆不油膩，咖喱香而不辣是很好的佐餐小吃。素卷上枱時的溫度恰好，腐皮微脆而卷內的蔬菜依然爽脆沒有被輕煎過的腐皮燙軟。腸粉與芽菜、紅蘿蔔絲及素肉條同炒，再以炒香的芝麻增添香氣，配搭余均益辣椒醬同吃，十分美味。餃子底煎得很香脆，素牛肉饀辣得十分有勁度，伴碟的薑絲十分新鮮為餃子增添不少香氣。馬拉糕口感軟糯，適合喜歡香甜軟滑糕點的人士。