李家 (山林道)

营业中

休息中

食過幾次李家外賣，都覺得好好食，如果可以親身熱辣辣食一次就好啦，咁啱去開尖沙咀，原來李家搬咗去近佐敦山林道，就行去試吓啦🍗半半炸雞每次都係叫半半炸雞，因為嘗試好多味道😬其實次次都係叫蜂蜜蒜蓉炸雞同原味炸雞，原味係有少少辣嘅，蜂蜜蒜蓉就係甜甜地又有蒜蓉香味，炸雞皮薄肉嫩多汁，真係好好食🫕蒸蛋呢個蒸蛋真係不得了，估唔到咁大個😮真係好似韓國嘅整法，蒸蛋蒸得好嫩滑，仲加咗有少少蔥同紅蘿蔔粒，熱辣辣好好食🍲牛膝湯好少韓國餐廳有得飲牛膝湯，係濃濃嘅牛骨湯加左人參同紅棗，仲係杰杰地嘅有好多骨膠原，好滋補