影片
更多
2018-08-30
43 浏览
落雨落到紅雨都出埋，交通一定好差，為免浪費時間等車，就約埋同事去嘆返個晚餐先返屋企喇~又濕又凍，第一時間諗起要食熱辣辣嘅拉麵，就嚟咗口碑譽滿嘅神山！和風蘋果沙律(HKD45)~落單時，侍應好貼心，同我地解釋咗個醬滲入咗芥末，初初以為係普通沙律醬，原來別有洞天！個沙律主要有蘋果、青瓜、火腿，另外仲灑上蟹籽同脆片，差唔多都係一啲爽脆嘅食材，估唔到可以一拍即合！大推！神山湯餃子(HKD38)~煎餃子就食得多，湯餃子就真係第一次食！將煎完嘅餃子放落拉麵湯，個底仲會有菠菜同韮王！唐揚豆池魚(HKD45)~池魚炸起顏色好靚，一客大概有8-9件，每件嘅SIZE大概一隻尾指嘅長度，剛好2啖食哂~炸粉唔厚，但喺咩汁都唔用嘅情況下有輕微腥味，始終係魚嘛！落咗檸檬汁或點過佢嘅醬汁情況就唔同哂！酥香中帶點清新！茄子豚肉味噌燒(HKD45)~一餐當中梗要食菜嘅！食得出當中用嘅豚肉係豬頸肉！而椰菜本身亦好爽口，茄子就吸哂啲味噌汁嘅味道！十分惹味！番茄义燒拉麵(HKD85)~同事點咗呢個，我試咗一啖湯，好似屋企煲嘅番茄薯仔湯呀！有家的味道！神海老沾汁麵(HKD128)~呢個都係同事點嘅！隻蝦好巨型呀！用嚟呃LIKE
又濕又凍，第一時間諗起要食熱辣辣嘅拉麵，就嚟咗口碑譽滿嘅神山！
和風蘋果沙律(HKD45)~落單時，侍應好貼心，同我地解釋咗個醬滲入咗芥末，初初以為係普通沙律醬，原來別有洞天！個沙律主要有蘋果、青瓜、火腿，另外仲灑上蟹籽同脆片，差唔多都係一啲爽脆嘅食材，估唔到可以一拍即合！大推！
神山湯餃子(HKD38)~煎餃子就食得多，湯餃子就真係第一次食！將煎完嘅餃子放落拉麵湯，個底仲會有菠菜同韮王！
唐揚豆池魚(HKD45)~池魚炸起顏色好靚，一客大概有8-9件，每件嘅SIZE大概一隻尾指嘅長度，剛好2啖食哂~炸粉唔厚，但喺咩汁都唔用嘅情況下有輕微腥味，始終係魚嘛！落咗檸檬汁或點過佢嘅醬汁情況就唔同哂！酥香中帶點清新！
茄子豚肉味噌燒(HKD45)~一餐當中梗要食菜嘅！食得出當中用嘅豚肉係豬頸肉！而椰菜本身亦好爽口，茄子就吸哂啲味噌汁嘅味道！十分惹味！
番茄义燒拉麵(HKD85)~同事點咗呢個，我試咗一啖湯，好似屋企煲嘅番茄薯仔湯呀！有家的味道！
[期間限定]神海老沾汁麵(HKD128)~呢個都係同事點嘅！隻蝦好巨型呀！用嚟呃LIKE一流！雖然$128對我嚟講覺得有點小貴，但咁大隻蝦估計成本都唔平喇！加埋巨蝦表面沾有微辣嘅醬汁！好開胃呀！而沾汁亦食得出有蝦嘅香味，唔通用蝦餚出嚟嘅！？
神山沾汁麵(HKD85)~我係穩陣派，自然會點神山嘅HERO ITEM喇~個亮點係重份量嘅格紋豚角！雖然，我知道好邪惡，不過都忍唔住將2件食哂落肚，真係燒到好香，口感軟滑唔黐牙！回味無窮！另外，佢係全隻溏心蛋，一咬落去蛋汁咇哂出嚟！滿足感大爆發！
张贴
