123
51
16
港铁观塘站 A2 出口, 步行约2分钟
继续阅读
电话号码
31481321
开饭介绍
来自东京的过江龙，沾汁面汤头用上豚骨、豚肉及鱼介等材料熬制超过12小时而成。小食方面则推介香港店限定的汤饺子。
继续阅读
营业时间
今日营业
11:00 - 00:00
食家推介
相关文章
因为友人想试下呢间东京人气沾面店，等位需时又唔耐，就黎试下呢间嘅沾面啦！两人被安排bar 枱座位自成一角都唔错！餐具都印有富士山🗻图案。呢个位置视觉效果都几好！杂果特饮 好饮嘅杂果宾治菠萝特饮唔会太甜，都几多菠萝果肉。和风苹果沙律$45食材新鲜爽口，味道开胃。将苹果、青瓜、火腿扒均切成粗条，配上蜜饯、粟米片、蟹子增加口感，酱汁系沙律酱带点wasabi ge调味。药膳鸡 $38有花雕香，但酒味唔浓。估唔到竟然会日本拉面店食到醉鸡。高菜叉烧小碗炒饭 $42呢度嘅炒饭系即叫即炒, 粒粒饭都俾蛋包裹到，主要有雪菜、叉烧，食落啖啖配料!神山汤饺子 $38第一次将煎过嘅饺子再放汤食，又真系另一种感觉！神山沾汁面$85面质粗身弹牙，唔会浆住一团，沾汁浓稠唔咸有鱼介粉，挂汁能力强。份量虽一人前，有两块激厚豚角，肥膏部分系爽口嘅，好惹味。好彩脂肪共享 概念一碗两人share岩岩好！
继续阅读
间唔中都会行吓观塘，有时都会食拉面，发现同一个位置的拉面店转咗格局，而且门外等候的人可真不少，所以按捺不住等埋一份。近门口的位置有一条长长的吧枱，旁边的就是方桌，部份仲有卡位设计。职员们的服务态度真系非常好，个个面露笑容，仲会即时递上餐牌，而且跟客人有交流。神海老沾汁面正值做紧限量推广，当然唔可以错过。神海老好大只，中间经已开边，酱汁酸酸甜甜，虾壳亦非常容易脱开，里面的肉非常厚和弹牙。沾面本身是带点硬，不过浸了沾汁之後，是外软内爽的。神山汤饺子外面煎得香口，而里面的馅料很软熟，索埋个汤更加入味，有点要跟他抢食呢~唐扬豆池鱼一条条炸池鱼，十分可爱。炸粉是超薄的，不过也会食得到脆脆的口感，而里面系热到喷烟，肉质是软绵绵的，用来佐酒或者伴特色饮品真系一流。讲到饮品，他点了杂果特饮，而我的就是菠萝特饮。里面的果肉都唔少，而冰唔太多，他那杯味道是甜甜的，而我的是甜中带酸。茄子披萨以茄子的外边做薄饼底，非常特别，加上薄饼的配料，味道是有少少辣，是惹味的一种。双色牛舌就是以不同方式去泡制牛舌，碗上的一边食到牛舌的原味，是很软身和香滑。而另一边以酱汁调制，牛舌索咗不少酱汁，更突显牛舌的 juicy。
继续阅读
香港人爱吃日本拉面，所以无论海外来港或本地品牌都有捧场客，现在连日本沾面都开始热起来！！今天得意和家人来到位於观塘apm的<神山拉面>一嚐美味沾面杂果特饮（左），菠萝特饮（右）炎炎夏日当然要先来两杯冰冻特饮杂果特饮是味道甜甜的fruit punch，菠萝特饮汁酸酸甜甜满满的菠萝味，好饮又解渴。<和风苹果沙律>绝对是喜出望外的沙律！有大量的苹果粗条，每条都轻轻沾有带有蟹子的沙律轻汁，再加上面头撒上粟米脆片和提子乾以增加口感，非常好吃。<药膳鸡>又是令人喜出望外的一道冷盘，带有淡淡的酒香呢厚切的鸡件非常嫩滑而且充满骨胶原的感觉，超正<唐扬豆池鱼>短小而肥嘟嘟的豆池鱼经唐扬後外层很松化但又不会乾争争，成条连骨都可以食埋，钙质丰富。<神山汤饺子>老公很喜欢吃饺子，无论是煎饺还是汤饺。这个汤饺子有着浓浓的汤汁浸着，非常惹味。<神海老沾汁面>终於来到戏肉！！！海老沾汁面一放低已经香气四溢，虾味浓郁。肉质弹牙的巨虾差唔多有成只碗咁大只！！沾面汤汁亦不容小看，质地超浓厚，味道浓郁，充满虾膏香，鲜！甜！甘！美！爽滑弹牙的沾面浸入浓浓的汤汁中，绝对是无比的享受。溏心蛋亦不容小看，有图有真相，溏心的程度破表。<神山沾汁面>爱好肉类的老公选了神山沾汁面。上台的时候我们都被那两旧大大旧的烤肉吓了一跳。肥瘦相间的巨型五花腩经火烤後带有微微的烧烤香气，感觉上没那般油腻，而且肉汁非常香滑，非常邪恶。沾面汁同样非常浓厚，可以紧紧的挂着爽滑弹牙的沾面上，味道比较浓郁，适合喜爱重口味啲朋友来。
继续阅读
观塘嘅APM最近开咗间来自日本过江龙嘅Jim面店，叫神山面屋。以前呢个铺位都系不同拉面店嘅聚脚地，今次亦都唔例外。平时拉面店都系只有拉面同埋饺子等小食，比较惊喜就系呢一间嘅小食种类都非常之多。和风苹果沙律加入左爽脆的青瓜，玉子，份量好多而且又开胃。唐扬豆池鱼炸得香脆的小鱼最啱趁热食，有杯啤酒就最好啦双色牛舌一冻一热，冻食牛舌系厚切，普通加上少少酸甜嘅沙律醋，热就是薄切比较重的酸甜。神山汤饺子鱼介的汤头加左饺子，未食面之前就有得暖下胃。饺子只包子菜和猪肉，简单但好满足。铺在底的菠菜吸哂汤汁，记得食埋！期间限定四只字从来都系吸引我嘅原因，今次亦都一样，叫左一个神之海老沾面。称为神，相信无论份量同味道都一定同其他虾差天共地。上台之後简直就系惊喜，虽然得一只虾但超级大只。入口虾肉弹牙，分量十足。沾汤几时都系一碗沾面嘅灵魂，汤头用咗虾壳同埋虾膏而煲，入口香浓鲜味十足。令人好想再食！而且汤底好热，不用担心会像食冷面的感觉。放置室温底下的面质粗身为主，但系入口都系弹牙，有少少烟韧而且挂汤力强，每一啖面都充分沾上虾汤，一大享受。溏心蛋好入味，金黄色蛋浆令人流哂口水。食完沾面後记得叫店员添汤，可以饮埋沾面个汤，试下另一种食法。不过因为太浓，我饮左几啖就放弃$128绝对值得比！总括来说，过江龙的名字会令人有十足期望，幸好神山没有令人跌眼镜。性价比十分高，不说这个限定出品，大部分面都是八十几蚊就食到。除左小食之外，主角的沾面都令人惊喜。期间限定三个月会再转一次，到时再睇下有咩新出品先！
继续阅读
第一次食沾面，朋友话呢间「神山」超好食！见到等位排队就知好得！叫左唐扬豆池鱼🐟肉质鲜甜，条条都炸到金黄色，但又唔会有油腻感，配左柠檬汁同特制酱汁，同豆池鱼味道好夹，食落有d似多春鱼嘅口感，必食item👍🏼👍🏼神山汤饺子🥟 饺子煎到脆脆地，咬落肉汁丰富，豚骨汤底浓郁 茄子披萨🍆🍕茄子上面布满芝士，酱汁有少少蕃茄同辣味，消除左茄子嘅油腻感，口感同味道新颖，值得一试👍🏼冲绳风味豚肉🐖慢火炆煮左4至5个钟，猪手超淋又入味，啖啖骨胶原，加上芥末又有另一番风味，不单主角精彩，配角萝卜都好精彩，又系超淋且入味，两者都有入口即溶嘅感觉。神山沾汁面🐷🍜汤底食落有浓郁嘅猪骨味，有鱼介同酱油味。面质口感弹牙，面条上面有坑纹，做到挂汤👍🏼。叉烧又系诚意之作，慢煮12小时，入口即溶，加上表面烧到焦焦地，食到酱汁嘅甜味。神海老沾汁面🦐🍜虾非常之大只，十分鲜甜，唔会煮到过熟，口感弹牙，外面布满蒜蓉同少少辣椒，非常滋味。汤底充满住浓郁嘅虾味，面条口感一样弹牙，上面嘅坑纹做到挂汤效果，令到每条面条都充满住香浓嘅虾味👍🏼菠萝特饮🍍 杂果特饮🍹 非常足料 ！
继续阅读
你可能会有兴趣的...