心夜來潮 (已結業)

前幾晚心血來潮好想同好朋友一齊食潮州菜就上咗個apps"開飯"搜尋一下屋企附近有咩潮州菜館好食呢... "開飯"食評比較多食評同讚好的就係依間叫"心夜來潮"的潮州菜館, 由於見綱上提供餐廳的環境相片和提及食物的質素, 都不錯, 所以我同好朋友都決定今次去呢間菜館試一試便知龍與鳳！由於小弟平時做開運動行慣山, 一去到舗頭地下就要行兩層樓(幾十級樓梯)先至進入到這間菜館, 就知道自己幾有腳骨力。言歸正傳: 上到鋪頭正門就有侍應問我哋幾多位後帶我哋入座位, 繼而遞上菜譜比我們點菜這一點真的值得一讚, 一開菜譜就已經令到我眼花繚亂, 菜譜的餸菜太多太過啱我口味, 所以揀咗好耐先至揀咗四個餸菜。首先叫咗個"黃金蛋黃炒秋葵"是用蛋黃鮮炸秋葵, 除咗有蛋黃金香味之外仲有爽口嘅秋葵令到我食唔停口, 第二個餸叫做"傳統鴨蛋煎蠔烙"顧名思義就係鴨蛋煎蠔餅, 食落口感比一般雞蛋煎蠔餅更加鬆脆彈牙, 鴨蛋煎蠔餅真係一絕。第三個餸就係"秘製花膠豬手墨魚腩煲"這個餸就由一個陶瓷器皿加上木板熱辣辣送上, 小弟最鍾意食花膠同埋墨魚加上豬手嘅肉汁濃郁美味可口味道恰到好處, 到最後大家諗住叫一個"白果胡椒豬肚湯"可能因為