Boholic

营业中

休息中

呢間位於長沙灣既多國菜文青Cafe，帶波希米亞風，暖色佈置，感覺好舒服，而且勁多打卡位。Set Dinner for Two蜜桃巴馬火腿水牛芝士沙律伴白桃油醋汁：沙律菜新鮮爽脆，加埋甜美多汁既蜜桃及大大塊既巴馬火腿，配上特別既白桃油醋汁，感覺健康又開胃。手拆蟹肉蟹膏糍粑：啖啖蟹肉蟹膏和三文魚子，鋪滿在煙韌既糍粑上面，口感層次好豐富。是日餐湯係南瓜忌廉湯，每一口都有濃濃既南瓜香味，非常可口。白酒牛油煮西班牙辣肉腸魷魚意大利麵：咸香既辣肉腸，魷魚夠爽口，意大利麵用左扁麵，煮得軟硬適中，味道恰到好處。法式紅酒燴美國羊膝：羊膝巨型大隻，賣相吸引，煮得夠腍又入味，配菜有翠玉瓜、薯仔粒、蕃茄仔，配埋蜜糖芥末醬，好惹味。總結，餐廳位置方便，店員有禮貌，食物擺盤精緻，配搭特別，令人喜出望外。