粗菜館

营业中

休息中

今日同老公經過九龍城，見到聞明己久嘅粗菜館，當然要入去試下，門口位置那玻璃廚房內那些明火爐灶上放滿一煲煲老火湯，今日精選的蓮藕章魚豬骨湯，正合我們心意😋粉嫩的蓮藕和章魚的鮮味，完全融入湯底，老公飲第一啖就讚，這先至叫功夫湯👍廚師推介招牌菜「炒豬雜」鑊氣十足，火喉控制得就得非常好，豬潤爽脆帶焦香，粉腸彈牙無異味與豬肚炒埋一齊都冇違和相當出色。另一道「薑蔥魚腩」，外表炸得金黃酥脆，將爆炒過的薑蔥味道逼入魚腩裏面混著魚油香，同一般酒樓淋汁做法完全兩回事。「XO醬蝦球炒勝瓜」更見心思，自家製XO醬鹹鮮中帶微辣，蝦球爽脆得嘅彈牙，勝瓜吸盡醬汁依然清甜。「招牌豬油渣炒飯」，炒得粒粒分明，啖啖豬油香，一定要試。埋單時老公笑住話：「呢餐飯由頭到尾都冇冷場！」果然街坊老字號嘅功力，就暗藏呢啲實而不華嘅鑊氣裡。