秋田鐵板燒刺身專門店

营业中

休息中

鐵板燒通常都好貴，但係呢間自己覺得唔錯，每人唔洗過千就可以食到各類海鮮同肉類。鐵板燒師傅每次最多招呼三組食客，呢個設計唔錯，有時太多陌生人係隔離，傾偈大聲啲都唔係咁方便。前菜係沙律同鵝肝蒸蛋，蒸蛋幾嫩滑，而且面層鋪滿魚籽成個感覺高級晒。之後就開始食海鮮，超鍾意食呢個龍蝦 😍 因為用返蝦頭啲蝦膏去整個醬汁，新鮮龍蝦肉質同味道真係冇得頂。食完龍蝦就到鲍鱼、元貝、鵝肝，活鮑魚肉質勁嫩口一啲都唔韌，鵝肝雖然入口即化，不過味道就爭少少，油脂味唔夠濃郁。套餐肉類係和牛，不過朋友戒咗牛肉，餐廳都可以不用加錢轉做黑豚，呢個服務抵讚，而且份量都好多。炒飯香噴噴落咗好櫻花蝦同其他配料，龍蝦湯就用咗之前個龍蝦頭煮成，味道清清甜甜。最後鐵板燒師傅臨走時，係鐵板 show 下功架，寫上祝福語比各位顧客，呢個自發性行為都幾窩心。