三原 (已搬遷) 新店位置

將軍澳的鐵板燒店，食材都幾新鮮既但唔係最高級，好食不過不失但沒有太大驚喜，新界區來說定價較為進取。$880午市鐵板燒餐包沙津、日本蒸蛋、甜品。「香煎北海道帶子」簡單用牛油煎香，半生熟好食既。「波士頓龍蝦配龍蝦汁」龍蝦新鮮彈牙，自身鮮味突出，可惜龍蝦汁唔夠濃，沒有預期中的龍蝦味。「香煎南非鮑魚配海膽牛油醬」非常新鮮的大鮑魚，鮮味爽口彈牙，煮得啱啱好。個醬汁牛油太重，配鮑魚肝食更好味。「宮崎A5和牛西冷」日本和牛一貫都是重脂肪，有豐富油花入口即溶，配岩鹽同黑椒已經好食。「蒜蓉炒飯」師傅特別煎到一面飯焦，微脆香口，但蒜蓉味沒想像中突出，只有蔥和蒜蓉味道上有一點點寡，飯亦可以炒得更分明，有少少黏。「豆腐雪糕配蘋果班戟做甜品」蘋果班戟好似係生日送的。