古今二 (觀塘工業中心)

营业中

休息中

今日突然間想食日本野，於是搵咗觀塘既呢間新派日本菜試試。就睇個名都睇唔出原來啲菜式係咁創新，好過成日食魚生壽司咁悶。一坐低我地就俾個好有氣勢既"龍捲風沙律"吸引住，入面除咗有生菜之外仲有大量沙律醬蟹柳絲同埋中華沙律，撈埋一齊食口感好豐富，亦有少少辣味，真係好開胃，特別係呢啲咁熱既天氣，呢一個沙律真係必食！跟住我地都嗌咗佢地特色既卷物：金龍卷同埋煙花。金龍卷有芝士，炸蝦同埋三文魚，真係估唔到呢三樣野可以咁夾，一啖食落去脆脆地又有三文魚既鮮味，幾種唔同口感都幾特別。煙花就有辣味三文魚同吞拿魚同一啲脆片，本身兩種魚都係我地既至愛，但如果就咁食個口感就會有啲單調，點知佢地諗到加少少脆片落去，成個口感唔同晒，鮮得嚟亦都有唔同既層次。嚟得呢間餐廳又點可以淨係試佢地啲卷物呢，佢地既燒物都好創新。我地嗌咗個黑豚荔枝串燒同燒茄子。真係冇諗過原來荔枝都可以同豬肉一齊燒😂一啖食落去入面有爆汁既感覺，同時荔枝既甜味都同豬肉好夾，真係唔錯。茄子燒都唔簡單，上面加咗啲櫻花蝦同燒汁，同我地平時掃街既燒茄子味道完全唔同，甜甜地都幾好食！最後我地仲嗌咗個三文魚頭湯鍋，成個湯好鮮甜，我地將啲湯全部都飲晒😂好滿足。呢一間餐