鬼金棒

营业中

休息中

麻辣過江龍日式拉麵！聽講呢間拉麵店好有名氣，經常要大排長龍。不過星期六下午嚟到，竟然唔使排隊。入到去，我哋坐吧枱，自己數QR code選擇食物落單。拉麵種類唔多，多數係辣麻味噌拉麵加其他配料。味玉辣麻味噌拉麵$100炒豆芽菜辣麻味噌拉麵$100- 其實兩款拉麵只不過係一碗多咗隻糖心蛋，一碗多啲豆芽菜。我哋都揀咗小辣小麻，點單之後過咗幾分鐘就有得食。拉麵煮得偏軟，但都掛到湯。湯底有啲麻麻哋嘅味道，好特別，不過油膩左啲。值得一讚嘅係糖心蛋同叉燒都好好食，叉燒係五花腩肉，肥瘦適中，醃得好入味，如果可以切大舊啲就好啦。不過$100一碗日式拉麵，又唔係好大碗，對我來講定價偏高，可能會半年先來幫襯一次。