黑麥 (已結業)

呢次係第三次光顧黑麥了~當晚放工約左舊同事H飯聚, H話想食美味pasta~ 我第一時間就諗起黑麥~點左我最鍾意0既蕃茄乾西班牙辣肉腸扁意粉,又點左芝士南瓜意大利飯, 再加錢轉餐(加沙律&餐飲)share 食~凱撒沙律-雖然除左菜之外冇乜料,但係係一個唔錯0既appetizer, 夠清淡開胃~ 麵包籃-每次都附上唔同0既醬用0黎"查"麵包, 今次係有淡淡士多啤梨味0既醬, 幾得意~蕃茄乾西班牙辣肉腸扁意粉- 西班牙辣肉腸一貫實實淨淨的, 而且味道偏鹹, 相信唔係個個都鍾意佢, 但個人就覺得好有特色~ 扁意粉都keep 住Al Dente~芝士南瓜意大利飯-第一次試, 甜甜的南瓜味同芝士配合得唔錯好香濃, 飯粒煙韌有咬口~不過由於比較濃同"杰", 食食下會覺得有d"濟"...可能當時因為時候尚早, 店內客人唔多, 簡約小店格外寧靜舒服~