影片
更多
2024-05-27
17 浏览
銅鑼灣樓上超有格調fusion菜☺️-喺OpenRice見到呢間啲嘢食好吸引，最近又想食fusion菜，所以今日就嚟試吓呢一間意大利同日本嘅fusion菜🫡-🦞Uni Lobster Bisque Arancini ($228)呢道前菜賣相真係好精緻，食落去外脆內軟，裏面係龍蝦湯意大利飯同埋芝士，表面仲有好多新鮮嘅海膽，食落完全冇腥味，而且海膽令到龍蝦湯嘅鮮味提升咗一個層次，海膽下面嘅酸忌廉令到味道更加有層次，真係超級推介大家試吓😍🍟Truffle Fries ($108)薯條炸得好脆，而且配上佢哋自家製嘅松露醬汁同埋黑蒜油仲有芝士，好香口好送酒之餘仲好惹味，而且仲要食極都唔會覺得好油膩，份量都好大，好值得一試🥰🦀Drunken Crab Pasta ($228)staff同我哋講呢個意粉用咗紹興酒、蜆湯同埋雞油調味，所以鮮味好出，另外佢哋嘅蟹肉都好足料，意粉嘅口感好好，唔會太淋，配上炸蒜會更加香口🥹不過食到最後略嫌有少少鹹，如果口味比較清淡嘅可能其他主食會啱口味啲😙🐂Crispy Short Rib ($268)真係好似菜名講咁樣，牛坑腩嘅嘅口感外脆內軟好特別，配上開胃提味嘅紅酒汁，更
-
喺OpenRice見到呢間啲嘢食好吸引，最近又想食fusion菜，所以今日就嚟試吓呢一間意大利同日本嘅fusion菜🫡
-
🦞Uni Lobster Bisque Arancini ($228)
呢道前菜賣相真係好精緻，食落去外脆內軟，裏面係龍蝦湯意大利飯同埋芝士，表面仲有好多新鮮嘅海膽，食落完全冇腥味，而且海膽令到龍蝦湯嘅鮮味提升咗一個層次，海膽下面嘅酸忌廉令到味道更加有層次，真係超級推介大家試吓😍
🍟Truffle Fries ($108)
薯條炸得好脆，而且配上佢哋自家製嘅松露醬汁同埋黑蒜油仲有芝士，好香口好送酒之餘仲好惹味，而且仲要食極都唔會覺得好油膩，份量都好大，好值得一試🥰
🦀Drunken Crab Pasta ($228)
staff同我哋講呢個意粉用咗紹興酒、蜆湯同埋雞油調味，所以鮮味好出，另外佢哋嘅蟹肉都好足料，意粉嘅口感好好，唔會太淋，配上炸蒜會更加香口🥹
不過食到最後略嫌有少少鹹，如果口味比較清淡嘅可能其他主食會啱口味啲😙
🐂Crispy Short Rib ($268)
真係好似菜名講咁樣，牛坑腩嘅嘅口感外脆內軟好特別，配上開胃提味嘅紅酒汁，更加令到牛腩味昇華🫡
另外肉嘅肥瘦比例啱啱好，唔會太多瘦肉令到口感好嚡，亦都唔會太多肥肉令到味道好膩，配上口感絲滑嘅忌廉牛油薯蓉，食落真係好滿足😋
🍸Genmaicha ($120)
呢杯係佢哋其中一杯signature cocktail，裏面有gin、玄米茶梳打同埋冬瓜茶黑糖漿，飲落味道好特別，氣泡好細膩，感覺好清爽，而且玄米茶嘅味道好出，亦都意外地同gin幾夾，飲落有少少後勁，但係都好容易入口🤣
值得一讚嘅係杯上面嘅玄米茶米通真係好好食🤣🤣
🥥Coco-melonade ($78)
呢杯係佢哋嘅特調mocktail，面頭係口感綿密嘅茉莉茶foam，另外仲加咗啲檸檬皮增添香氣，椰青水嘅味道好出，而且同蜜瓜都好夾，啱晒夏天飲🥰
餐廳樓底好高，裝修好精緻，座位亦都好寬敞同埋舒服，氣氛好好感覺好chill，服務亦都好好，職員會好親切咁同我哋介紹唔同嘅菜式，同埋佢哋依家做緊飲品買一送一優惠，真係幾抵，好推薦大家同三五知己嚟飲番杯或者過嚟慶祝🥂
味道 9/10
服務 9.5/10
環境 9.5/10
回頭率9/10
總評 9.25/10😋🤍
人均消費 $578💰
-
📍 Ciclo
銅鑼灣霎東街15-21號Oliv 4樓
#米食銅鑼灣 #米食fusion菜 #米食日本菜 #米食意大利菜 #銅鑼灣美食 #米飲酒 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳
张贴
