影片
港铁铜锣湾站 A 出口, 步行约2分钟
继续阅读
电话号码
55010697
开饭介绍
菜肴融合意大利和日本风味，如独特的花雕鸡油蟹肉墨汁意粉也适合配鸡尾酒；装潢以黑色为主题，型格又充满现代感，适合约会、聚餐及派对活动。
继续阅读
营业时间
今日营业
17:00 - 01:00
星期一
17:00 - 01:00
星期二至四
17:30 - 01:00
星期五至六
17:30 - 03:00
星期日
全日休息
公众假期
17:30 - 03:00
以上资料只供参考，请与餐厅确认详情
有关奖赏计划
影片
相片
TUNA TARTARE
+3.2K
+229
食家推介
话说铜锣湾真系咩都有，但要揾一间够静、够型、够有创意嘅餐厅，其实唔多。Ciclo就系其中一间我觉得真心值回票价、连环打中我心嘅惊喜之地。一上到Oliv大厦4楼，电梯门打开嘅瞬间已经觉得自己走咗入戏剧场景——水泥灰墙、木色元素、柔光吊灯加上层次感十足嘅空间设计，低调中见精致，好有调子。整体环境比想像中静得多，啱晒想远离铜锣湾人潮、静静食好嘢倾心事嘅人。👨🏻🍳 服务｜恰到好处的专业与温柔Ciclo嘅职员训练得非常好，唔会太多干预，但当你眼神一望过去，即刻就会出现喺你身边。介绍cocktail𠮶阵讲得好有热诚，听得出佢哋真系了解自己餐牌，唔系背稿式。整体节奏非常顺，令人放松，觉得自己系被好好招待紧。🍴 味蕾部分正式开始——每道都令人眼前一亮：🔸 Tuna Tartare（$138）呢个系我全晚嘅Top 3之一。吞拿鱼切得够细致，鱼味新鲜，伴碟竟然用咗「Koon Yick华人辣椒酱」，真系冇谂过呢个「港味」可以咁好衬！加埋牛油果蓉、脆卜卜Nori Crisp，口感层次丰富，有辣、有滑、有脆，一啖落肚真系满足。🔸 Drunken Crab Pasta（$258）墨汁意粉配醉蟹——创意已经够分，实际味道仲更惊喜。酒香渗透蟹肉，每条面都挂满精华，唔会抢味，反而提升咗海鲜嘅清甜。上面洒咗炸蒜片，画龙点睛。🔸 Crispy Beef Short Rib（$298）啲牛肋排煮得好松化，外层微微香脆，里面保持肉汁。配埋creamy得嚟唔滞嘅薯蓉同酱汁，咸香平衡得好好，完全系comfort food但高级版。呢个系「唔系牛迷都会爱上」𠮶种菜式。🔸 甜品：Roselle Cherry Chocolate Tart（$118）卖相靓到唔舍得食，真系艺术品级数。花瓣、啫喱、忌廉点缀得恰到好处，朱古力塔嘅甜度岩岩好，带少少洛神花嘅酸香，平衡得嚟又富层次，系一个温柔而完整嘅句号。🍸 Cocktails：Genmaicha & Shiso（$128/杯）Ciclo嘅Signature Cocktails一睇Menu就知道唔系行货。Genmaicha𠮶杯有淡淡炒米茶香味，加埋冬瓜糖浆，清爽又有特色。Shiso就带住紫苏叶清香，混咗Elderflower syrup，甜中带草本，两杯都好适合女生饮，唔会over又好易入口。💬 总结：唔系打卡餐厅，系会想一来再来嘅地方。Ciclo唔单止有设计感，重点系食物有水准、有创意但又唔浮夸，食得出用心。价钱中上但完全值得，系一间可以放心带朋友、拍拖或者想chill一晚嘅理想之选。环境够私密，服务又贴心，食物认真出色。📸 IG Worthy ✔️｜📍位置方便 ✔️｜💬 情绪舒压 ✔️｜🥂 食物同Cocktail都唔中伏 ✔️下次想静静食返餐好嘢，真心可以考虑再book返转头🥰
继续阅读
这是一间隐藏在闹市中的楼上小酒馆。大厦入口跟餐厅一样以黑为主调，不留神就会错过门口，因此上来的人都是朝著特定目标而来。有酒就一定有食物。虽说菜单上酒水比食物选择多，但少而精，精心设计把平民味道融合在西餐中。简单的吞拿鱼他他，用了香港老字号辣油取代生洋葱的辛，充分发挥本地食材特色。附上黑白米纸可以配搭来吃，两者是炸紫菜和樱花虾口味。也因为有牛油果酱中和辣味，不能吃辣的人也能接受。朋友话意粉好味，于是分别点了味噌宽条面和花雕蟹肉墨鱼汁意面。超宽的Pappardelle是鲜制手工意粉，蛋黄色的面条不止弹，口感非常滑。两三只手指阔的面条十分挂汁，味噌与mature cheese混和的酱汁竟变出类似蓝芝士的味道来。意日融合别有风味，芝士控必试。食到后段稍有厌感，试著拌匀水牛软芝士，creamy得来亦会淡轻mature cheese的味道。虽然意粉看似份量不多，但其浓厚的味道及面的筋性，都会令人饱足。以花雕酒调味的墨鱼汁意粉，突出两种海鲜的鲜。蟹肉与蟹膏浓郁风味与酒香融合，味道自然。加上炸蒜片，愈吃愈有风味。面条来说宽带面比较有𡁻感，而味道就是这款更为出色，我和朋友各有喜好。整晚下来，偏暗的环境让人放松，I人都可以好好放松。Happy hour内多款house wine有折扣，约是六折。除了红白酒外，连prosecco gin whiskey也是特价对像。但Ciclo最出色的还是自家创作的signature cocktail，酒鬼饮得尽兴。
继续阅读
最近去咗铜锣湾一间楼上餐厅，装修几特别而且气氛舒服。价位中等，嘢食质素都唔错，分享吓我𠮶日食嘅嘢~-🐟 Tuna Tartare ($138)吞拿鱼肉味道带少少微辣，非常开胃。牛油果酱嘅味道浓郁但唔会抢过鱼本身嘅鲜味，加埋紫菜脆片同脆米饼，咬落去多咗一层脆卜卜嘅口感，加分不少。最后再加少少冠益华记辣酱，辣味更加突出，系全场其中一个最推荐嘅菜式！ 🍟 Truffle Fries ($118)呢款薯条就系简单但好味嘅代表。薯条炸得外脆内软，份量足够，香气都好浓郁。最特别系佢配嘅酱汁，有松露香醋、烧蒜油同24个月熟成巴马臣芝士，点住食真系一啖接一啖停唔到口🫡🍝 Pappardelle with Burnt Spinach Cream ($228)宽条意粉煮得烟韧，菠菜酱系用烧香嘅方式处理，带有微微嘅焦香味，几特别😘配料有羊肚菌同水牛芝士，丰富咗整体嘅口感同浓郁度。呢道菜味道偏重，但好啱钟意creamy pasta嘅人，完全唔会失望😆🍸 Koko Ringo ($128)呢杯cocktail系用琴酒、罗勒、班兰叶、青柠调制而成，顶层仲有一层椰子慕丝。入口清新，有青柠带出嘅微酸，配埋罗勒同班兰叶嘅草本香气，味道几有层次。椰子慕丝增加咗少少creamy感，但唔会太甜腻，饮完好解渴。整体嚟讲，Ciclo嘅菜式设计得有心思，味道同质素都几稳定，cocktail亦有几款饮得出心机。呢间餐厅适合约朋友聚餐，环境舒服，价钱亦唔算太高，值得一试！
继续阅读
第一次嚟呢间餐厅食饭原来都好旺场 建议预先订座🤌🏻偏暗嘅灯光营造浪漫氛围🖤🤍🩶十分之适合约会庆生或者同闺蜜倾偈🙊煮食拣咗佢哋招牌嘅𝑩𝒆𝒆𝒇 𝒔𝒉𝒐𝒓𝒕 𝒓𝒊𝒃!!外面脆 里面又入晒味🤭🤭连配菜薯蓉都好好食！值得试🤗另外一款花雕蟹肉意粉都完全冇失望！意粉煮得弹牙系基本 蟹肉份量都足够捞匀黎食 最钟意系花雕酒味香浓！啱晒酒鬼🤭🤭仔细睇餐牌，原来仲加入咗鸡油 难怪香气扑鼻！黎到当然要叫翻两杯𝑪𝒐𝒄𝒌𝒕𝒂𝒊𝒍品尝下🤭🤭有选择困难的朋友可以直接叫侍应推介喔😛🤪▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 𝑪𝒓𝒊𝒔𝒑𝒚 𝑺𝒉𝒐𝒓𝒕 𝑹𝒊𝒃 ($𝟐𝟔𝟖)❀𝑫𝒓𝒖𝒏𝒌𝒆𝒏 𝑪𝒓𝒂𝒃 𝑷𝒂𝒔𝒕𝒂 ($𝟐𝟓𝟖)❀𝑲𝒐𝒌𝒐 𝑹𝒊𝒏𝒈𝒐 ($𝟏𝟐𝟖)❀𝑩𝒂𝒐 𝑮𝒖𝒌 ($𝟏𝟐𝟖)⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰全部10分为满分✨ღ味道：9.5ღ环境：9.5ღ性价比：8ღ回头再食机会: 8.5
继续阅读
今日同朋友去左铜锣湾楼上嘅意大利菜Fusion餐厅 Ciclo食晚饭，餐厅就系地铁站附近，非常就脚。前菜叫左Icura Lobster Arancini 龙虾炸饭团Lobster Risotto 配上mozzarella同 sour cream， 芝士有拉丝，味道浓郁。香脆嘅外皮配上三文鱼籽，食落更有口感。主菜Crispy Beef Short Rib 牛小排酱汁用 山楂汁夹青酱 青酱淡香配埋山楂汁嘅酸甜好啱配肉类。牛小排熟成度啱啱好，肉质嫰滑之余，油脂分布都啱啱好。烧牛油薯蓉好出色，带有牛油香味但食落一d都唔腻。质感幼滑绵密，配上肉汁味道天香浓。野饮叫左一杯Golden Hour由几种唔同嘅酒 Gin, Whiskey, 麝香葡萄酒，白酒 制成嘅cocktail, 入口酒味浓烈，饮落干身，余香带少少甜味。餐厅气氛几好，幽暗黑灰调好舒服，餐枱之间都有d距离好好放松，同朋友倾下计。店员都好nice，需要推荐都可以问下店员介绍下menu。
继续阅读