金子半之助 (利東街)

营业中

休息中

金子半之助迷你天丼 & 稻庭烏冬迷你天丼棉密日本米飯上擺滿咗多種天婦羅，菇菌、海老、南瓜、海苔、清脆嘅莢豌豆同溫泉蛋。天婦羅脆炸後保留甜味，加上秘製醬汁，每一口都充滿豐富嘅口感同香脆鮮美滋味。稻庭烏冬麵條富有彈性，口感溫暖舒服。湯頭清爽，帶有海鮮嘅香味，令人胃口大開。烏冬上嘅配料亦相當豐富，以精緻木盒喺你面前按你喜好添加，當中有鰹魚花、蔥花、海藻、天婦羅碎同溫泉蛋，非常有儀式感。江戶前天丼江戶前天丼最搶鏡嘅係穴子，充滿氣勢咁打橫閣喺天丼上。穴子即星鰻，但脂肪較少，口感緊實。海老天婦羅保留鮮甜，啖啖肉。酥脆嘅小柱魷魚天婦羅餅口感新鮮彈牙。加上滿滿海洋風味嘅海苔，爽口嘅莢豌豆同柔滑質感嘅溫泉蛋點綴，令天丼嘅層次感更加豐富。