金子半之助 (利東街)

週五收工後，同女朋友約咗去利東街周邊食嘢relax下，揀咗呢間日式小館。店舖環境幾好，裝潢簡約日式風，座位算寬敞，唔會覺得擠迫，適合邊食邊聊天，氣氛好chill。仲有個小驚喜，果汁加13蚊就可以享受果汁放題，無限暢飲新鮮果汁，超抵食！今晚試咗幾款菜式，從沙律到烏冬、天丼，每樣都好有心思。半生熟烤牛肉沙律呢個沙律真是一個好開胃嘅選擇！牛肉係半生熟，肉質鮮嫩多汁，切薄片配上沙律菜，脆生生嘅生菜同紅蘿蔔絲好解膩。醬汁係日式風味，微微酸甜，淋上去完全襯托牛肉嘅鮮味，食落好平衡，唔會太重口，適合當小食開胃。半之助沙律原來「半之助沙律」係用蝦肉做主角，蝦仁新鮮彈牙，煮得恰到好處，表面鋪有海藻，增添咗脆脆嘅口感同淡淡嘅海洋香。沙律基底係清爽嘅綠葉菜，配上輕盈嘅日式醬油味，食落好輕盈，蝦肉嘅甜味同海藻嘅鮮味互相提升，絕對係一個清新嘅健康選擇，尤其適合夏天食。稻庭烏冬（咖喱）稻庭烏冬本來以為只係普通粉麵，但一上枱就發現好有驚喜！烏冬條彈牙有勁，湯底濃郁鮮美，原來可以自己加好多小料如蔥花、裙帶菜之類，調配出個人風味。咖喱版特別有心思，咖喱醬濃而不辣，將烏冬撈埋咖喱醬一齊，食落好特別，咖喱嘅暖香同烏冬嘅滑溜完美融合，湯汁吸晒入麵條，一碗食到飽足又唔會覺得單調。獺祭雪糕呢個雪糕係今晚嘅亮點！獺祭清酒雪糕有好濃郁嘅牛奶味，奶香滑順得像雲朵咁，入口即化，甜度適中。淡淡嘅清酒香氣喺尾韻浮現，唔會太烈，但夠晒清新，感覺好高雅。雪糕質地細膩，唔會有冰粒，食落好療癒。穴子＆日本產牡蠣天丼「穴子」原來係一種鰻魚（穴子鰻），招牌穴子天婦羅長達30cm, 超厚肉身, 肥美軟滑值回票價！穴子鰻炸得外皮酥脆，內裡嫩滑多汁，配上新鮮日本產牡蠣，牡蠣肉肥美帶海鮮鮮味，兩樣一齊天婦羅炸，金子半之助採用日本特製高級胡麻油, 胡麻油製成的天婦羅芳香撲鼻及色澤會較深。香脆得不得了。白飯熱辣辣，戳開蛋液同飯拌勻，再澆上甜鹹醬汁，蛋香同鰻魚油脂混埋一鑊，食落好滿足，汁水滲入每粒飯，簡單但正到爆，絕對係主菜嘅王道。總結呢間利東街日式小館真是一個週五放鬆嘅好去處，環境舒適，果汁放題仲加分，食物質素高，每樣菜都好有層次，從清爽沙律到濃郁天丼，滿足晒我哋嘅口腹之慾。價錢合理，適合情侶或朋友小聚，下次一定要再嚟試吓其他款式，強烈推介！…查看更多

每隔兩三個月，我都去"金子半之助"食佢地既天丼🍤🍚，餐廳所製作既天婦羅係即叫即炸，粉漿薄身，入口又脆，果真係日本人氣天丼專門店👍🏻雖然係開放式廚房，但入到鋪裏面完全不覺油煙味🤗💥穴子&日本牡蠣天丼✨原條穴子跟筷子一樣長炸到色澤金黃，外脆內軟。超厚魚肉，肥美軟滑，比起鰻魚肉身更結實，魚既鮮味亦較明顯，非常適合炮製天婦羅✨牡蠣口感紮實而彈牙，炸後蠔味更加濃厚，嫩滑鮮甜，一粒炸蠔真係不太夠喉，最後要追加多粒!!✨再配埋特大赤海蝦、小柱魷魚、海苔及莢豌豆的天婦羅，各款外層都酥脆蓬鬆，而且保持鮮嫩多汁，令人回味! 還有白飯吸收了天婦羅的精華，加上古早秘傳醬汁，完美融合，真係令人陶醉💥穴子迷你丼&北海道稻庭烏冬(冷)✨迷你穴子丼份量唔算多，但卻充滿咗驚喜！首先丼碗好精緻，取源於江戶時代陶瓷工藝，碗底製造成空心設計，咁可以令碗中食物保持溫度，果真細心✨穴子鋪滿燒汁，非常入味，燒過後肉質柔軟，與日本白飯一齊食，是只完美既補充💥北海道產稻庭烏冬（冷）✨烏冬拉得細緻順滑，口感煙韌，配清淡嘅醬汁，加上蔥絲及芥辣，帶來一點清新感🌟唔止炸蠔追加，連溫泉蛋都要! 食到白飯一半，就將追加既流心蛋吉破連同天婦羅醬汁一齊撈埋碗日本白飯一齊食，真係一啖一啖食晒成飯，真心惹味!!!🔥套餐加$13有果汁放題，有芒果綠茶、巨鋒烏龍茶及菠蘿雜果汁，三款不錯選擇，因為不太甜，飯後飲可消滯!每次黎都好似第一次咁有驚喜，Keep到水準!…查看更多

今次喺灣仔撞正日本「天丼金賞」連續八年霸主，點可以唔試？餐廳主打江戶前天丼，傳承自江戶時代嘅秘方同手藝，聽落已經令人垂涎三尺！一踏入餐廳，簡約日式嘅裝潢即刻畀人舒心嘅感覺，木系色調配上柔和燈光，環境乾淨企理，坐得舒舒服服，啱晒同朋友輕鬆聚餐。店員服務親切，落單快手。我哋點咗幾款招牌菜，試下佢哋嘅天婦羅同烏冬有幾咁真章。迷你海老天丼&稻庭烏冬真是一個「一箭雙雕」嘅選擇！迷你天丼雖然細份，但材料豐富：炸蝦彈牙、菇菌同南瓜香甜、溫泉蛋入口絲滑，配上秘製醬汁同日本米，濕潤嘅口感令人一試難忘。不過，醬汁略為偏甜，鍾意清淡口味嘅朋友可能要調整期望。稻庭烏冬就係另一亮點，麵條幼滑煙韌，配上蔥花、海藻同天婦羅碎，簡單卻層次分明，冷食尤其清爽，喺炎夏食落真是一個「透心涼」！穴子&日本產牡蠣天婦羅御膳賣相精緻，穴子同牡蠣天婦羅外酥內嫩，特別係牡蠣，鮮味濃郁，咬落仲有啲海水嘅鹹香，絕對係「鮮」情萬丈！不過，穴子略為偏瘦，唔及預期中肥美，可能係當日食材嘅差異。御膳配菜同飯量適中，食完唔會太脹，啱晒想試多款菜式嘅人。刺身4點盛合性價比高到飛起！赤蝦同日本帆立貝新鮮甜美，鮭魚同鰹魚入口即化，雖然份量唔算多，但作為前菜已經夠令人滿足。整體嚟講，食物質素穩定，上菜速度快。天丼走嘅係江戶前「濕潤」風格，醬汁同炸物融為一體，唔係追求極致脆口嘅路線。如果你係鍾意傳統日式天婦羅嘅食客，呢度可能會略為顛覆你嘅想像，但正正係呢份獨特嘅濕潤美學，畀人感受到江戶時代嘅飲食文化。餐廳用嘅有田燒丼碗同高級胡麻油，都係用心嘅細節，令人食得開心又回味。…查看更多

平日返工都同過同事去利東街金子半之助食過lunch, 今次又再帶朋友去食dinner我叫左最澎湃嘅江戶前天丼，朋友就貪心啲叫咗迷你天丼，因為可以一次過滿足兩個願望~~ 江戶前天丼一上枱我地都嘩出聲，主角穴子長 30cm!! 橫跨成個丼碗~~ 穴子同我哋平時食開嘅鰻魚唔同，佢係海水魚，肉質纖細，脂肪較少，口感更為清爽。除咗主角穴子仲有兩隻彈牙嘅海老、魷魚天婦羅餅、炸海苔同莢豌豆，每一款都炸得恰到好處，食既時候整爆半熟溫泉蛋撈埋一齊食就最正食到最尾，覺得佢隻碗有D唔同，問下職員先知原來佢大有來頭。佢哋用嘅係源自江戶時代嘅「佐賀有田燒」陶瓷，碗底特登做成雙層中空設計，目的係為咗更好地保持食物溫度，由外觀到實用性都一絲不苟，完整呈現江戶前嘅味道迷你天丼&稻庭烏冬天丼除咗炸物，原來仲有唔炸既野，佢叫咗半生熟烤牛肉迷你丼同埋牛肉稻庭烏冬對於有選擇困難症嘅朋友嚟講，呢個set絕對係恩物。牛肉粉色肉質嫩滑，配上特製醬汁同沙律菜，非常開胃。 牛肉稻庭烏冬牛肉份量足，配上滑溜嘅稻庭烏冬，麵條幼滑口感煙韌~食既時候將溫泉蛋、天婦羅碎、鰹魚花、海藻同蔥花等配料撈埋一齊食就啱啱好…查看更多

這間來自日本的人氣天婦羅丼飯專門店，其中一間分店位於灣仔的利東街。所有時令食材及醬汁等均新鮮由日本北海道、九州及沖繩進口，就連丼碗也是江戶時代的陶瓷工藝，百分百還原當地口味，價錢定位親民貼地。除了天婦羅丼飯，自選壽司及稻庭烏冬等亦是不錯的選擇，一個人都能享受得到～店內環境寬敞舒適，裝潢以簡約的日系木為主，如置身日本傳統小店。古早秘傳醬汁丼餅可另上醬汁。江戶時代傳統會淋上天丼醬汁，每件天婦羅都能沾上醬汁。江戶前天丼 - $138所有天婦羅均用日本特製高級胡麻油，金黃色較明顯，又散發陣陣芳香的味道。招牌穴子天婦羅長達30cm，肉質較鰻魚纖細且脂肪少，但勝在魚肉甘口鮮嫩較健康；兩尾去殼的海老爽滑彈牙、小柱魷魚天婦羅餅煙煙韌韌、溫泉蛋流出濃濃蛋黃液，還有海苔及莢豌豆。上天丼 - $118整碗的材料差不多，唯獨穴子換上白身魚，雪白的魚肉清甜彈牙，嫩滑多汁不帶刺。漬物&味噌湯日式醃蘿蔔酸酸甜甜，又有生薑片好清爽；味噌湯有濃厚的豆香，又有多片昆布。伯爵茶布丁 - $28香滑柔嫩的布丁充滿彈性，淡淡香甜的奶香，伴隨著濃厚的伯爵茶茶香，有獨特的佛手柑香氣，再淋上濃稠的焦糖醬。黑豆茶帶有草本清香與淡淡烘焙焦香，入口甘甜。…查看更多

今次嚟咗灣仔分店，環境都好舒服，店員態度好好，鍾意食天婦羅味一定要來🪄江戶前天丼有穴子、海老、小柱魷魚🦑天婦羅餅、溫泉蛋、紫菜、莢豌豆，穴子即野生星鰻長達30cm😎肉質甘口鮮嫩 外皮炸至酥脆，海老肉質彈牙鮮味 外脆內軟，將半熟嘅玉子蛋汁包裏著每一粒米，濕潤嘅飯同酥脆嘅天婦羅形成對比，只需要加入少少天婦羅醬汁，口感味道更加豐富🪄上天丼有白身魚、海老、小柱魷魚天婦羅餅、溫泉蛋、紫菜、莢豌豆，魚身同樣炸至酥脆魚身外酥內嫩，同樣味道都豐富🪄 獺祭雪糕當然要甜品作結，今次試咗用清酒做嘅雪糕，比想像中更加重米香味🚩金子半之助灣仔皇后大道東200號利東街地G16號…查看更多

I’m a huge fan of Deep Fried Japanese food and I’m also starting to appreciate Udon. So, I think it’s hard not to mention this place, cos they specializes in Tempura and they also do Udon lol. Kaneko Hannosuke is a renowned Japanese Restaurant chain specializing in Tendon. So, I had expectation on their Tempuras and…the Tempura set was ok to me. It has a unique taste in their batter, the ingredients they used isn’t bad but i felt like their Tempuras might have been out for a while. So, it wasn’t as crispy as i expected. But their Udon made up for the lack of quality of their Tempura😊The clear broth was so unexpectedly yummy😋and you get to add different ingredients to enhance the flavour profile😋Honestly, I wouldn’t mind just coming back for their Udon😊…查看更多

金子半之助位於灣仔，以招牌穴子天婦羅和古早秘傳醬汁而聞名。獨特丼碗設計更能保持食物溫度，帶來正宗江戶前風味。🔸江戶前天丼 這碗天丼的穴子天婦羅長達30cm，肉質肥美且滑嫩，搭配秘傳醬汁，讓每一口都充滿江戶的風味。🍤🍚🔸半之助沙律🥗 沙律中的蝦和蕃茄仔新鮮爽口，搭配清脆的蔬菜，為重口味的天丼帶來一絲清新，平衡口感。🥗✨🔸上天丼 上天丼的白身魚和海老天婦羅餅同樣外脆內嫩，溫泉蛋的滑潤感更讓整碗飯升華，令人回味無窮。🍳🌊金子半之助的料理讓人感受到正宗的江戶風味，特別是那道穴子天婦羅，值得一試！🌟…查看更多

非常鍾意食炸物，所以去咗一家專門做日式天婦羅嘅餐廳，佢哋嘅食物真係好正🍤 首先我試咗江戶前天丼，呢碗天丼真係太好味！🍚 裡面有穴子、海老、小柱魷魚天婦羅同埋海苔天婦羅，每一樣都炸得金黃酥脆，咬落去口感超級好！穴子肉質鮮嫩，海老更係彈牙，真係令人食到想再叫多一碗！🥰🥰而且呢個天丼仲配有套餐，包括一碗味噌湯，味噌湯嘅味道濃郁，湯底好清甜，搭配天丼食真係一流，整個餐點嘅平衡感好好，食完之後令人好滿足！🥢跟住我試咗迷你烏冬及天丼😛呢個組合真係非常吸引！🍜 烏冬煮得剛剛好，滑滑嘅，配上任加嘅海苔同炸物粒，味道真係好好，特別係烏冬嘅湯汁，飲下去好暖心。而天丼就係細細碗，搭配住溫泉蛋，咬開溫泉蛋即刻流出來，真係好正！🍳🤫再講講😊明太子玉子燒😄呢個小食簡直係必試！🍳 玉子燒滑滑嘅，裡面有明太子嘅鹹香，味道層次分明，食落去真係好開心！而且每一口都好有滿足感，搭配少少醬油，更加提升咗味道！😛呢間日式天婦羅餐廳真係值得推介，無論係主菜定小食都好用心，味道一流！🍽️💪🏻…查看更多

去開灣仔行街，咁岩想食天婦羅，就搵到呢間日本餐廳。係好靚既櫻花樹下食飯真係好舒服既感覺🌸🥩🍚 半生熟烤牛肉迷你天丼 & 稻庭烏冬🙌🏻牛肉外焦香裡面好粉嫩，肉汁四溢，醬汁鹹甜適中，搭配爽口稻庭烏冬！🍓 鮮果飲品放題🍹色彩繽紛，有巨峰葡萄🍇、菠蘿🍍、同埋芒果🥭任飲真係好抵😆🦑穴子 & 日本產牡蠣天婦羅御膳🦪穴子炸至金黃酥脆，肉質柔嫩中帶一絲鮮香牡蠣飽滿多汁，外酥內嫩😝加上搭天婦羅汁同埋蘿蔔泥，清爽解膩😬高質🥚 溫泉蛋✨外皮有層炸皮，裡面則係流心既！蛋黃好濃郁，層次豐富…查看更多

之前在日本的時候吃了一次，最近在公司附近見到就再過來試看一看水準在不在線軟殼蟹迷你丼+ 烏冬我們兩個分別兩個不同的套餐，主要是想試試他的烏冬面。我們再還加點咖喱. 咖喱湯和原本的昆布湯是分開的 不需要擔心味道不適合。軟殼蟹是大size的，吃起來不會有腥味,品質用的都是不錯的.江戶前天丼裡面都會有海鮮同蔬菜，裡面值得再加點個溫泉蛋. 天婦羅鰻魚是一整條，選的都是比較肥的鰻魚 所以吃起來會帶汁. 醬我個人建議可以分開，個人口味比較淡所以分開上可以自己調. 天婦羅蝦就是必加點的,吃起來是脆的.這一家還是現點現炸的，所以不會有油垢味.瀨祭雪糕裡面含有1%的酒精，吃起來不會覺得太過濃郁，反而是牛奶的香味比較多，個人推薦非常建議，主要可以清一清吃完油炸東西的油膩感。飲料可以加13蚊就有freeflow飲品,都不錯. 本身的茶都ok，裡面還會放黑豆,有淡淡的豆香.…查看更多

呢間主打食天婦羅嘅舖頭同和民係同一集團，每次經過都會俾佢個餐牌吸引，但就未食過，今日午市見等位嘅人沒咁多就入左去食。店舖裝修日式，可以看到一旁嘅廚師係度炸緊野同埋聽到炸爐炸野嘅聲，感覺幾好。一坐底店員就遞上兩杯自家制黑豆麥茶同點餐code，服務勤快。午市選擇多，睇左好耐先揀到食咩。1.明太子月見稻庭烏冬配天婦羅蝦&壽司定食食物賣相擺盤幾吸引，跟餐會有薑片同漬物。明太子份量唔吝嗇，撈埋烏冬食，咸辣剛好，大熱天時食個凍烏冬都幾醒胃。天婦羅有豌豆，蝦，南瓜，菇菌，即叫即炸，要d時間，食落去溫度同脆口，天婦羅沒有調味，可以點天婦汁配白蘿蔔蓉黎食。兩件炙燒三文魚箱壽司塊魚生較薄，味道普通。2.天婦羅定食性價比幾高，有湯有飯配多款炸物（蝦x2， 小柱魷魚天婦羅餅， 海苔，菇菌，溫泉蛋，豌豆）足夠送飯。溫泉蛋天婦羅係第一次食到，要整都幾巧功夫，撈飯一齊食一流。天婦羅海苔亦係比較少食到，非常脆口，亦都keep到海苔味道。其他天婦羅如果唔沾醬食，食唔到本身食物嘅味道。總體而言，店舖格局感覺似係日本，兩個餐份量充足，賣相不錯，味道唔算突出。…查看更多

香港可以食到嘅日式料理多的是，壽司、魚生飯、火鍋、居酒屋周街都係，不過專食天婦羅丼飯就唔多，唯獨呢一間。佢嚟自東京日本橋，2010年開業後就迅速喺世界各地開分店。香港都有4間，遍佈灣仔、奧運、荃灣同東涌。餐廳以各式各樣嘅天婦羅丼飯作主打，憑其極度邪惡嘅賣相、獨有「秘傳江户前天丼醬汁」而廣受大家歡迎。🍤江户前天丼 ($138)單睇嗰條足30cm 長嘅穴子天婦羅就已經心心眼，除此之外，仲有海老 (加$38 升級虎蝦)、魷魚、溫泉蛋・海苔同莢豌豆天婦羅，澎湃程度連一粒飯粒都見唔到，非常吸晴！🤤🤤🤤建議先沾秘製醬汁食少少，品嗜天婦羅新鮮熱辣炸起嘅酥脆。食咗一半後，可戳破炸溫泉蛋，撈均蛋汁、醬汁一齊食，口感層次即時會更豐富。🦪日本產牡蠣 ($38/2隻)雖然阿叔平時鍾意食生蠔多，不過呢隻牡蠣天婦羅又幾唔錯，大大隻相當肥美，即叫即炸夠香脆，愛蠔人士值得一食。🍨獺祭雪糕 ($28)食完啲咁油膩嘅嘢，當然要食番個雪糕fresh番吓！專門店宜家期間限定推出100%日本製造、選用北海道鮮牛奶嘅獺祭純米大吟釀酒粕雪糕。阿叔想食好耐架喇，今次終於有機會試到。由於雪糕含有少於1%嘅酒精成分，所以食落一啲酒味都無，反而充滿奶味，大人小朋友都啱食。🤗🤗🤗…查看更多

金子半之助係來自日本嘅過江龍！餐廳主打高質天婦羅丼，現場氣氛都幾舒服，開放式廚房見到師傅炸天婦羅好吸引🍤。今次叫咗穴子&日本產牡蠣天丼，店員建議先食熱辣辣嘅天婦羅再撈埋溏心蛋落飯，真係層次感好豐富！穴子大大條，炸得酥脆但又保留到魚味；牡蠣新鮮多汁，入口即溶，好出色🦪。想多啲選擇，推薦迷你天丼+蕎麥冷麵set！我揀咗半生熟烤牛肉迷你丼，牛肉嫩滑，配搭北海道產蕎麥麵，冰涼爽口，夏天嚟一set最啱🍜。加多$13就有鮮果飲品Free Flow，巨峰提子汁同芒果綠茶都幾有誠意，任添飲嚟講超值！😉…查看更多

用 openrice x leetungavenue利東街 6折🍤金子半之助天丼🍚餐飲券，用埋visa click to pay 減$10，計埋正價加一，一碗$63.8（原價$107.8），真心超級抵。餐廳屬於和民集團旗下，除利東街店外，亦有其他分店。天婦羅丼超級足料，兩隻天婦羅蝦🍤🍤、兩件本菇天婦羅🍄🍄、🦑小柱魷魚餅、⬛海苔、🫛碗豆，最正係流心天婦羅溫泉蛋🥚外脆內滑🟡蛋汁拌飯好正。醬汁濃郁。…查看更多