大阪日本料理 (已易手) 新餐厅

自從搬離亞士厘道就未再幫襯，難得今日早放再回味一下。午市抵食套餐依然仲有，今日我地食左三色御膳+北海道蟹餐盒。三色御膳首先上左牛肉烏冬，牛肉唔會煮得太熟，由廚房送到出黎剛好，因為湯底夠熱。碎吞拿魚飯+廚師發板壽司一次過上左呢兩樣。碎吞拿魚飯上面有一大片海膽，感覺絕不單調。廚師發板有5件不同壽司，生既壽司我無食到，老公評語不過不失。而我覺得值得一讚其中一件火灸左口魚邊(應該係)入口即溶(呢件我有食)。北海道蟹餐盒如果有去過日本大阪果間好出名食蟹既餐廳，相信對呢個餐盒就唔會陌生。食完當去左轉日本，不過當然對蟹腳一定無日本咁大條，不過香港食到呢個質素先係百多元, ok啦～環境新店地方好寛闊，保留日本風。服務想特別一讚店員服務十分好。我同老公比原定訂枱時間遲左半個鐘，即使快到下午休市時間，店員依然有禮服務。小妹不常寫食評，不過服務好+價格相宜既餐廳在香港確實不多，會再幫襯支持。