Hami Harmony (已結業)

酒吧街入面其實都有唔少餐廳，不過多數都係食西餐，同埋環境比較暗嘅浪漫餐廳。之前試過一次呢一間清新既Cafe，記得唔單止環境好，而且食物質素都好高，所以今晚就嚟食多次啦。我哋首先叫咗呢個BBQ雞翼，朋友唔係太食得辣，不過呢個雞翼嘅辣味佢都接受到，而且讚不絕口添。呢度有一個好值得讚嘅地方，就係每張枱都有擺低一支水，口就唔使成日麻煩侍應針水，啱晒坐低傾計，傾到口干果陣可以飲啦。呢個安格斯肉眼扒賣相已經夠哂靚，而且份量超級大，差唔多大過我個頭啊。我哋叫咗個五成熟，煮嘅時間啱啱好，而且牛味好夠，唔使點佢個蘑菇汁已經好好味啦。最後梗係要食甜品啦，呢個朱古力蛋糕唔會太甜，但朱古力味好濃，啱晒鍾意食朱古力嘅人啦，女仔一定會鍾意。呢間Cafe感覺好清新，好啱一大班朋友，特別係女仔嚟食飯傾計。而且食物質素又高，唔怪得次次經過都咁多客啦。