翠林辣蟹舫

唔使去西貢，黎尖沙咀都有香港地道嘅避風塘炒辣蟹食。小辣味道啱啱好，有少少辣好惹味。辣蟹有鑊氣，蟹肉大大嚿，啖啖肉。黃金流沙蝦球配沙律醬，蝦球好大隻，好新鮮，彈牙又爽口。黃金一啲都唔膩，好邪惡但好好味，配上炸粉絲，口感卜卜趣。配上沙律醬一齊食感覺冇咁油膩。半隻秘製麻辣雞煲有好多雞，有少少麻辣味，用木耳一邊煮嘅時候已經聞到好香，流晒口水，雞好滑。日本金瓜伴野菌，日本金瓜味道有啲似南瓜，配上草菇，荀，味道清清地，感覺唔油膩。