影片
更多
2022-07-24
62 浏览
以前鍾意飛去東京食拉麵，而家搭飛機好似變成奢侈品，人變得內斂，越嚟越鍾意喺香港尋寶美食。某天下班時分經過旺角通菜街，即係女人街，動態清零之後見到旁邊的美食小店，無意間先發現到東京人氣拉麵名店「丸目背脂煮干」，原來已經正式登陸香港，首間海外分店交通都非常方便，唔使諗即刻衝埋去攞位。丸目背脂煮干 名副其實日本過江龍拉麵，呢間拉麵咁有人氣係因為特別選用背油脂熬製湯底，使拉麵保持熱度，入口極重無比油脂香，重口味質地非常濃厚。餐廳面積適中，座位寬闊，店員有禮貌，地方整潔衛生，堅持日本職人態度，疫情期間更加食得放心。日本三得利生啤 $38冰涼夠爽，泡沫豐富。一邊食拉麵，一邊飲啤酒，仲有個冰水壺，聽著日本最新流行曲，感覺快閃了一轉日本旅行！海老辛醬背脂煮干沾麺 $108背脂、味玉、叉燒、辣度小辛、天氣熱，可以選擇冷麵，加落去熱湯食別有一番風味。叉燒肉質好軟淋，我鍾意半肥瘦，口感啱啱好，值得一讚！麵軟硬度我個人喜愛比較軟身，麵條用咗人手製粗身極太麵，口感十分彈牙。麵選用日本小麥，日本產小麥香味同甜味，更加滋味。背脂選量標準已經很滿足。沾麵湯底更濃郁，厚豐富重油脂，口感有驚喜，適合唔同口味嘅朋友，值得一
某天下班時分經過旺角通菜街，即係女人街，動態清零之後見到旁邊的美食小店，無意間先發現到東京人氣拉麵名店「丸目背脂煮干」，原來已經正式登陸香港，首間海外分店交通都非常方便，唔使諗即刻衝埋去攞位。
丸目背脂煮干 名副其實日本過江龍拉麵，呢間拉麵咁有人氣係因為特別選用背油脂熬製湯底，使拉麵保持熱度，入口極重無比油脂香，重口味質地非常濃厚。
餐廳面積適中，座位寬闊，店員有禮貌，地方整潔衛生，堅持日本職人態度，疫情期間更加食得放心。
日本三得利生啤 $38
冰涼夠爽，泡沫豐富。一邊食拉麵，一邊飲啤酒，仲有個冰水壺，聽著日本最新流行曲，感覺快閃了一轉日本旅行！
海老辛醬背脂煮干沾麺 $108
背脂、味玉、叉燒、辣度小辛、天氣熱，可以選擇冷麵，加落去熱湯食別有一番風味。
叉燒肉質好軟淋，我鍾意半肥瘦，口感啱啱好，值得一讚！
麵軟硬度我個人喜愛比較軟身，麵條用咗人手製粗身極太麵，口感十分彈牙。麵選用日本小麥，日本產小麥香味同甜味，更加滋味。
背脂選量標準已經很滿足。沾麵湯底更濃郁，厚豐富重油脂，口感有驚喜，適合唔同口味嘅朋友，值得一讚湯底口味重，但食完之後都唔會口渴！
海老辛醬背脂煮干拉麵 $98
背脂、味玉、慢煮豚肩、炙燒豚腩、
洋蔥、木耳、紫菜、青蔥。標準辣度，麵量可以無料增量到180g。
麵軟硬度適中，咬落去煙煙韌韌，掛湯汁，好香小麥味，口感彈牙。
背脂選量標準，拉麵湯底滋味無窮，原來係以豚骨、豬背脂、沙丁魚乾同埋日本醬油精心熬製。湯底品嚐到海老蝦頭鮮味道，辛醬香辣濃郁。日本濃郁脂香嘅湯底味道，香港都可以品嚐到，深感幸福。
慢煮豚肩、炙燒豚腩、兩塊豚的不同部位，不同煮法，炙燒豚腩油香四溢，入口即溶。
慢煮豚肩肉質軟綿，味濃。
溏心蛋值得一讚，溏心煮得 perfect 美味。
张贴
