Brass Spoon

营业中

休息中

灣仔月街有間連續8年米芝蓮推介的越南餐廳，隱身於懷舊老樓中，每次經過都見到大排長龍。呢日平日下午終於捉到個空檔，決定一試傳說中嘅人氣小館！去到點最豐富的招牌火車頭：幾款牛肉包括Short Rib、牛胸腹、筋腩同澳洲和牛牛丸，加埋牛肚同筋，牛味超濃郁啖啖肉香，湯底甜得自然，完全唔油膩。牛肉切得薄薄，蘸啲生辣椒再落滴青檸，惹味又爽口。小食拼盤有炸春卷、絲網春卷、牛油雞翼同炸蝦餅。炸春卷咬落外脆內香，絲網春卷就煙煙韌韌，牛油雞翼鹹香四溢，雞皮極之鬆脆。炸蝦餅彈牙，蝦味濃。燒豬腩肉法包新鮮香脆，餡料厚實，豬腩肉肥美不膩，配上香蔥酸蘿蔔仲加分。鹹青檸梳打酸酸甜甜，清新解膩，成個午餐超滿足！