鬼金棒

营业中

休息中

#愛上拉麵試過咁多間拉麵店各有特色，不過令我最掛住嘅都係鬼金棒！店面嘅裝飾非常之有氣勢，鬼面和金棒擺滿整間舖頭，店內鼓聲氣勢磅礡，次次黎都覺得好有和式氣氛！鍾意呢度電腦點單，幾辣幾麻自己話事，仲可以仔細選擇想要嘅配菜加芽菜又得走芽菜又得，揀到啱心水為止都絕對冇問題😎我今次揀咗炒豆芽菜辣麻味噌拉麵🍜滿滿的炒豆芽菜堆到成座山咁高啊！超級吸湯嘅芽菜索晒辣麻味噌，咀嚼時可以隱約feel到爽口又爆汁，辣度仲不停提升，勁有feel！配搭埋拉麵食更潻風味！老公鍾意食呢度嘅增量叉燒辣麻味噌拉麵🍜大大份成兩塊成吋厚的增量叉燒唔單止滿足視覺享受，啖啖肉質感仲將味覺享受推上巔峰！而且呢度啲叉燒用五花腩製作，油香四溢，食落軟綿綿㗎！真係好食到癲呀😋