鬼金棒

营业中

休息中

餐廳環境係一間好日式復古嘅吧枱坐位，都有一d普通位 細細間 長方形嘅一餐拉麵店，同埋店內一直播住日式祭典個d打鼓歌 好有feel。門口貼左張辣度表，有小 中 大 特。入到去係用手機落單，餐牌種類係同一種麵有好多吾同配搭。全部都係味噌湯底，但有好多吾同配搭 芽菜 莞茜 味玉。湯底好濃 但吾會鹹，入面都已經配搭左小小蔬菜 有反d口感，個麵體係較粗身彈牙個隻 有d似二郎系個種。叉燒肉係長方型角煮 軟腍得黎吾會散 大約3成肥肉。味玉選用嘅係較濃味 深色蛋黃，但調味吾算太明顯 主要食反個蛋味。 莞茜 中辣 小麻：莞茜味好出 同個湯好夾，鐘意莞茜一定要試。中辣大約係譚仔小辣 鐘意食辣嘅應該都會食到 冇咩問題，麻就吾太feel到 得好小小小小麻係嘴邊 肉增量 小辣 無麻：除左肉大舊左，其他冇咩分別。小辣大約係5小辣，吾食得辣都可以體驗下嘅feel。 整體辣度都係可以跟反自己平時照嗌 吾會過辣，同埋個辣都係舒服同埋好快散個種，辣得黎幾過癮。