影片
更多
2007-02-03
6 浏览
自從四姐之後，都一段時間無吃過麻辣菜，見天氣轉暖前就拿拿臨來一局麻辣私房宴，主打住家小炒cross over麻辣火鍋。幾僻的小店，要找上門其實都幾有難度，惟一landmark就是斜對著大排檔，而門口掛著辣椒做暗記。要在三百呎左右的小店內擺一圍15人的檯，都認真迫硤，好彩大家都見慣「大場面」，尤其係去過和味館立食的星爺，擺起位來都無問題。老闆一來就硬sell麻辣火鍋，早前已說過九千幾百萬次話最後先上，來到仍忍唔住再sell，認真頑固！管他的，冷盤先來，是口水雞、蒜泥白肉同拍黃瓜，拍黃瓜幾乎能在國內任何地方都吃得到，有辣有唔辣，見到私房菜有辣的黃瓜，何奇之有？幾味冷盤分別加了醋，吃落口酸而微辣，黃瓜得個爽身，少了鬆脆感覺，而口水雞，雞又嫩又滑，竟然好過個sauce，收$110都真係唔貴，至於蒜泥白肉，蒜泥味唔出，入口只辣不香，肉是偏向厚身，幾家庭式的做法。再來是炒辣蟹，早前落order話一碟肉蟹一碟膏蟹，埋位先知只得膏蟹，難以置信深水步附近幾個街市都買唔到一客肉蟹？用炸的方式做的巴蜀辣蟹，也是第一次吃，肉是幾嫩，胸位是脆得可以連骨吃，但就做唔到辣香味道，都好過吃軟殼蟹．．．？吃到最後，仲有
幾僻的小店，要找上門其實都幾有難度，惟一landmark就是斜對著大排檔，而門口掛著辣椒做暗記。要在三百呎左右的小店內擺一圍15人的檯，都認真迫硤，好彩大家都見慣「大場面」，尤其係去過和味館立食的星爺，擺起位來都無問題。
老闆一來就硬sell麻辣火鍋，早前已說過九千幾百萬次話最後先上，來到仍忍唔住再sell，認真頑固！管他的，冷盤先來，是口水雞、蒜泥白肉同拍黃瓜，拍黃瓜幾乎能在國內任何地方都吃得到，有辣有唔辣，見到私房菜有辣的黃瓜，何奇之有？
幾味冷盤分別加了醋，吃落口酸而微辣，黃瓜得個爽身，少了鬆脆感覺，而口水雞，雞又嫩又滑，竟然好過個sauce，收$110都真係唔貴，至於蒜泥白肉，蒜泥味唔出，入口只辣不香，肉是偏向厚身，幾家庭式的做法。
再來是炒辣蟹，早前落order話一碟肉蟹一碟膏蟹，埋位先知只得膏蟹，難以置信深水步附近幾個街市都買唔到一客肉蟹？用炸的方式做的巴蜀辣蟹，也是第一次吃，肉是幾嫩，胸位是脆得可以連骨吃，但就做唔到辣香味道，都好過吃軟殼蟹．．．？吃到最後，仲有得玩尋寶，原來大家在尋蟹膏，食完仲有得玩，一蟹兩味也玩得過。
吃完幾味，食友仍然話唔辣，就來個毛血旺，是有少少麻味的豬雜鍋，四川當地隨街都食到的地道小吃，來到這裡，夠辣但唔夠麻，豬雜入口都算爽口，口感方面是唔錯的，吃完此品，身邊的Christy終於有少少辣的感覺，偶麻．．．味覺方面已開始麻木。
之後小炒分別是辣子雞、回鍋肉、乾扁四季豆、麻婆豆腐，在辣味速進血液循環配合紅、白同「特醇米酒」下，酒氣運行得特別快，只記得乾扁四季豆是扁得不夠火候，做唔到乾焦的效果，吃完頭輪小炒，結論是做唔到百味川菜的效果，極其量只是辣與醋的組合。
麻辣火鍋才是精彩開始．．．由Christy吃完百葉後覺得無料到，到之後一件生根至有小火，前後不過2分鐘、Panda由糖吃到變「鹽」，到最後住家猛男話：「日落西山」，玩得盡慶之餘仲學到唔少四字成語，看來酒同辣都值得進一步研究。
辣照：
http://www.imagestation.com/album/pictures.html?id=2095942404
张贴
